Oje 9 - BIBLE MBAÏ 1980

Takïgang dø Israelgt kïtø awïn kï ketekete kam yot kï ða

¹ Israel, ot ða ronel kï kamnda tit'n hã girrdeg kïdangdang ðan ne. Kïta i ðakaya, i nya Luwah loi kø, i ndig nyabaji kaya kï ða dø gar ndah nyakogt tube.

² Nyako kï ndah dø gart kï kand nduu kï þa lobaat a asï kuld al, kasïnduu kïkij a dud.

³ A ndïn kam døningt lo Bïraþe gog al, Epraimag a telïn kï døning Ejipt't gog, a san nyasa kïyerr døning Asirit.

⁴ A mbelïn kadkari kasïnduu kï kü kø kad Bïraþe al. Kadkarig lod kïjakø a nelïna al. A în tit nyasa lo deg kï ngéhøndo be. Deg tube'n a san a telïn kïyerr, kïta nyasa lod a i kïta tøl þood koon, a andïn ne kam kujt lo Bïraþe al.

⁵ A i ðan ði ndø kawnat kï ndø ða nah lo Bïraþe a?

⁶ Kïtø oon, deg ndï awïn sãi kï døning lod kïnuj. Kawïnd kïnat døning Ejipt't, a duwïnd þebo Mempis. Hayag a þa utïn londïd'n nya l'arjãg lod kï gatd i ngãi, în tit, ngarg a þan kam kujkubgt lod.

⁷ Ndøg kïta gangta ðen woi, ndøg kïta nda ngïra ðen tø. Israel a ger. I ndï elïn anan: Ngekelta kï ta Luwaht, kurdøa oi. I ngenyahã ndï elta papa kïta ðagootal losï kïngãi kï taðøø losï kïdum.

⁸ Ngekelta kï ta Luwaht i ngéngomlo kïjeje ku degt lo Luwah ad i Epraim; na yan gum dø ðobgt loa, în deg ndiant mbã kï kam kujt lo Luwah loa.

⁹ I son kam majalt kï wokïþing tit'n i ðan ne lot kï Gibea maði. Luwah a ga kamïn dø ðagootal lod, na a nda øjd kïtø majal lod.

¹⁰ M'ngah Israel tit kand nduu kï kam dïlalot. M'oo bøwsïg tit kand mbaiþood kï and dasa þal kandat kïdasa be. Na bøwsïg lon ten Baal-Peort, adïn rod yo Baal, telïn kïyerr tit yo Baal'n tarïna nõ.

¹¹ Tøko lo Epraim goto, þai aw kø tit yel be. Koojna goto, dekïdë kokem goto, ndah kohna goto.

¹² Ke neni ton ngan'g kaa ne, m'a m'ad'd oin mbã kad de goto. Beto lod, lon m'nyàd kïnõbe.

¹³ Epraim lon m'ooa i tit þebo kï Tir be. Epraim i kï hø kam ndøøt kïmaj dum na Epraim aw kï ngan'g kï ro ngetøldt.

¹⁴ Ad'd nya mad Bïraþe. Ði a i ad'd a? Ad'd nëdg telïn kujg kï mbad kï ãi al tø.

¹⁵ Girr majal lod tube i kam þet kï Gilgal, nõbe la m'mba girrr køsïd ta tit ye. Kïtø kïlaðag kïmajal, M'a m'tuþad kam kujt lom kïtïga, M'a m'tard gog al. Mbaiþeg lod tube în ngétaðøøg.

¹⁶ Ndan Epraim ad ngïraa tut, a tee kï kand gog al. Ke oojïn ngan'g kaa ne, m'a m'tøl ngandg kï ngétar lod.

¹⁷ Luwah lom a mbetd kø kïta oon dø ta loa al, a în ngékaw kï njad dõ ku girrdegt kïdangdang,