Oje 8 - BIBLE MBAÏ 1980

Bïraþe ndang Israelag kïta yo kï ða

¹ I kunïn tow, na i kørïn nya elïn ne deg, tit'n yel kuro ndï ðisïn ye titbe la tuj ndï son dø girrdegt lo Bïraþe.

² Ndï kon kïdømt, anan: Î Luwah loj, jî Israelag kï geri.

³ Israelag mbetïn nya kïmaj ye, madngetadg tuþan god.

⁴ Ndan ngarg dødt kïkanj mberkïnda lom, køtïn kïbog kïkanj kad m'gerd. Ðan yog kï l'arjã kï l'ørr lod, kïta 'nten a nujïn kø.

⁵ În deg kï Samari, m'mbet yo ngon mang l'ør losï; m'þa sesï wong kïtïngabil; a i teen kïkar nyangt ndø ðit a?

⁶ Yo ngon mang l'ør lo Samaðig ye, i luwah al, na i kød mad ku Israelagt la ðaa ye, Kïtø 'nten þet a tøøna køsïkøsï.

⁷ Kïtø Israelag duwïn nél, a tetïn nélbarwãi. A ngahn dø nyako al, nduj a goto, na îla and a ne, mbahg la a san mugj ye

⁸ Tajigla girrdeg kïdangdang lan Israelag yalïm, i tit joo kï ndaa goto be.

⁹ Lon Epraim aw Asirit tit koro kï mut, kï aw kïkïðanbe, ad kadkari ndugon ngéðan ngaw.

¹⁰ Ke neni adïn kadkarig girrdeg madg kad ðan ne sed kaa ne, m'a m'kawd kïnat tajigla, kamla a nyan ta nda ngarg kï mbaiþeg tit'n ndan ne kaglot 'nten.

¹¹ Kïtø Epraim ða dïngïr kadkarig kïjakø ad bïlan kïdøtdøt kïta ða majal, na dïngïrg'n non telïn lo ða majal loa.

¹² Ke neni m'ndang mberkïndag lom asï dub kïlah kaa ne, Epraim a ood tit ta kïmbah be.

¹³ Neld ngãi kad lan horr kadkarig kïjakø admïn, kïta a san dã, na Bïraþe ngah ronel kam nyagt'n non al. Tajigla Bïraþe a gah dø majalt lod, a nda øjd kïta ðagootalg lod, a telïn kï døning Ejipt't gog.

¹⁴ Kam Israel oi dø Ngeða'n, na ða kuj kõþeg kïtan. Juda kaa ne, ða þebog kïngang kïdøtdøt, na m'a m'lahorr dø þebogt loa, a õ kuj kõþeg loa mugj.