Oje 5 - BIBLE MBAÏ 1980

Luwah a nda øj Israelag kïta kaya lod kï ða

¹ În ngéjamosï kadkarig, oon dø ta 'nten. În ngékïþe lo Israel, i nelïn mbisï. În ngékïþe lo ngar, oon dø ta. Takïgang i døsït kïta în gum kïya kam þet kï Mispa în band kï dø mbalbo Tabort.

² Kïtakul kadkarig lod kïjakø ngétaðøøg udïn yudum kam tøidøtat, na m'a m'nda m'øjd tube.

³ M'ger Epraim, na Israel asï yaron romt al kïta tajigla î Epraim, i ðakaya, na Israel yerr kï ron.

⁴ Kïlaðad øgd tel kï ro Luwaht lod kïta ndil ðakaya i kamdt, na gerïn Bïraþe al.

⁵ Døngang lo Israel manaj døat takumat. Israel kï Epraim a tuson kam ðagootalt lod. Juda tø a so nat sed.

⁶ A awïn kï batg lod kï mangg lod sahn Bïraþe, na a ngahna al; Bïraþe ørr ron rodt kø.

⁷ În ngéðadenesew al kï Bïraþe kïta oojïn ngan'gn în loa al. Tajigla Bïraþe a nujd kï nyamajg lod tube kam naht kïkïðabe.

⁸ I kunïn tøwðøø kam þet kï Gibea. I kunïn brunj kam þebot kï Rama. I udïn þi kïkamþet kï Bet Ayent. Benjamin, madngétaig ndï ðen gidt nõ.

⁹ Epraim a tel gootþe ndø ndakøjt. M'la mber ta nya kïje'n a ðe dø girr Israelagt.

¹⁰ Mbaiþeg kï Juda'n în tit deg ngéndøt kï ðob nin ndøøg lod be. M'a m'ad wong lom ü dødt tit man be.

¹¹ Epraim i kam darondot, roa oi yelel girr takïgangt, kïta ndig kaw go nyagt kïpãbe.

¹² Na mî tit kïðukïsï kïta Epraim, m'a mî tit do kïða þi be kïta deg kï døningt kï Juda be.

¹³ Epraim oo mõi lon, na Juda oo dø lon tø. Kamla Epraim aw Asiri, la kïla ro ngar Yaredt, na ngar'n non a asï yootsï al, a asï kad do losï ed al tø.

¹⁴ Kïtø mî Bïraþe mî tit tubo be kïta Epraim, mî tit ngon tubo kïta deg kï Juda. Mî m'a m'tørrd huthut, na m'aw, m'a m'øid, na de mad kï a tad jimt goto.

Israelag ndig telïn kïro Bïraþet kï kamd kïjoo

¹⁵ M'a m'tel m'aw londïmt gog mbã kad gerïn ðagootal lod, na a sahn takumm; a sahmïn dan kamkølt lod, anan: I ðen, ad kï telïn kïro Bïraþet.