Oje 2 - BIBLE MBAÏ 1980

¹ Ke titbe kaa ne, kør Israelag a i tit ngár kï ta bahbot kï de a asï mbøj ke da køra al. Kam lot'n kete deg elïnd anan: în deg lom al ye, deg a elïnd tø anan: în ngan Luwah kï kumkajir.

² Ngan kï Juda kï Israela a kawïn na kïnat, a ndan kïbo kïða dødt, na a teen kam døning þert, kad taan kamþe kïta ndø lo Jijrel a i ndø kïbobe.

³ Elïn ngankõsïg kïdïngã anan: Ami ad i: În deg lom. Elïn kõnansïg anan: Ruhama ad i ngahn kookumtondo.

Israel i dekïdë kï ngom ron al

⁴ I lan ta dø kõsït, i teen kï girr majal lo kõsï. I teen kï ta loa kï tïga kïta i nëm al, na mî ngawa al tø. Ela kad ørr kaya kï ða takumt kø. Ela kad ørr ngaw kï ða mbïna mbaant tø.

⁵ Titbe al a ne, m'a m'ngî kub roat m'ad roa i kari tit kï ndø koojat be, M'a m'ada tel tit kï dïlalo be,

⁶ m'a m'ada ndï kam døningt kï tut kurum, m'a m'ad kïndah tøla. M'a m'ookumtondo lo ngana al kïta în ngan kï kooj lo ðakayat.

⁷ Kïtø kõd ðakaya kõd kï ngekoojd ða nya kïrosøl. El an: M'a m'aw go ngéngawgt lom, îgïn ndï admïn nyasam kï man kï ngekadïm kub bî bat kï kub lî lom kï yib kï nyakãi.

⁸ Kïtø 'nten mî Bïraþe m'a m'ut ta ðob loi kï kon'g, m'a m'ða ndogbørr kad i ngah lo tee kï tïga al.

⁹ A tuþa go ngéngawg lon, na a ngahd al. A sahd, na a ngahd al. Kamla a el an: M'a m'tel m'aw ro ngawmt kïdasa, kïta maði i soomt tøi kï tajigla.

¹⁰ Ger kad i mî Bïraþe hã m'ada nyako, kï kasïnduu kï kij kï yib al Ger kad i mî hã m'ada l'arjã kï l'ør ngãi kï tøi al, Na øin kad n'ðan ne yo, kï n'adïn yo Baal.

¹¹ Kïtø 'nten m'a m'taan nyako lom gog kaglo tetat, m'a m'taa kasïnduu lom gog kaglo ja kand nduuut. M'a m'tørr kub bî bat lom kï kub lî lom roat kad î kï ron kari.

¹² Na tajigla m'a m'la rosøl 'nten døat takum ngéngawgt loa. De kï a ug ørra jimt goto.

¹³ M'a m'ad ronel loa, tube goto kï ða nahg loa kï ða ronel kij nahg loa, kï ða ronel kï ndø taakòg loa kï nah kï ða kïdangdang kï ða kï kagloa m'a m'ad'd goton.

¹⁴ M'a m'tuj ndøø nduug loa kï kag mbaiþoodg loa în elta lod an: Oon nyangah'n ngégawg lom admïn Mî Bïraþe m'a m'ad'd telïn kù, na dãg kïmut a san tube kø.

¹⁵ M'a m'nda m'øja kïta kaglo tube'n ða hilen yo Baalg, lon lahorr mbikám kïkootmbî nõdt, na pare ron kï ninga kï medkøsïg lon, kad ãi ngød go ngéngawt lon, na kama oi døm. Takel Bïraþe.

¹⁶ Kïtø 'nten, Oo, m'a m'goola m'aw sia kam dïlalot, m'a m'ela ta kï søl kama.

¹⁷ Nu la m'a m'ada ndøø nduug loa kï maði, na m'a m'ad hoollo kamkøl teltabit nya ndahkamdøt. Nu la a øsï pat tit, kï kam ndøgt'n în ngomand, tit ndø teea kïtïga kø Ejipt't be.

¹⁸ Ndøt'n non, kel Bïraþe, a i kunïm ngawi, na a i kunïm Baal lom ad i ngeem al.

¹⁹ M'a m'ørr tø yo Baalg taat kø, kam a oi død ad a kun tød gog al.

²⁰ Ndøt'n non m'a m'ad kunkø to mbïnasït kï dãg kïmut, kï yelg kïdõ, kï nyag kï kør kød'd ber. M'a m'tet gãkïrã kï kiyaðøø, ðøø a goto, na m'a m'ad i ndïn kï lapia.

²¹ M'a m'taai nëmt kïgo nyaðat kïdenesew kï kïgoðobat kï kam kamkët kï kookumtondo.

²² M'a m'taai nëmt kïgo nyaðat kïro, na a i ger Bïraþe.

²³ Ndøt'n non, m'a m'oo dø kel Bïraþe, m'a m'oo dø ko lo dørãg, dørãg tø a oon dø ko lo døning kad ndii ed,

²⁴ døning a oo dø ko lo nyako kï kasïnduu kï yib, în tø a oon dø ko lo Jijrel.

²⁵ M'a m'duw Israel tit kum nyako be kam døningt'n ðan, kïta m'a m'ookumtondo lo Lo Ruhama; m'a m'el Lo Ami m'an: În deg lom, na deg lom a elïn anan: Mî Luwah lod.