Oje 12 - BIBLE MBAÏ 1980

Luwah ndáng Epraimag kïta ndokum kï ða ta kõ.

¹ Epraim gug døm kï takïbalg, ngékïþe lo Israel gugïn døm kï ndokum, na Luwah ger Juda þaitø, i ngeða nya kïro nõ Ngekunjðangt.

² Nyasa lo Epraim i nél, ndï tuþa go nél kï loþakàdt, kï ndø kïðen ndï eltakïbalg kïdøtdøt, ða ta kõ ngãi tø. Epraim la køn nat kï Asiri, ndï aw kï yib Ejipt't.

³ Bïraþe aw kï ta kï Juda, a nda øj Jakob kïta ðob nyaðaa, a baa kïgo kïlaðaat.

⁴ Jakob i kam kõnt þaitø la hø gid ngonkõn ye; na lon tel dekïdïngã, ðøø kï Luwah.

⁵ Rota, Jakob ðøø mïlla kï malaika na tetaðøø nõ na køa kï øjïn kamkë. Ndød Luwah Betelt, nõbe la Luwah elj ta tit.

⁶ Bïraþe Luwah Ngekoosïg, îla tøa i Bïraþe ye.

⁷ Î, i tel kïro Luwaht loi. I hø nyaðakïro loi kï nyaða kïdenesew. I nda kami dø Luwaht loi kïndøgndøg.

⁸ Epraim i tit ngéðagat kï nya mbøj køinya kïngom i jiat. Ndokum nela ngãi.

⁹ Epraim el an: rota, mî ngemaj, m'ngah nyamajg ngãi. Na nyangahg'n non kïða kï a nãi jiat goto kïta ðagootal loa

¹⁰ Mî Bïraþe Luwah loi maði nu døning Ejipt't mbã tajigla. M'a m'ad i ndï kam kujkubgt gog þaitø tit kï kam ndø ða nahgt kïmaði kï m'gang ndød.

¹¹ M'a m'elta kï ngékelta kï ta Luwaht, m'a m'ad'd oon nya kam ndilgt kï nja natnatbe na kïtakul ngékelta kï ta Luwaht m'a m'elïn terrtag.

¹² Îla ðagootal i døning Galaadt a ne, rota ngendït a în deg kïpãbe. Îla lan bøw mangg kadkarigt kïjakø Gilgalt a ne, dïngïr kadkarig lod a telïn duw mbalg mbïna þaigt kam ndøøgt.

¹³ Jakob ãi aw døning Aramt, nu la Israel ða kïlaþert kïta taan dekïdë, ngom batg kïta taan nën.

¹⁴ Kïtakul ngekelta kï ta Luwaht la Bïraþe teen kï Israel døning Ejipt't kïtïga, kïtakul ngekelta kï ta Luwaht la Bïraþe ngomïn tø ye.

¹⁵ Epraim søkï Bïraþe ad wong tøla søkïr. Bïraþe loa a ad mosï'n ü kø i døat na a ad rosøl loa tel so døat gog.