Dakɔr deg 31 - BIBLE MBAÏ 1980

Takïgang dø Madiãt

¹ Bïraþe el Moij an:

² I nda ngïra lo Israelag dø Madiagt, gog got a oi aw go ngeigt.

³ Moij elta kï deg an: Oon go dekïdïngãg kusït kad ðøøn kï Madiã, kïta nda ngïra lo Bïraþe.

⁴ A i lan deg dub kïða ku girr Israelt kïðen kïta ðøø.

⁵ Øin deg ku kïdubgt lo Israel asïn deg dub kïlah gidaijoo kï ðan rod oi kïta ðøø.

⁶ Moij lad lo ðøøt, deg dub kïða kïgo girrkoojt kïðen nat kï Pinees ngon Eleajar ngejanyamosï'n to nyag kïkam lot kïjaþat kï towg kïkó ngãi jint.

⁷ Ðøøn kï Madiã tit'n Bïraþe ndan mbera Moij na tølïn dekïdïngãg tube.

⁸ Tølïn ngarg kï Madia nat kï deg lod, ad i Ebi, Rekem, Sur, Hur kï Reba, ngarg kïmi kï Madiã, tølïn Balam ngon Beor kï kiyaðøø tø.

⁹ Israelag høn dekïdëg lo Madiã þert nat kï ngandg, høn dãg lod kï þut nyakulg lod kï nyamajg lod tube.

¹⁰ Lan horr þebog lod în ndïnt kï lo hølondïg lod tube.

¹¹ Øin nyag lod tube'n hø taðøøt, deg ho dãg ho,

¹² kamla ðen kï þerg, kï nyamajg kï høn taðøøt ro Moijt kï Eleajar ngejanyamosï kï ngékawna lo Israel kam londït kam dïlambogt kï Moab kad bah Jurrdët'n sumba Jeriko sew.

¹³ Moij kï Eleajar ngejanyamosï kï kïbog lo ngékawna teen, aw lan tad gid londït.

¹⁴ Na Moij þawong kï bïradøg dø ngéðøøt, ad i deg kïdø kïdubgt kï deg kïdø kï þugt'n telïn lo ðøøt.

¹⁵ Moij ndïjed an: I nyan dekïdëg tube kumkajir a?

¹⁶ Oon maj, dekïdëg'n ðan la telïn rod go takøjt lo Balam, ørrïn Israelag ad ðan kaya ndoorïn ne Bïraþe kam tat lo Peor, titbe la yokoosï soon dø ngékawnat lo Bïraþe ye.

¹⁷ Tajigla i tølïn ngon kïdïngã kïðen na i tølïn dekïdë kïðen'n ger þi kï ngaw,

¹⁸ na ngan kïdëg tube'n gerïn þi kï ngaw al þaitø, i ngomïnd kumkajir kïta rosï.

¹⁹ Na i ndïn tïga gid londït ndø tanãimïta, în tube'n i tølïn de ke ødïn nin. În tube arïn rosï ndøt kïkõmïta kï kïkõtanãmïta, în kï þerg losï.

²⁰ A arïn kubg losï tube kï nya kïðen kï ða kï ndar, kï nya kïðen kï ða kï bî binya, kï nya kïðen kï ða kï kag.

²¹ Eleajar ngejanyamosï el ngéðøø'n awïn ðøøt an: Oon, 'nten i takï gang kïgo mberkïnda'n Bïraþe nda mbera Moij.

²² Nar ør, nar arjã, ningakasï, hand, nar etain kï nar plomb,

²³ nya kïðen'n horr a õa al, a adïna tøi kam horrt kad tel kïkar nyang na nya kïðen'n horr a õa, a i tugon kï man kar ro, a adïna tøi kam mant.

²⁴ Ndø kïkõtanãmïta a i tugon kubg losï na a în kïkar nyang, gog got a i andïn londït.

Ta dø keg nyamajg kï hø taðøøt

²⁵ Bïraþe el Moij an:

²⁶ Î kï Eleajar ngejanyamosï kï bïrabøwg lo ngékawna, i tïdan nyatetðøø, nyag'n øin, deg kï dãg.

²⁷ A i keg nyatetðøø gáj joo, kïða kïta ngéðøø'n awïn ðøø, na kïmad kïta ngékawna kïtaagbe.

²⁸ A i ta gaj nya lo ngéðøø'n awïn ðøø kïta Bïraþe, a i gaj kïða ku kï þumit, la girra dø degt kï mangg kï korrog kï nyakulg.

²⁹ A i taa kam nyat'n non i lo Bïraþe ad Eleajar ngejanyamosï.

³⁰ Na kam nyat lo Israelag a i taa gáj kïða ku kïdømit, la girra dø degt kï mangg kï korrog kï nyakulg kï dã kïðen ad Lebiag, ngéngom kujkub londï lo Bïraþe.

³¹ Moij kï Eleajar ngejanyamosï ðan nya'n Bïraþe nda mbera Moij.

³² Ndeg nyamajg'n høn taðøøt kïnãi kam nyagt tube'n ngéðøø øin laten: Batg asïn 675000,

³³ mangg asïn 72000,

³⁴ korrog asïn 61000,

³⁵ ngan kïdëg'n gerïn þi kï ngaw al asïn 32000.

³⁶ Nya'n i gáj lo ngékaw ðøø laten: Batg asïn 337500,

³⁷ na batg'n adïn Bïraþe asïn 675,

³⁸ mangg asïn 36000 na adïn Bïraþe kamt asï 72.

³⁹ Korrog asïn 30500 na adïn Bïraþe kamt asï 61.

⁴⁰ Ngan kïdëg asïn 16000 na adïn Bïraþe kamt asï 32.

⁴¹ Moij ad Eleajar ngejanyamosï dø nyag tube'n tirïn adïn Bïraþe tit'n Bïraþe ndan mbera Moij.

⁴² Nya'n i gáj lo Israelag in Moij ørr kam nyagt lo ngékawðøø ndaa køtkokïða

⁴³ kad i gáj lo ngékawna laten: Batg asïn 337500,

⁴⁴ mangg asïn 36000,

⁴⁵ korrog asïn 30500,

⁴⁶ ngan kïdëg asïn 16000.

⁴⁷ Kokam nyat lo Israelag Moij un gáj kïða ku kïdømit lo deg kï dãg ad Lebiag'n ngomïn kujkub londï lo Bïraþe tit'n Bïraþe ndan mbera.

⁴⁸ Bïradøg'n în dø kïdubgt, deg kïdø kïdubt kï deg kïdø kïþugt, ndøtïn kï ro Moijt elïna anan:

⁴⁹ Þerg loi tïdan deg ngéðøøg'n în jidt, na kïkïða kïnãi kø goto.

⁵⁰ Jî kï ðe kï kadkari j'ad Bïraþe, nyag'n dekïðen kujt ngah, nyag kï ðan kï nar ør, ninga kï njat kï jit kï ngan ninga kï ji kï ningambi kï kïlla kï la køt, kad i nya kutdø majal løj nõ Bïraþet.

⁵¹ Moij kï Eleajar ngejanyamosï taan nyag tube'n ðan kï nar ør jidt.

⁵² Nar ør tube'n bïradøg kïdø kïdubgt kï bïradøg kïdø kïþugt adïn Bïraþe kadkari kïla kïdõ, køia asï kïlo 170.

⁵³ Ngéðøøg tube oin nyatetðøø, dekïðen kudt ho kïta ron.

⁵⁴ Moij kï Eleajar ngejanyamosï taan nar ør lo bïradøg kïdø kïdubgt kï bïradøg kïdø kïþugt, awïn ne kam kujkub ndødnat kad i nyagakamdøt lo Israelagt kïnõ Bïraþet.