Ngelamberta 9 - BIBLE MBAÏ 1980

Tag terr goto ro koit

¹ Ã m'ga kamm dø nyagt'n non tube, m'sah girra tø. M'oo deg kï denesew kï ngeterrg, kïlaðad i ji Luwaht. De kï ger goto ke i tar, ke i køsïta nyag tube în nõdt þaitø.

² Nyag tube teen dø degt ta kïðabe, deg kïdenesew kï ngeðagootal, ngeðamaj kï ngéðamajalt deg kïkarnyang kï deg kïyerr, ngela kadkari kï ngela kadkari al. Ngeðamaj i tit ngeðamajal be, na ngendayo i tit de kï ngeþool kunkøn kï yo kï nda.

³ 'Nten i majal kï kam nyagt tube kï ðan nya girr kàdt, nya kïðabe tee dødt tube. Ngarkam deg ðoosï kï majal, na þood i kamdt lon ndïn ne kï død dõ, got oi awïn kam lot kï Koo.

⁴ Kaglog tube kï de ndi'n dan ngékumkajirgt ye nya ndahkamdøt loa i nõ kïta bisï kï kumkajir majtøi tubo kïkøi.

⁵ Kïtø îgïn ndïn kï død dõ gerïn kad n'a n'oin, na ngékoig gerïn nya mad al, nyabajid goto, kïta deg gan kamd nujd dø ngékoigt al.

⁶ Tar lod, kï køsïta lod, kï mina lod, în kïnuj tube. Nëbekïnõt gaj lod mad goto kam nyagt tube kï ðan nya girr kàdt.

⁷ Aw, i sanya loi kï ronel na ãi kasïnduu loi kï kamndà kïta Luwah ða ronel dø kïlagt loi woi.

⁸ I la kub kïndà roit kï ndøgndøg na ad yib nal døi al.

⁹ I ða ronel kï dekïdë kï i tara ndog tube lo ndii kïdø dõ kïkari pãbe in Luwah adi girr kàdt. 'Nten i yaj loi kam ndiit kïdødõ 'nten kï kam kïlagt kïkør røkï loi kï i ða girr kàdt.

¹⁰ Kïla kïðen in jii ød a ne, i ða kï tøgi tube kïta kam lot kï Koo nõ. Lo kï i ndï awt ye kïla goto, køjtaða goto, nyager goto, terr goto tø ho.

¹¹ M'tel m'oo girr kàdt ngekãingød ngãi tee kete al, gõðøø tetðøø al, ngeteer ngah nyasa al, ngegergirr nya ngah nyamajg al, ngegoosïðanya ngah maj ta kum degt al tø. Kaglo kï nõkar tujoo teen dødt tube.

¹² De ger kaglo lon al, tit bandbïra kïmajal a høn kanj ke gum a þa'n yel, titbe tø la høn ne deg kam kaglo kamkølt ye lon hurd yedeng.

¹³ Terr 'nten m'oo girr kadt to na i nya kïbo takummt.

¹⁴ Þe mad kï du i nõ, na deg kïtit'n ngãi al. Ngar kïbo ðe ðøø døat, ngéðøøg lo ngar gugïn døa, ndahn gong gugïn døa tø.

¹⁵ Kam þeat nõ ngendo mad ndït, i ngeteer tø. De'n non aj þe kïtakul terr lon, na de kïða gaa kamïn dø ngendot nõ goto.

¹⁶ Na m'el m'an: Terr majtøi tøg, be kaa kidïn terr lo ngendo, na oon dø ta loa al tø.

¹⁷ Takel ngeterr in oon dø lon lo to jijij majtøi ko kï ndi kïbo lo de'n õþe dan þoodgt.

¹⁸ Terr maj tøi nyaðøøg na de kï ngeðamajal kïðabe tuj nyaða kïmaj ngãibe.