Ngelamberta 8 - BIBLE MBAÏ 1980

Tel ro go tat lo ngékõþe

¹ Nõ ta'na kï de kï ngeterr a? Nõ ger girr nya a? Terr lo de ad takuma unj, ad takuma kï ngah wong mbel.

² M'eli m'an: I ngomgo mberkïnda lo ngar kïta kunkø kï i un ad Luwah.

³ I tee nõ ngart kïtïga na ot ndï køk dø ða nya kï neli al kïta ngarkam a ða nya kï kama ndig,

⁴ kïta ta kï tee ta ngart tøi tag tube na nõ asï ndïjea an: I ndï ða ði a?

⁵ De'n ngomgo mberkïnda a ne, a oo nya kï majal al na ngarkam de kï ngeterr øja kaglo kï takïgang.

⁶ Nya kïðen aw kï kaglo lon kï takïgang lon kïtø majal lo de oi døat.

⁷ De ndï dai dø nyat kï ndï ðe døat na nõ asï køja ðob nya kï a ðe a?

⁸ De aw kï tøg dø ndï kï dø dõt goto, de kï aw kï tøg dø ndø koint goto tø. Lon ðøø ur deg yedeng ðob kï kad de ugïn ron ørr kamt goto, na kamkil lo deg kaa a ajd al tø.

⁹ M'nøl nyag tube'n ðan nya girr kàdt, na lon de õþe dø det mad na ða ad kuma tondo.

¹⁰ Kamla m'oo deg duwïn ngéðamajalg. Deg'n non a ðe ho a teen kam kujt kïjaþat, na kam þebot'n non kam deg oi dø kïlaðag lod kïmajal'n ðan. 'Nten tø i nya kïkari pãbe.

¹¹ Gangïn ta dø nyaðat kïmajal kanangbe al. Kïtø 'nten kam deg tel kongkong dø ða majalt.

¹² Ke neni de ða majal nja þu na la ndøa dø madt a ne, rota m'ger ronel to kïta ngebool Luwah kïta în nõat kï þool

¹³ na ronel kïta ngeða majal goto. Ndøa a bïla ngãi al tit ndil kag be kïta þool Luwah goto roat.

¹⁴ Nya mad kïkari pãbe i nõ in ða nya døningt ne. Ngeðadenesew în nõ na nya kï tee dødt i kïgo nyaðat lo ngéðamajalg. Ngeðamajal'n nõ tø na nya kï tee dødt i kïgo nyaðat lo ngeðadenesew. M'el m'an nya 'nten tø i nya kïkari pãbe.

¹⁵ M'øsïgon ronel tit kan hã nya mad kïsoot kïta de girr kàdt goto na sa ho, kãi ho kï ða ronel tan kïta nya'n non la a nãi sia kam kïlat loa ndo ndia kïdø dõ tube'n Luwah ada girr kàdt.

¹⁶ Lon m'nda kammt kï m'ger terr na kï m'oo kïlag în ðam døningt ne tit'n þi hø kum de kondø ke kàda al,

¹⁷ kamla m'oo kïlag lo Luwah tube na m'oo de asï ger girr kïlag kï girr kàdt al. Ke neni de ða kïla ngãi, sah kï rotîn kaa ngah al, ke neni ngeterr oo an: N'ngah kaa ne ngah al tø.