Ngelamberta 7 - BIBLE MBAÏ 1980

Nyaða kïterr kï nyaða þood

¹ Tøko kïmaj majtøi yib kïkootmbî, na ndø koi majtøi ndø kooj.

² Kaw kam kuj høndot majtøi kaw kam kuj mburnamt kïta lo'n non la i døboi deg tube, na ngéndï kïdø dõ a gaan kamd døt.

³ Kamkil majtøi go kïta de asï hø ndo takumïnt na kama so kïber.

⁴ Ngarkam ngéterrg i kam kujt lo ngéhøndo, na ngarkam þoodg i kam kujt lo ngéðaronel.

⁵ Koo dø ndang lo de kï ngeterr majtøi kø dø pa lo þoodg

⁶ Tit'n kõn kï la horro girr jot a ndøwïn ye, titbe tø la go lo þoodg in nya kïkari pãbe.

⁷ Rota, tøg ða nya kï lo ngetøg dø det ad de kï ngeterr tel þood, na kadkari kad de utïn døta tuj kam de.

⁸ Døboi nya majtøi mbagirr nya. Hal ndïdøt majtøi hal gaburo.

⁹ Ot kad hal køsï wong ruk to kamit kïta wong i kam þoodgt.

¹⁰ Ot kel kan: Titbãi ndøg kï tøin woi majïn tøi nge 'nten a? Kïtø ndïje ta 'nten kïgo lo teert al.

¹¹ Terr kï nyanduba nat majtøi kïta îgïn oon kum kad.

¹² Terr a ngom de tit'n nar a ngom'n de ye be, na nyager maj tøi. Terr a ngom ngeen kï døat dõ.

¹³ I nøl kïla lo Luwah oo, kïta nya'n Luwah ðug ye, nõ asï mbaja a?

¹⁴ Ndø ngah nya a ne, i ða ronel na ndø kïmajal i gah døt. Rota, Luwah ndah kïkïða kï kïmad kïtakad de ger nya kïða kï a ða nya gont al.

¹⁵ Ndïm kï døm dõ kïkari pãbe 'nten m'oo nyag tube. De kïdenesew kaa nuj kam denesewt lon, na ngeðamajal ndï køk kam majalt lon.

¹⁶ Ot koo roi det kï denesew kïtai ke oo roi ngeterrt kï tøi; kïtøði þai i ndig tujïn roi a?

¹⁷ Ot ða majal kïtai ke ða nya kïþood; kïtøði kï oin lon ndøig nãin þaitø a?

¹⁸ Maj kad i hø nya 'nten ba na ot kør jii girr nyat'n non ko kïta ngeþool Luwah a tee ta nyagt'n non tube.

¹⁹ Terr ad de ngang ngïring tøi ngarg kïlah kï ndïn kam þebot.

²⁰ Rota, de kïða kï denesew kï ngeðamaj na ða majal nja kïða al goto døningt ne.

²¹ Ot ko dø tag tube'n deg ða elïn na þeta a ne, oo dø þer loi ndï elta kï majal døit.

²² Kïtø i ger kamit þet njanatnat î kï døi i elta kï majal dø degt tø.

²³ M'ná nyag'n non tube m'oo kïgo teert na m'el m'an: M'ndig terr na terr i sãi sem.

²⁴ Nya kï i sãi, nya kïwo na wo kïþing ye de kïðah a ngah a?

²⁵ M'ga kamm døt kad m'ger na kï m'nder girra kï m'sah go terr kï ger girrnya na kï m'ger majal lo nyaða kïpãbe kï nya kïþood in i dø i dø kïtel wãri.

²⁶ M'ngah nya mad kïkat bang tøi koi; i dekïdë kï kama i gum kï band na jia i jinjir. De'n nel Luwah a ne, a ãi dekïdë'n non na ngeðamaj al ye dekïdë nõ a høa.

²⁷ Oo nya'n m'ngah kel Ngelamberta. Lon m'nøl nyag kïða kïða tube kad m'ger girrd.

²⁸ Rom ndï sah go nya mad kïkanj nya ta na m'ngah tø. M'ngah de kïdïngã kïða ku degt kïdub kïða na kudt nõ tube m'ngah dekïdë kïða al.

²⁹ Na oo nya kïða'n m'ngah la ten: Luwah ndah de goðobat na deg tube ndï sahn ðob lod kïkøsïdød.