Ngelamberta 6 - BIBLE MBAÏ 1980

Ndïkïdødõ i kari kïndang

¹ M'oo nya kïmajal girr kàdt na i nya kïkamkøl kïbo dø degt.

² De'n Luwah ada nyamajg kï nyangahg kï tøko mbã nya mad nala al kam nyagt tube kï kama ndig, na Luwah ada tøg kad sa nya nõ al. Na mbah la sa ye. 'Nten i nya kïkari pãbe i daiyo kï kõ.

³ Îla de mad ooj ngan'g þu, na ndï kï døn dõ þal ngãi ad ndøag bïlan ngãi, na îla ngah ronel kam nyamajgt lon al ho, na duwïn nina al tø ye. M'el m'an: Ngon kï kõa ørra i soot tøia,

⁴ kïta ngon kïkørr ðe kïndang pãbe, na aw kam tilt ad til ut dø tøa.

⁵ Kuma oo kàd al, ger nya mad al tø na ngon 'nten ngah taakò got'n non.

⁶ Rota, ke neni de'n non ndï kï døn dõ þal dub nja joo, ka ngah ronel kamt al, deg tube awïn kam lot kïkïða ale?

⁷ Kïla tube'n de a ða i kïta taa kon na tøl boa al.

⁸ Ngeteer ngah nya ði tøi'n þood a? Ke nyangahdøt kï ði lo ngendo in ger ndia nõ ngekumkajirt a?

⁹ Koo nya kï kum majtøi nyur nyag kïdangdang. 'Nten tø i nya kïkari pãbe, i tit sah ho nel be.

Takøj kï lo terrt

¹⁰ Nyag tube'n ndï j'oo in nyag kï ndïn maði nu. Na kï ger jikîn de þet, de asï májta kï de'n tøga tøia al.

¹¹ Kam tagt kïngãibe nyag kïkari pãbe în tit ngãibe ho. Nya'n de ngah kamt i ði a?

¹² Nõ ger nya kïmaj kïta de ndo ndia kïdø dõ kï tëbe kï kïkari pãbe în tøin tit ndil kag be a? Nõ asï kel de ta dø nyat'n a ða nya goat girr kàdt a?