Ngelamberta 4 - BIBLE MBAÏ 1980

Kïla lo ngeterr kï þood de

¹ Kamla m'tel m'oo ngéðanya kïgootal, deg ðan ngetøg dø degt girr kàdt. Kï log tube m'oo nõ lo deg'n ðand takõ. Na de kï ngesøl kamd goto. Ngédakumd ndo ðan ngetøg dødt na de kï ngesøl kamd goto.

² Na m'gaa m'oo îgïn oin kete în kï ronel tøi ngéndï kïdødõ þaitø

³ Kïmaj tøid tujoo i ta lo de'n oojïna al þaitø in oo nyaða kïmajal kï ðan girr kàdt al.

⁴ M'oo kïla kïðen deg ðan kï goosï, ndï ndigïn ða nya kïðen kad maj tøi kï lo madþedg. Na nyag'n non tube i nya kïkari pãbe, i tit sah ho nel kï ndï tøin be.

⁵ Þood de la jin kadïnt na sa dãron kïkøsïdøn.

⁶ Ji kïkïða kï ðoosï kï lapia majtøi ji kïjoo kï ðoosï kï kïla kïkør røkï in i tit sah ho nél kï ndï tøin be.

⁷ M'oo nya kïkari pãbe girr kàdt þaitø.

⁸ De mad ndï nõ kïkïðanbe, ke ngona kïdïngã, ke ngonkõa kaa goto. Be kaa døboi kïla loa kïkør røkï goto. Þo nyangah ndan kuma al ad el an: M'ða kïla na m'øg rom koomajro kïta nõ a? 'Nten to i nya kïkari pãbe, mersi goto.

⁹ Deg joo i soot tøi de kïða kïta a taan nyabaji kïmajtøi kïta kïla lod.

¹⁰ Kïtø îla kïkïða so a ne, kïmad a un namïn kïdõ, na beto lo de'n so, na de mad kï ngekuna kï dõ goto.

¹¹ Titbe tø, îla deg joo ton nat a ne, rod a tïnga, na de'n to kï kïðan ye titbãi roa a tïnga a?

¹² Îla de mad i kïkïðan a ne õ al kad de tetaðøø, na deg joo a ðan bijir lon ðøø ngahd. Kïla'n de nda gidnat mïta ye, a gang kanangbe al.

¹³ Basa kï ngendo na i ngeterr ye, maj tøi ngar kïþood kï bïga in ndig koo dø takøj al,

¹⁴ kïta asï tee kam dangãit, tel ngar ke neni oojïna kï ndo kam kõþet lo ngar'n non.

¹⁵ M'oo deg tube kï ndian kïdødõ girr kàdt, kamd i kïdø basat in ndï goot ngart kï tel bïga.

¹⁶ Koosï deg kï dum da kørd îgïn i bïradød, be kaa nganka ngére goat a ðan ronel kï ngar 'nten al. Rota, nya 'nten i nya kïkari pãbe þaitø, i tit sah ho nel be.

I soot kad ngãi kad un køi kï yo kïnda nõ Luwaht al

¹⁷ Lon i ndï and kam kuj ndub Luwaht a ne, oo go njai maj. I ndøt nderrbe kad oo dø ta majtøi kadkari kïjakø lo þoodg kïta gerïn ndï ðan majal al.