Ngelamberta 3 - BIBLE MBAÏ 1980

Nya kïðen aw kï kaglo lon na døboia i nõ

¹ Kam duniat 'nten kaglo i nõ kïta nyag tube. Kaglo mad i nõ kïta køjtaða kïðen kï girr dørãt.

² Kaglo kooj kï kaglo koi, kaglo duw nya kï kaglo ret nya dub kø.

³ Kaglo tøl kï kaglo yoot kaglo tø kï ningt kï kaglo ða kïdõ.

⁴ Kaglo nõn kï kaglo go, kaglo høndo kï kaglo ndam.

⁵ Kaglo tî mbal kø kï kaglo kaw mbalg kïnat, kaglo høna kïrot kï kaglo høna kïrot al.

⁶ Kaglo sah kï kaglo nyako,

⁷ Kaglo ngom nya kï kaglo la kø. Kaglo til nya kï kaglo kur nya, kaglo ndï ta mbo kï kaglo kelta.

⁸ Kaglo tar kï kaglo køsï ta, kaglo ðøø kï kaglo lapia.

⁹ Nyangahdøt lo de'n ør røkï kam kïlat lon i ði a?

¹⁰ M'oo kïlag kïkør'n Luwah ndah dø degt kad ðan.

¹¹ Luwah ða nya kïðen kï majkoo kï kaglo loa. Nda ga ta døkaglot kïmbãkïnõt kam degt na de asï ger kïla'n Luwah ða al lo lagirat nu mbã døboia.

¹² M'ger, nya mad kïmajtøi kïtad goto na kï ðan ronel kï kamndà kaglo kîi kïdødõ tube.

¹³ Na kad de sa ho ãi ho kad ða ronel kam kïlat lon tube. Inon i kadkari kokïro Luwaht.

¹⁴ M'ger, nya kïðen in Luwah ða a ne, i kïtakad ndï mbãkïnõt. Ðob la nya mad døt ke kor nya mad kamt goto. Luwah ða titbe kïtakad deg þoolïn ne nõat.

¹⁵ Nya kï tajigla i nya kï to nõ kete, na nya kï a ðe i nya kï to nõ kete tø. Nya kï tøi woi maði Luwah ndï sah tel sia gog þaitø.

¹⁶ M'oo girr kàdt þaitø kam logangtat ye, majal tot nõ na kam lot'n dene sew i tit nya kïgoðobatal tot tø ho.

¹⁷ M'el rom m'an: Luwah a gangta dø det kïdenesew kï de kï ngeðamajal kïta ndah kaglo gangta kï to nyag tube kï kïta kïlag tube tø.

¹⁸ M'el rom m'an: Ta kïdø degt ta Luwah ndï nád oo ad øjd în kïdød în dãg koon.

¹⁹ Kïtø nya'n ða deg ye ða dãg titbe tø ho. Nya kï tee dødt tujoo i kïðabe, tit'n kïkïða woi titbe tø kïmad oin ho ye. În tube taankò kïðabe na de tøi dan al kïta nyag tube'n nyag kïkari pãbe.

²⁰ In tube ndï awïn lot kïkïðabe, in tube teen kokam buningt na a telïn buning gog.

²¹ Nõ ger kad ndil de aw dõ na ndil dã aw ber kïningt a?

²² Titbe m'oo nya mad kïmajtøi kïta de goto na kï ngah ronel kam kïlagt lon tã. 'Nten la i gaj loa. Nõ a tel sia gog kada oo nyag kï a ðan nya goat a?