Ngelamberta 2 - BIBLE MBAÏ 1980

¹ M'elta kamt m'an: I ðe kï nán ronel, i oo majroi, na oo i nya kïkari pãbe þaitø.

² M'elta dø got m'an: I nya kïþood na ronel ta, kara i ði a?

³ M'øj kammt kad m'ndah dãrom ta kasïnduut kïkãi na kamm ndï øjïm ta kïlo teert þaitø. M'ndah kammt kad m'hø nyaða kïgo lo þoodt kï m'oo ke ði maj kïta deg kad ðan girr dørãt kaglo ndid kïdø dõ tube a.

⁴ M'ða kïlag kïbobo m'ða kujg ngãibe, m'hø ndøø nduug kïta rom.

⁵ M'hø ndøøg, m'gang log kïtat m'hø kag tit, m'hø kag kï teen kï kand'd kïdangdang.

⁶ M'nder hoollog kïtakad man ðat, m'nyom nja kagg kïkam ndøøt lom kad tøgïn.

⁷ M'ndugo þerg kïdïngã kï kïdë na oojïn ngan'g kam kujt lom. M'ngah þut mangg kï batg tøi deg tube kï ndïn kete nomt Jerusalem.

⁸ M'kaw nar arjã kï ør kï nyamajg lo ngarg kï døninggt kïdangdang kïta rom. M'øi ngekøsïpag kïdïngã kï kïdë kï nëmg kïþer ngãibe, nya kad de ronel ngãi.

⁹ M'tel de kïbotøi deg tube kï ndïn kete nomt Jerusalem. Na terr lom i nat sem.

¹⁰ Nyag tube kï kum oo, na nyura õm ye, m'øg rom nya mad al. M'øg rom ronel al kïta m'oo majrom kam nyagt tube kï m'ða na i nyabaji kïta kïlag lom tube.

¹¹ Gog got m'oo kïlag tube kï jim ða kï daiyog'n m'dai kïta kïlag na oo, nyag tube in kari pãbe, i tit sah ho nel be, kara goto girr kàdt.

Terr maj tøi þood na în tujoo a goton

¹² Kamla m'tel m'gah dø nyat'n i teer nõ, kurdøkoi kï þood in ði a? M'ndïje rom ta m'an de'n a ga kïlam kad ða ngar ye, A ða nya'n ngar kïkete ða.

¹³ Kamla m'oo terr i kïbo tøi þood tit'n kunj i kïbo tøi til.

¹⁴ Kum ngeterr i døat na þood de ndia kam tilt na m'oo nya kïkïðabe la tee dødt ye,

¹⁵ ad m'el rom m'an: nya'n tee dø þood det ye a tee dømt titbe tø ho. Kïtøði mî kï terr ngãi a? Na m'el rom m'an: 'Nten i nya kï kari pãbe þaitø.

¹⁶ Gaakamdøt kï tokïnõt goto, ke kïlo ngeterr, ke kïlo þood de, kïta kam ndøgt kï a ðe nõ kam deg a oi dødt tube. Ngeteer a oi tit þood de a oin be ho.

¹⁷ Kïtø 'nten m'mbet ndi kïdø dõ kïta kïlag tube'n deg ðan girr kàdt nelïm al kï to tube'n nyag kïkari pãbe, i tit sah ho nel be koon.

¹⁸ M'mbet kïlag tube kï m'ða girr kàdt kïta kari na kï m'nyà nyag'n non m'ad de'n a õþe gootïmt.

¹⁹ Nõ ger de'n non a i ngeterr ke þood de a? Titbe kaa a õþe dø kïlagt tube'n m'ða kï kon. Kïla 'nten øj go terr lom girr kàdt. 'Nten tø i nya kïkari pãbe.

²⁰ Kïtø 'nten m'tel m'ørr kamm balang kø dø kïlagt kï kør røkï îgïn m'ðad girr kàdt.

²¹ De kïtitbe ða kïla kïkør røkï kï terr kï nya ger kï goosï na nya nyag lon ad de kï rang in ða kïlaa al. 'Nten i nya kïkari pãbe na i majal kïngãibe.

²² Ði de ngah kïta kïlag kïkør røkï tube în ða kï kamkil kï ngar kamïnt girr kàdt a?

²³ Ndøag tube i ndo kamkil, kïla kï kør røkï loa tel kamkil, ke kondø kaa tagah ad kama so kïber al. 'Nten to i nya kïkari pãbe.

²⁴ Nya mad kï majtøi kïta de goto na sa ho ãi ho kad ngah ronel kam kïlaðangt kïðabe. M'oo nya 'nten tø tee ji Luwaht.

²⁵ Kïtø nõ asï sanya na ða ronel, i kïtakul Luwah koon al e?

²⁶ Kïtø de'n nel Luwah ye, Luwah ada terr kï nyager kï ronel na ngeða majal taa ne Luwah ada kïla kaw nyag kïnat, kï mbõ nyag kïdønat kamla tel ad de'n nel Luwah. 'Nten i nya kïkari pãbe, i tit sah ho nel be.