Ngelamberta 12 - BIBLE MBAÏ 1980

Køj de kïdødug

¹ Na i gah dø Ngendahit kaglo basa loi kete nõ ndøt kïmajal'n a ðe þeta el an: M'ngah ronel kammt al,

² kete lon kàd kï kunj kï nah kï kïmëg diwïn til al, na kilndii ðe ut go man ndii.

³ Kaglo'n ngéngomkujg ndadïn. Lon deg kïngang gøkïn gøkï. Lon nge kurnyag duban kïta kørd i ngãi al, na ngékoolo burrolot diwïn til.

⁴ Utïn tabitg kïjoo kï ta ðobgt lon oon dø kah ngekurnya ngãi al. Lon de þai kï ndi ko yel na ngan kïdë ngekøsïpa tøgd goto.

⁵ Þoolïn lo kïkal kïdõ kï nyag kïkootþool dø ðobt kag amand þa hut, kïþetg telïn nya kïkoi na nyurkõ goto kïta de ndï aw kï londït kïmbãkïnõt, na ngehøndo ndia dø ðobt.

⁶ Kete lon kïla nar arjã ngangïn al þaitø ke jo nar ør tøø, lon jo man tøø ta mant kï þa al þaitø ke gã tet ta bulo mant,

⁷ na bu tel kï døningt lot'n tot maði na ndil tel kï ro Luwaht kï Ngeðaa.

⁸ Kari pãbe, kel Ngelamberta, nyag tube în kari pãbe.

Kïla kïtaagbe kï dø det

⁹ Ngelamberta i ngeterr hã kïðabe al, na ndoo deg nyager tø. Mbøj nya, nder girra, ðago terrtag kïgoagoa.

¹⁰ Ngelamberta sah ðob ngah ta kïmbë na ndang tag kïgoðobat kï kï rota.

¹¹ Tag lo ngéterrg tan'na kï kag søkg, tit ngawg în hønd ngang ye titbe tø terrtag kïkaw kïnat lo nge ngombatg kïkïðabe.

¹² Dø tat 'nten ngonïm oo go roi maj. Ndàng maktub ngãi kaa døboia goto, na ndoo nya ngãi nda dãro kørt.

¹³ 'Nten i døngoi ta. Oon dø tag tube woi. I þool Luwah. I ngomgo mberkïndag loa kïta 'nten i kïla kï taagbe kï dø det.

¹⁴ Kïtø Luwah a ðe kï kïlag tube, kï nyag tube kï deg ðan gid tilt logangtat, ke kïmaj ke kïmajal.