Ngelamberta 10 - BIBLE MBAÏ 1980

Terrtag kïdangdang

¹ Nin kõgg ðan yib kï kootmbî lo ngerrabib ad ot majal, titbe tø nyaða kiyo lo þoodt kïtëbe nuj de ngeterr kï ngetoko.

² Ngarkam ngeterr ørra ta ðob kokõt na ngarkam þood de ørra ta ðob kogelt.

³ Lon þood de a ndia dø ðobt ka a ger nya al, na dekïðen el an: Oo þood de la aw nõ.

⁴ Îla ngekõþe døit þa sei wong a ne, i ndï londit kïta søldølom ad wong tel søl.

⁵ Majal mad in m'oo girr kàdt i nyaða kïgootal lo ngekõþe.

⁶ Ndan þood de kam londït kïbo na nge majg ndï kam lot kïdu.

⁷ M'oo þerg ndin dø sïndayt na ngare ndian døningt titberi be.

⁸ Ngekurbe î kïþe a so tit na de'n to ndogbørr ningt a ne, li a dona.

⁹ Ngetøsïmbal a ngah dó na de'n ria kay a ngah nyakïto.

¹⁰ Îla ta hand at al na de ol taa al to a ne, kari na a ga nya kï tøgïn kï toi. Terr a ørra ta ðob.

¹¹ Îla li dõ de lon ngekula kuna al þaitø a ne, goosï lo ngekula kara i ri a.

¹² Ta kï tee ta ngeterrt ada ngah maj ro degt, na ta kï tee ta þood det laa yalïm.

¹³ Lagirr ta kï taat i þood, na døboia i ta kï tel dø de wãri kïmajal.

¹⁴ Þood de elta kïdøtdøt, ke de ger nya in a ða nya al. Nõ a ela ta dø nyat kï a ðe goat a?

¹⁵ Kïlaða þood de ndaha kørt mbã ger ðob kaw kam þet al.

¹⁶ Beto loi in døning'n ngar loi i ngon þaitø na ngan ngarg san nya kïsî ritit.

¹⁷ Majkur i døit î døning'n ngar loi i ngon mbaiþe, na ngan ngarg a san nya kaglot kïsumba kïtakad rod ngang na kasï ðad al.

¹⁸ Lon de i ngengë a ne, dø kuj loa a teet. Lon i ngedaw a ne, kuj loa ndeh man tø.

¹⁹ Ðan mburnam kïta yo, na kasïnduu kïta ronel. Nar ða nyag tube.

²⁰ Ot ndøl ngar, ke kam tagahit, na ot ndøl de kï ngenya ke kam kul þiit kïta yel kïdõ, a un ta kïtait awïn, na yel kï ngekørrbøgïn a la mbera.