Ngelamberta 1 - BIBLE MBAÏ 1980

Nyag tube în kari pãbe

¹ Tag lo Ngelamberta, ngon Dabid, ngar kï Jerusalem.

² Kari pãbe, kel Ngelamberta, kari pãbe, nyag tube în kari pãbe.

³ Ði de a ngah dø kïlat in ða girr kàdt a?

⁴ Girrka mad tøi, girrka mad kïðang ðe gootat na døning to lotont.

⁵ Kàd þa, kàd ud, na aw kanangbe lot'n þa tit dasa.

⁶ Nél la kokõ kamla tel la kogel, kïndøgbe nél a tur ron, na a tel ðe gootïnt kïkete.

⁷ Bahg tube nün kï bahbot, na bahbo ðoosï al. Bahg awïn þaitø kï lot'n ndï nü kïtit.

⁸ Nyag tube awïn kï kïla kïkør røkï kïdum kørr girra. Koo lo kï kum a ndan kum de al, koo dø ta a ðoosï mbi de al tø.

⁹ Nya'n i nõ maði, nya'n non la a tel tee gog, na nya'n ða nya maði, nya'n non la a tel ða nya gog tø ye. Nya mad kïkij goto girr kàdt.

¹⁰ Îla nya mad i nõ kï deg elïn taa anan: Oo, nya 'nten i kïkij ye. Nya'n non ndï nõ maði kam kohgt kï tøin kete nõjt.

¹¹ Ga kam dø nyagt kïmaði goto. Titbe deg kï oojïnd al þaitø ye, a gan kamd dø nyagt'n ðan nya woi kete nõdt al tø.

Terr lo de i kari pãbe

¹² Mî Ngelamberta, mî ngar dø Israelag Jerusalemt.

¹³ M'nda kammt kï m'sah go terr na m'nder girr nyag tube în deg ðan girr dørãt. I kïla kï ngang ngãi la Luwah ndah dø degt kad ørïn røkï.

¹⁴ Mî tø, m'oo nyag tube kï ðan nya girr kàdt, na m'oo nyag tube în nyag kïkari pãbe, tit sah hø nél be.

¹⁵ Nya kï ðug woi ye, de asï mbaja al, nya'n goto ye de asï tïda al tø.

¹⁶ M'øj kammt m'an: Oo, m'ngah terr ngãi tøi îgïn õnþe Jerusalemt kete nomt. M'ngah terr ngãibe kamt, na m'ger girr nyag kï øj dø ndï kï dø dõ lo de.

¹⁷ M'ndah kammt kï m'ger terr kï nya kï tel dø wãri kï nya kï tel de þoodt, na m'oo m'an: Nya 'nten i nya kï kari pãbe.

¹⁸ Teert kïngãi a ad de kï ngãi tø, na de'n nyager loa ðe kïdøtdøt a ne, kamkil loa ðe kïdøtdøt tø ho. Koomajro kï nyamajg în nya kï kari pãbe.