Mika 3 - BIBLE MBAÏ 1980

Majal kï ða lo ngékõþeg a nuj þebo Jerusalem

¹ Na mî m'el tø m'an: În bïradøg dø ngaka Jakob, în ngekõþe dø ngékïþe lo Israel, i ta losï kad i gerïn takïgang kïgoðobat ale?

² I ndï kidïn ða maj, na i ndigïn majal, i ndï ørrïn ndar deg lom kø, i ndï ørrïn dã kø gid kïngadt.

³ I ndï i san dã deg lom, i ndï i tetïn kïngad, i ndï gangïnd njikïnjikï tit dã kï ndirr kam jot be, tit dã kam jo ndirr nyat.

⁴ Kïtø 'nten loi a i kon kïdø Bïraþet, na a oo dø ko losï al a yasï takumïn kaglot'n non kïtø majal losï kï i ðan nõ.

Bïraþe elta ndoorïn ngékelta goolïn girrdeg lon

⁵ Ta'n Bïraþe el dan dø ngékelta ndï elïn anan nîn ngékelta kï ta Luwaht: na a ün deg lon mut laten; lon nyasa i kam tadt a ne, ndï elïn anan: Lapia. Na a þai ðøøn kï de'n ndah nyasa tadt al:

⁶ kïta 'nten a ndïn kam tilt, nyakookamndilt a goto a ndïn kam tilt kï diw kïrir, ta kï ta Bïraþet a goto kàd a ud dø ngékeltat'n ndï elïn anan: Nîn ngékelta kï ta Luwaht, lokïkàda a tel lokïdiw dødt.

⁷ Ngékooyakamndilt a în kï rosøl, ngéndõteeg a lan død ber, în tube a ndomïn tad kïta ta kïtur kokïro Luwaht goto.

⁸ Na mî taa, m'ðoosï kï tøg kï Ndil Bïraþe kï nyaða kïdenesew kï kïgoðobat, kad m'dan tøidøta lo ngaka Jakob m'ad'd oon, kad m'dan majal lo Israelag m'ad'd oon tø.

Mika elta dø tuj'n þebo Jerusalem a tuj

⁹ În bïradøg dø nganka Jakobt, în ngékõþe dø ngékïþe lo Israel, oon dø ta 'nten, i ndï i kidïn nyaða kïdenesew na i ndï tujïn nyaða kïgoðobat,

¹⁰ i ndï ðan þebo Siõ kï mosï deg, i ndï i ðan þebo Jerusalem kï ðagootal.

¹¹ Bïradøg loa ndï gangïn ta kïta taan kadkari, ngéjamosï kadkarig loa ndï ndoon nya kïta taan nyabaji, ngékelta kï ndï elïn anan: nîn ngékelta kï ta Luwaht ndï elïn ta kïta taan ne nar. Be kaa, ndïnan rod ro Bïraþet, ndï anan: Bïraþe i danjt ale? Tuj a tee døjt al.

¹² Kïtø 'nten kïtatøsï la a gan þebo Siõ tit ndøø be, þebo Jerusalem a tel duw mbal, na mbalbo kï kuj ndub Luwah i døt a tel doorlo kam kùt.