Matie 28 - BIBLE MBAÏ 1980

Jeju þai lo koit

¹ Go ndø taakòt, ndøt kï dasabang lo ndøg kïtanãimïta, kï sî ritit, Mari kï Magdalat kï Maði kïmad awïn koo døþadt.

² Na oon, døning yee yïkïtyïkït: Malaika lo Bïraþe ðisï ko dørãt, ðe duþïr mbal kï ta þenint kø, na ndï ber døt.

³ Roa tit tel ndii be, kub loa nda ngung tit ndàbul be.

⁴ Þool tøl ngéngomlog søkïrr, ndadïn yat't, tuson tit dekïkoig be.

⁵ Na Malaika elta dekïdëg an: Ot þoolïn. M'ger kad i ndï i sahn Jeju'n gana kagdosït.

⁶ Goto labe, kïta þai lo koit tit'n elïn nõ; i ðe oon lon tot.

⁷ Na awïn kanangbe elïn ngéndoog loa anan: Þai ku ngékoigt, na oon ndï aw nõsït Galilet, nu la a oona tit ye. Îla m'elsï nõ.

⁸ Telïn kø døþadt kanangbe kï þool kï ronel ngãi, ãin ngød ørrïn hoia ngéndoog loa.

⁹ Na oon Jeju a ðe kï rodt na eld an: M'ðasï lapia. Dekïdëg awïn kï roat, høn nja, na øsïn død ber nõat.

¹⁰ Kamla Jeju eld an: Ot þoolïn. Aw elïn ngankomg kad awïn Galilet. Nu la a oomïnt ye.

¹¹ Lon în ðobo þaitø ye, deg madg ku ngéngom døþadt awïn kam þebot elïn ngéjamosïkadkari kïbog ta nyag tube'n ða nya nõ.

¹² Lon ngéjamosïkadkari kïbog kawïn na kïnat sed kï kïbog lo Juipg, na øjïn na ta woi ye, adïn nar kï køra asï tatbe ngéðøøg, na anan:

¹³ Ka ta 'nten la ka elïn ye: Ngéndoog loa ðe þoogïna ndø lon kï to kï þin.

¹⁴ Na îla ta'n non so mbi ngekõþet a ne, jî la j'a kï gøra, na j'a kï ða kad þool ðasï al.

¹⁵ Asïgarg taan nar, na ðan kïgo tat'n elïnd. Ta 'nten tïnda tîn kï ro juipgt mbã þone.

Jeju tee høi kï ro ngéndoogt lon

¹⁶ Na ngéndoog loa kïkïlah gidaikïða awïn Galilet, dø mbalt'n Jeju dad.

¹⁷ Lon oona ye, øsïn død ber nõat, na kïmadg þadïn.

¹⁸ Jeju ðe rodt, na eld tag 'nten: Tøg tube kï kam dørãt kï kï døningt admïn.

¹⁹ Kïtø 'nten awïn, i telïn girrdeg tube ngéndoogt lom, i ðand baptem kam tø Bøwt, kï kïlo Ngon, kï Ndil kïkunjðang.

²⁰ I ndoond kad ngomïn go nyag tube'n m'ndasï mberd, na oon, m'a mî nat sesï kïndøgbe mbã døngoi koh'n ðan.