Mark 4 - BIBLE MBAÏ 1980

Terrta lo ngedubnya

¹ Jeju mba girr ndoo deg gog tø, i ta bahbot. Bakad koosïdeg ngãibe kawïn na kï døat. Kïtø 'nten Jeju al kam toot'n ndï dø baht, ndï ber kam toot. Koosïdeg tube ndïn ber ta baht.

² Jeju ndoo deg nyag ngãibe kï terrtag kï nyakøjg kïdangdang. Kam nyandoot loa'n ndood ye, eld an: I nelïn mbisï.

³ Oon, de mad aw kam ndøøt kï'n duw nya.

⁴ Na lon ða duw nya ye, kum nyag tuson ber kïgo ðob, ad yelg ðe õn.

⁵ Kum nya madg tuson døningt kï ngang kongkong, lot'n nanga i ngãi al, ad kum nyag þan tentenbe kïta nang kïwo kïþing goto,

⁶ na lon kàd þai kï dõ, na øsï ngãi ye, gad ad ndulon mbaw, kamla tutïn kïta ngïrad aw ber ngãi al.

⁷ Ndeg kum nya madg tø tuson kam kon'gt; kong'n non tøgïn, øgïn dø kum nyag'n tuson kad þain kï dõ, kad teen kï kand'd.

⁸ Kum nya madg tuson døningt kïmaj, þan maj ho, tøgïn ho kamla teen kï kand'd. Kïmadg andïn dømïta, kïmadg andïn dø kïkïbojidet, kïmadg þu.

⁹ Kamla Jeju elta an: De'n ndï kï mbin kïta koo ðø a ne, sumba kad oo dø.

Kïtøði Jeju ndoo nya deg kï terrtag

¹⁰ Lon Jeju i kïkïðanbe ye, ngombangkïlag kïkïlah gidaijoo kï deg'n în nat sia, ndïjena kad ørr girr terrtag kad n'oon.

¹¹ Jeju turd an: În la Luwah adsï kad i gerïn ta kïmund lo kõþe lon ye, na îgïn în kï tïga ye, a oon dø nyag tube kï terrtag.

¹² I titbe la, awïn kï kum kïta koo lo, na a oon lo jeje al. Awïn kï mbi kïta koo dø ta, na gerïn girr ta al. Na þeta gerïn girra a ne, telïn kï ro Luwaht ad nyàgo majalg lod kø.

Jeju ørr girr terrta lo ngeduw kum nya

¹³ Kamla Jeju eld an: Îla i gerïn girr terrta lo ngeduw nya al, a i ðan titbãi kad i gerïn girr terrtag kï øj dø kõþe lo Luwah a?

¹⁴ De kï ngedubnya ye, ða dub ta lo Luwah.

¹⁵ Kum nya madg tuson go ðobt, ðob'n non øj go deg'n oon dø ta lo Luwah. Na tentenbe sitan ðe taa ta'n duwïn ngarkamdt nõ kø.

¹⁶ Titbe tø la kum nya madg'n tuson døningt kï kongkong, øj go deg'n hã oon dø ta lo Luwah, na taan kï ronel,

¹⁷ na ta lo Luwah hø ngïran kamdt al, ad ðan bijir al, na lon kamkøl tee dødt, ke lon ndï dan kumd ndo kïta ta lo Luwah a ne; tajigt a mbetïn kadkamd Luwah.

¹⁸ Kum nya madg'n tuson mbïna kongt ye, øj go deg'n ndï oon dø ta lo Luwah.

¹⁹ Na ndï soolïn kïta nyag kï duniat, ndï sahn nyag kï duniat, ndi sahn nyamajg kï tit, nyurkõg kïdangdang ndï andïn kamdt ad øg dø ta lo Luwah kad tee kï kandïn.

²⁰ Kum nya madg taa ne, tuson døningt kïmaj. Døning kïmaj ye, øj go deg'n oon dø ta lo Luwah, na taan; teen kï kand'd: kïmad tee kï kandïn dømïta, kïmad tee kï kandïn døkïkïbojidet, kïmad þu.

Terrta kï dø lambat

²¹ Jeju ndïjed tø an: Lon de a ðe kï horr lamba ye, a ndaa girr ngo tørr nyat a? Ke girr kag tïrat? I be al, na a ndaa dø kag nda lambat tã.

²² Ad nya mad kï lo yarot goto, na nyag tube a ton kï tïga doo takum degt; nya mad kï lo mundt kaa ne goto, na a i kï tee kï dø.

²³ De'n ndï kï mbin kïta koo dø a ne, kï oo dø.

²⁴ Jeju eld tø an: Oon go rosï maj dø nyat'n oon dø kad ørrïn mainya, kï ngo tørr nya'n i ndï i tørrïn ne adïn deg la, a tørrïn ne adsïn ho ye; a adsïn kï døtdøt tø.

²⁵ Kïtø de'n ndï kï nya a ne, a adïna kï døt. Na de'n ndï kï nya al a ne, nya tube'n ndïn nõ kaa ne, þet a taana.

Terrta dø kum nyat kï þa

²⁶ Jeju el terrta mad tø an: Kõþe lo Luwah i tit kï de'n un kum nya, aw dub kam ndøøt lon.

²⁷ Kamla tel aw þi ndø, na þai kàda kïndøgndøg, kaglot'n non kum nya'n dub þa ho tøg ho kanj kad de kï ngeduw nya ger go ke titbãi kum nya þan ho tøgïn ho.

²⁸ Døning î kïþe la ad kum nya þa; kïdasa i ngora, kamla tøg, ya þøl, goot a ne, ooj na døa mbuj.

²⁹ Na lon nyako mbuj woi ye, de kï ngeduw nya ðe kï ngorong jan nyako, kïta dønaha asï woi.

Terrta dø kum mutardt

³⁰ Jeju el terrta mad tø an: Kï ði j'asï kad kï dan kõþe lo Luwah a? Ke terrta kï titbãi j'a kï j'el kï dan kõþe lo Luwah tø a?

³¹ Kõþe lo Luwah i tit kï kum mutard, i kum nya kï du tøi kum nyag tube kï kam døningt, na lon duwïn ningt ye,

³² a þa, kamla tøg, tøi mbikamg tube, na tøø bajin kïbobo ad yelg kï dõ, ðe ðan kujg lod tit ho, høn lo ndï ndilat ho.

³³ Jeju ndoo deg ta lo Luwah, ndood kïgo ðob terrtag kïdangdang kad deg asïn ger girr ta lo Luwah.

³⁴ Ndoo deg kï ndøgbe kï terrta. Na lon i kïkïðanbe kï ngéndoog lon, kamtã la a ørrd girra ad gerïn maj ye.

Jeju ad nélbarwãi to lom

³⁵ Kam ndøat nõ, lokïsøle, Jeju el ngéndoog lon an: Ad kï gangïn bahbo gid ko nu.

³⁶ Nyan koosïdeg nõbe, ngéndoog loa alïn kam toot goat, kamla tøi awïn gid baht ko mad, too madg în nat sed nõ ho.

³⁷ Nelbarwãi kïbobe þai dø baht, ad hul man þai øsï pïkapïka, ad man mba girr ðoosï too.

³⁸ Jeju to þong toot to þi, laa døn kï nya laa dø. Ngéndoog loa ndoolïna, na elïna anan: Ngéj tamj ndï tî ye, a i tur go al a?

³⁹ Jeju ndool, ndáng nélbarwãi, na el bahbo an: I to lom, i to goi mbo. Kïtajigt nél duba, kamla lo to nding kï dumbit.

⁴⁰ Jeju el ngéndoog lon an: Kïtøði adïn kamsï gangïn man titbe a? Mbã tajigla kaa ne, kadkam kï jeje losï goto þaitø ø?

⁴¹ Þool tøl ngéndoog loa søkïrr, ad elïn na anan: De'n ndïn ye, i nõ a? Mbã nélbarwãi kï bahbo ndï telïn rod go tat loa.