Mark 2 - BIBLE MBAÏ 1980

Jeju yoot ngerokoinjør

¹ Ndøg tøin ngonsî kamla Jeju tel ðe Kapernawmt gog; deg oon hoi ndia kuju.

² Taa ne, deg ngãibe kawïn na kï nat, ad lo ndï goto kam kujt, ke tabit kud kuju kaa ne goto. Jeju eld ta lo Luwah.

³ Deg ðen roat kï de mad kï ngerokoinjør. Deg søø la tona ye.

⁴ Na kïta koosïdeg ye, asïn tøi sia dødt teen ne ro Jejut al. Kïtø 'nten, nduun dø kuj'n Jeju ndït nõ, lon mbutïn dø kuj woi ye, tuin ngerokoinjør kam nyatoat kï ber nõ Jejut.

⁵ Lon Jeju oo kadkam lo deg'n non kad i kadkam Luwah kï jeje ye, el ngerokoinjør an: Ngonïm, majalg loi în kï nyàgo kø.

⁶ Na kïmadg ku ngéndang maktubt ndïn ku koosïdegt nõ; ndï gaan ta kamdt anan:

⁷ Kïtøði de'n ndïn ndï elïn ta titbe a? Ndï elta kïmal dø Luwaht. Nõ asï nyàgo majal lo deg kø a? Luwah kïðabe tã la asï ye.

⁸ Tajigt, Jeju ger kam ndilint þet, nyan ndï gaan kamdt ad eld an: Kïtøði i ndï i gaan ne tag kï titbe ngarkamsït a?

⁹ Kï ða õ al tøi a? I soot kad de el ngerokoinjør an: Majalg loi în kï nyàgo kø a ke kela kan: I þai dõ un nya toi, na i þaning a?

¹⁰ Kïtøkad gerïn Ngon de ndï kï tøg døningt ne kad nyàgo majalg lo deg kø ye; Jeju el ngerokoinjør an:

¹¹ M'ndï m'eli m'an: I þai dõ, un nyatoi, na aw þe loi.

¹² Tajigt, ngerokoinjør þai takum degt, un nya ton, na tee aw, ad ta ya deg tube, ad øsïngon Luwah anan: J'oo nya kï titbe nja kïða al.

Jeju kun Lebi

¹³ Jeju tel aw ta bahbo kï Galilet gog. Deg tube awïn kï roat ad ndood.

¹⁴ Lon Jeju a tøi ye, oo Lebi ngon Alpe ndï lo tirr dø nyat na ela an: I ndulo gom. Lebi þai dõ, na ndulo go Jeju.

¹⁵ Got a ne, Jeju ndï ta nyasat kam kujt lo Lebi. Deg ngãibe ndï san nya nat kï Jeju, ad i ngétirrdønyag kï ngéðamajalg. Kïtø deg'n non ngãibe ndulon goa.

¹⁶ Na lon parisï madg, kï ngéndang maktubg oon Jeju ndï sanya sed ngéðamajalg kï ngétirrdønya ye, elïn ngéndoog loa anan: Kïtøði Ngesï ndï sanya ho, ndï ãi nya ho sed deg ngétirdønya kï ngéðamajalg a?

¹⁷ Jeju oo dø tag'n elïn nõ ad eld an: Ngérongang hã a geen døktor al, na ngéyotog tã.

Jeju elta dø køgro nyasat

¹⁸ Ndø madt, ngéndoog lo Jã kï ngeða baptem sed Parisïg øgïn rod nyasa. Deg ðen elïn Jeju anan: Ngéndoog lo Jã kï kï lo Parisïg ndï øgïn rod nyasa, na kïtøði ngéndoog loi, ndï øgïn rod nyasa al a?

¹⁹ Jeju turd an: Lon de kï ngetaa dekïdë kij i nat kï naming ye, namag asïn køg rod nyasa a? Kaglot tube'n i nat sed ye, a asïn køg rod nyasa kï nyakãi al ho.

²⁰ Na kaglo a ðe nõ lon a unïn de kï ngetaa dekïdë kij rodt kø, nõbe la a øgïn rod nyasa ye.

²¹ De kï ja ta halang kub kï kij lan léw kub kï kõn goto, kïta ta kub kï kij'n lan ne léw ye, a þai kï kõn kub kï tant, ad kõn kub til tat tøi kï kete þaitø.

²² De kï asï kut kasïnduu kï kij kam galgt kï kon goto îla i titbe a ne, kasïnduu kï kij a ndu galg, ad kasïnduu tuj kø, kari na sumba kad utïn kasïnduu kï kij kam galgt kï kij.

Ngon de i kï tøg dø ndø taakòt

²³ Ndø taakòt mad lo juipg, Jeju a gang kam ndøø nyakot, ngéndoog loa mbã girr tet dø nyako go tøidt kï njad dõ.

²⁴ Parisïg elïn Jeju anan: Oo kïtøði ngéndoog loi ðan nya kï sumba kad de ða kï ndø taakò al a?

²⁵ Jeju turd an: I dan ta 'nten nja kïða kam maktubt ale? Ta dø nyat'n ða nya: Ndø mad þo õ ngar Dabid kï deg'n în nat sia, na awïn kï nyasa al.

²⁶ Dabid and kam kujt lo Luwah. I kaglot'n Abiatar i bïra ngejamosï kadkari kïbo. Dabid sa bïnã kï la kadkarit kad Luwah, na telïn ad deg'n în nat sia. I goðobatal kïgo mberkïndat lo Moij kad de kïnõbe sa bïnã'n non, na de kï i ngejamosï kadkari tã.

²⁷ Jeju eld an: Luwah ða ndø taakò kïta deg, na deg hã în kïta ndø taakò al.

²⁸ Kïtø 'nten Ngon de i kï tøg dø ndø taakòt.