Mark 15 - BIBLE MBAÏ 1980

Awïn kï Jeju nõ Pilat't

¹ Kisî ritït, kïbog lo ngéjanyamosïkadkari sed kïbog lo juipg kï ngéndang maktubg, kï ngékoogota ku juipgt øjïn na ta dø Jejut. Ad døn Jeju, ørrïna awïn sia lana ji Pilat't.

² Pilat ndïje Jeju an: Î ngar lo juipg je e? Jeju tura an: Îla el nõ.

³ Kïbog lo ngéjanyamosïkadkari tetïn tag ngãibe kï dø Jejut.

⁴ Ad Pilat tel ndïjea ta gog tø an: I turta mad ale? Oo tag tube'n tetïn kï døit nõ ale?

⁵ Na Jeju turta mad gog al, ad ta ya Pilat biw.

Deg gangïn ta koi dø Jejut

⁶ Kaglo ðanah Pakït kïðen ye, i nyabelþe lo Pilat kad ørr de kïða dangãit, ad i de'n koosïg ndïjena kad nyàa dõ.

⁷ De mad tøa i Barabas ða kam dangãit nõ sed nama ngéndu ðøøg. Deg'n non tølïn de mad lon ndun ne ðøø deg kï Romt.

⁸ Koosïdeg awïn kï ro Pilat, lo gangtat, mbã girr ndïjea kïgo nyabelþet loa.

⁹ Pilat turd an: I ndigïn kad m'ørr ngar lo juipg m'adsï e?

¹⁰ Kïtø Pilat ger þet kad kïbog lo ngéyanyamosïkadkari lan Jeju jint kïgo jangt.

¹¹ Na kïbog lo ngéjanyamosïkadkarig sïlan koosïdeg ad elïn anan: Ørr Barabas adj.

¹² Pilat tel ndïjed an: Ði i ndigïn kad m'ða kï de'n i ndï kunïna ngar lo juipg ye a?

¹³ Turïna kï ndid kïbo anan: I gaa kagdosït.

¹⁴ Na Pilat eld an: Kïtøði? Majal ði ða a? Deg tel kon kï tøgd tø anan: I gaa kagdosït.

¹⁵ Na Pilat ndig kï'n sølkam koosïdeg ye, ørr Barabas ad'd. Na ad ndan Jeju kï ndeh riw riw, kamla laa ji degt kad gana kagdosït.

Asïgarg tajïn Jeju

¹⁶ Asïgarg ørrïn Jeju awïn sia natlot kï tøa i Pretoir, ad i kuj kõþe lo ngekõþe. Kunïn þut ngéðøøg tube kï nat.

¹⁷ Lana kub kï kïrre worwor, kad gona ne, gan jøg kon lan døat.

¹⁸ Kamla mbã girr ðaa lapia anan: Lale Ngar lo juipg.

¹⁹ Tïndan døa kï kadnya, tiwïn horr tad døat. Øsïn gojd ber nõat ho, øsïn død ber nõat tø.

²⁰ Got'n hã gona woi ye, ørrïn kubji kï kirre'n non roat kø, na lana kubg loa. Kamla got gog ørrïna kïtïga, awïn sia kad gana kagdosït.

Gan Jeju kagdosït

²¹ De mad tee ko gid þet, tøa i Simõ, i bøw Alegjandïr kï Rupus, i de kï Sirent, þai ndøøt lon a tøi, ngéðøøg ndødïna dø ðobt, na høna kï lo ngetøgt kad to kagdosï lo Jeju,

²² ørrïn Jeju awïn sia lot mad kï tøa i Golgota, girr tø lo'n non i lokadø.

²³ Nõ be adïn Jeju man nduu kï bur kï myrr kad kï ãi, na Jeju ãi al.

²⁴ Asïgarg gana dø kagdosït got yan yuk kï n'oon ke dekïðen a un kub loa a? Kamla kegïn na kubg loa kudt.

²⁵ I kï sî kï nõkadnda la gana ne kagdosït ye.

²⁶ Ndangïn maktub ndan dõ dø Jejut, na tag'n ndangïn la ten: Ngar lo juipg.

²⁷ Asïgarg gan ngékumðobg joo kagdosït kad Jejut. Kï kïða ko kõat ho, kïmad ko gelat.

²⁸ Titbe tølïn ne ta ta'n ndangïn kam maktubt anan: Tïdana nat kï ngétøidøtag.

²⁹ Deg'n a tøin nõbe ye, gan død misïmisï, kamla tajïna hoho, kï takïmal anan: Þai þa'a. Î kï ngetø kuj ndub Luwah, na ðaa gog kam ndøt kïmïta ye,

³⁰ Aj roi, na i ðisï dø kagdost ad j'oo.

³¹ Titbe tø la ngéjanyamosïkadkari kï ngéndang maktub, oon Jeju. Kamla elïn kudt anan: Aj deg madg, na asï kajron al ma?

³² Ad Krist Ngar lo Israel ðisï tajigla dø kagdosït kï ber kïtakad j'oo a ne, j'adïn kamj. Deg'n gand kagdost kad Jejut ye tajïna ho.

Koi Jeju kagdost

³³ Kàd ða ngawdenþet, na til dub ut døning tube, mbã teen kàdt kïmïta kï lokïsøle.

³⁴ Kï kàd kïmïta baaba, Jeju ko kï ndin kïbo an: Eloi, Eloi, lama sabaktani? Girra i titbe: Luwah lom Luwah lom, kïtøði i nyàmïn kï nõbe a?

³⁵ Deg madg ku îgïtïn ðan lot'n non oon dø ta'n el ye, elïn anan: Oon ða kun Eli.

³⁶ Kïmad kudt ãi ngød aw la ndøkøro kam kasïnduut kï masï jugug, un ta kadnyat ðen kad Jeju ãi. El an: I ngoon ad j'oo ke Eli a ðisï sia dø kagdosït a?

³⁷ Na þa ko kï ndin kïbobe kamla oi ye.

³⁸ Tajigt kub ganglo kam kuj ndub Luwah til dene joo, þai dõ mbã ü ber.

³⁹ Lon bïradø ngéðøøg'n ða nõ Jejut sumban sew oo titbãi Jeju oin ye el an: Rota de'n ðan i Ngon Luwah jeje.

⁴⁰ Dekïdë madg ðan nõ, ða oon nyag'n ða nya nõ ko sãi; Mari kï Magdala, Mari kï kõ Jak kï du, kï Jose kï Salome în kudt.

⁴¹ Dekïdëg'n non ndulon go Jeju maði ho, ðan kïlaþer adïna lon în døning Galilet ho. Dekïdëg madg ngãibe tø ndulon goa, awïn sia Jerusalemt.

Duwïn Jeju bulombalt

⁴² Ndøt'n non, i ndø ðago nyag tube kïta loti i ndø taakò lo Juipg. Lon losøl woi ye,

⁴³ Jojep de kï Arimatet, i de kïbo ku ngékoogota mbïna Juipgt, na ndï ndahkamïn dø kõþet lo Luwah'n þet a ðe. Jojep ire kamïn njirrirr, na aw ngah Pilat ndïjea nîn Jeju.

⁴⁴ Ta ya Pilat kïta koi'n Jeju oi kanangbe. Ad kun bïradø ngéðøøg ada ðe roat, kamla ndïjea an: Ðingãt hã Jeju oi a?

⁴⁵ Lon bïradø ngéðøøg ad Pilat ger ta koi Jeju jeje ye, Pilat ad nîn Jeju Jojep.

⁴⁶ Jojep aw ndugo kub nîn, gotïn ørrïn nîn Jeju dø kagdosït kïber ye, Jojep dulo nîn kï kub nîn'n non, na laa þe nînt'n urrïn kam mbalt. Kamla ut ta bulo'n non kï mbal kïbobe.

⁴⁷ Mari kï Magdala kï Mari kõ Jak oon lon lan nîn Jejut.