Mark 1 - BIBLE MBAÏ 1980

Jã ngeða baptem deg

¹ Yaþood Hoita Kïmaj lo Jeju Krist kï Ngon Luwah, yaþoodïn

² kïgo tat'n ndangïn kam maktubt lo Esai ngekelta kï ta Luwaht: Oon m'ndï m'la kï ngombangkïla lom kete nõit, îla a ðago ðob loi, kel Bïraþe;

³ ndi de mad ko kam dïlalot an: I ðan go ðob lo Bïraþe, i ðan go ngan ðobg loa ad asïna jerer.

⁴ Jã ngeða baptem deg ye, ða kam dïlalot, ða ða deg baptem, ða lamber deg kad tørrïn ndïd dø majalt, kïtakad Luwah nyàgo majalg lo deg kø.

⁵ Deg kï døning Judet kï deg kï þebot kï Jerusalem tube tee awïn kï roat. Deg'n non ða tø'n tad dø majalgt lod, ad Jã ðad baptem kam bah Jurdët.

⁶ Jã la kub bî lukum ront, ngaland nda þoa i ndar; nyasaa i kïbetg kï tej kï mut.

⁷ Ða lamberta an: De mad ndï ðe gomt nõ, de'n non tøim kï tøg, m'asï kad m'ud gat m'tut kïlla sanja loa al.

⁸ Mî taa ne, m'ða m'ðasï baptem kam mant, na de'n ndï ðe nõ, a ðasï baptem kam Ndilt kïkunjðang.

Jã ða baptem Jeju, kamla sitan náa

⁹ Kam ndøgt'n non Jeju þai þet kï Najaret kam døning Galilet ðe kad Jã ða'n baptem kam bah Jurdët.

¹⁰ Na lon Jeju ndï tee kam mant ye, oo dørã tee tan, Ndil kïkunjðang ðisï tit derrngøt be ndï døat.

¹¹ Ndita mad tee ko dõ dørãt an: În ðan I ngonïm kï ngetar lom; în rom nelïm sia kï dumbit.

¹² Na, Ndil øsï Jeju aw sia kam dïlalot.

¹³ Jeju ða ndø døsøø kam dïlalot, sitan ða náa, i nat kï dãg kï mut, ad malaikag ðe ðan sia.

Jeju kun ngéndoog lon kïdasa

¹⁴ Got, lon høn Jã kï ngeða baptem dangãit ye, Jeju aw kam døning Galilet la mber Hoita Kïmaj lo Luwah,

¹⁵ el an: Kaglo asï woi, kõþe lo Luwah i nderrbe, i tørrïn ndisï, na adïn kamsï Hoita Kïmaj.

¹⁶ Jeju a ndia ta bahbo Galilet, oo Simõ kï Andre kï ngonkõ Simõ ndï ün band bïrag lod kam bahbot kïta în nawg.

¹⁷ Jeju eld an: I ndulon gom, na m'a m'ad i telïn naw hø deg.

¹⁸ Tentenbe, tînyàn bandbïrag lod, na ndulon goa.

¹⁹ Jeju tøi kï kete ngonsî þaitø a ne, oo Jak ngon Jebede kï ngonkõa Jã ndïn kam toot, ndï ðan go bandbïrag lod.

²⁰ Lon Jeju kund ye, tajigt, tînyàn bøwd Jebede kï kam toot kï ngan ngéðakïlag, na ndulon goa.

Jeju yoot de kï ngendïl kïmajal

²¹ Kamla aw teen þebo Kapernawmt. Kï tajigt Jeju and kam kuj kawnat lo juipg, kï ndø taakò lo Juipg ða ndoo deg tit.

²² Deg tube'n oon dø nyandoo loa ye, ta yad biw, kïta ndood tat lo Luwah kï tøg kïbo tøi kï lo ngéndang maktubg.

²³ Kam kuj kawnat lod de mad, kï ngendïl kïmajal ndit nõ; þako kï ndin kïbo an:

²⁴ Jeju kï Najaret't? Ði gooj nat séi a? I ðe kïta nuj'j kø ø? M'geri maj, î kïkunjðang lo Luwah.

²⁵ Na Jeju ndánga an: Ut tai, i tee kø kam det'n ðan.

²⁶ Ndil kïmajal tur de'n non murmur kï tøgïn, na ko bang kï ndin kïbo, kamla nda lo tee kamat kï tïga kø ye.

²⁷ Deg tube ta yad biw, ad ndïjen na ta kudt anan: I ði kï titbe a? De'n non ndï kï nyandoo kï kij kï aw kï tøg ngãi. Mbã ndï ndáng ndil kïmajalg kï tøgïn, ad telïn rod go tat loa tø.

²⁸ Na hoi Jeju nda lo gang, ad deg tube elïn ta loa kam døning Galilet kïtaagbe.

Jeju yoot deg koosïg

²⁹ Lon ten kam kuj kawnat lo Juipg ye, Jeju aw þe lo Simõ kï Andre sed Jak kï Jã.

³⁰ Mum Simõ kïdë, nél bo ndaa mburung, døa gaa, ad to ber kï køtïn. Tajigt, elïn Jeju ta loa.

³¹ Jeju ndøt kï roat, hø jia unan kï dõ, kï tajigt nél bo'n ndaa ye, tî nyàa, ad oo god kï nyasa.

³² Lon lo søl ye, go kud kàdt, deg ðen kï ngémõig tube kï deg tube'n ndilg kïyerr în kamdt kï ro Jejut.

³³ Deg tube kï kam þet kawïn na kï tabit kujt.

³⁴ Jeju yoot ngérotog ngãibe dø mõigt kïdangdang'n ðad. Tuþa ndilg kïyerrg ngãibe kø, na nya ta ðob ad elïn ta al kïta gerïna þet.

Jeju la mber Hoita Kïmaj kam døning Galilet

³⁵ Lon loti al þaitø ye, Jeju þai kï girr þodbah aw ðïlalot kï de gotot, ndï nõbe kad n'elta kï Luwah.

³⁶ Simõ kï deg'n în nat sia tee awïn go Jejut

³⁷ Lon ngahna ye elïna anan: Deg tube ða sahin.

³⁸ Jeju eld an: Ad kï j'awïn lot kïðang kam ngan þegt kï nderrbe, nõbe kaa ne, sumba kad m'la mber Hoita Kïmaj tit, kïta î nõ la m'ðen ye.

³⁹ Jeju aw kam døning Galilet kïtaagbe la mber Hoita Kïmaj kam kuj kawnat lo juipg ho, tuþa ndilg kïyerr ho.

Jeju yoot ngebanj

⁴⁰ Ngebanj mad ðe ro Jejut, øsï gojïn ber nõat, na ndïjea an: Îla i ndig a ne, asï karïm kad banj lom goto.

⁴¹ Jeju oo kumtondo loa ad la jin ødan na ela an: M'ndig kad ar dø banjt loi.

⁴² Kïtajigt be, banj loa urr kø, ad roa ar nyang.

⁴³ Kete tã kad Jeju tînyà ngebanj, na kï n'aw ye, ndaa mber kï tøgïn.

⁴⁴ Ela an: Oo maj. Ot kelta de mad. Na aw, i da roi ngejamosï kadkari, na i la kadkari'n Moij nda mbera, kïtakad deg tube gerïn kad î kï kar, banj loi urr, kïtakad i najkïma nõ degt ho.

⁴⁵ Na lon de'n non tøi ye, a ørr girr nyan ða nya nõ deg ngãibe, tïndan ta'n non tî kï log tube, mbã ad Jeju asï kand kam þet kïtïga wakïsï al, na i gidþet tïga, kam logt kï garon. Na deg ðen roat kï go log tube.