Malaki 3 - BIBLE MBAÏ 1980

Ðe ngeðago ðob lo Bïraþe

¹ Oon, m'ndï m'la ngombangkïla lom, a ðago ðob nomt, na Bïraþe'n i ndï sahna a tee pat, ud kam kujt lon kïjaþat. Oon, ngombangkïla lo kunkø'n i ðan ronel sia ye, ndï ðe, kel Bïraþe Ngekoosïg.

² Nõ asï hø ron ngang ndø ðeat a? Nõ a asï ða dõ ndø teeat høi a? Kïtø a i tit horr lo ngekar hand kï tit sabo lo ngetugo kub be.

³ A ndï tit de kï ngekar nar arjã ad janjoi. A ar ngan Lebi kïdïngã kad telïn kïjanjoi tit nar ørr kï nar arjã be kïtakad lan kadkarig kïgoðobat adïn Bïraþe.

⁴ Kamla kadkari lo Juda kï Jerusalem, a nel Bïraþe tit kï kam ndøgt kï maði, kï kam þalg kïkete nu.

⁵ M'a m'ndøt kïrosït kïta gangta, m'a m'manaj kanangbe dø mbooligt kï ngéðakaya kï ngéndayo kïngom, kï îgïn ðan ngetøg dø nyabaji ngéðakïla kï îgïn dan kum ngéngawkoi kï ngonhal ndo, kï îgïn ðan majal kï mbahg na þoolmïn al, titbe i takel Bïraþe Ngekoosïg.

De a þoog Luwah al

⁶ Mî Bïraþe, m'mbel al, kïta 'nten la în ngan Jakob i nujïn ne al ye.

⁷ Tit kï kaglot lo bøwsïg kïmaði, i nyan go mberkïnda lom kø, i ngomïn go al. I telïn kïromt, na mî m'a m'tel kïrosït ho, kel Bïraþe Ngekoosïg. Na elïn anan: Titbãi j'a kï tel kïrota?

⁸ De a þoog Luwah a? Kïtø i ndï i þoøgïmïn. Na elïn anan: Kam ðit kï ndï kïþoogit a? Kam gaj kïkïða ku kïkïlaht kï kadkarig kïlakad.

⁹ În kï ndøl kïta i þoøgïmïn, în girrdeg'n ðan kïtaagbe,

¹⁰ I ðen kï gaj kïða ku kïkïlaht kam kujngomnyat kïtakad nyasa i kam kujt lom, Titbe i námïn oon, kel Bïraþe Ngekoosïg, ke m'a m'tee burrolog kïdørãt kïtasï, ke m'a m'ü majkurr kïtambuj døsït al a.

¹¹ Kïtatøsï la m'a m'ndángïn ngetujnya kïtakad tuj kandnya losï kïdøningt al, dînduu kam ndøøt losï a nal kanda al tø, kel Bïraþe Ngekoosïg.

¹² Kamla girrdeg tube a elsïn anan: In ngémajkurr, kïta døning losï a i døning ronel, kel Bïraþe Ngekoosïg.

Tørr go nya kïmaj kï nya kïmajal nat

¹³ I ndoormïm kï tag losï kïngang, kel Bïraþe, na i ndï anan: Ta ði j'el kï ndoorïn?

¹⁴ Elïn anan: Ða þer kad Luwah i kari kïndang, ði j'a kï ngah lo ngomgo mberkïndat loa kï ndia kï høndo nõ Bïraþe Ngekoosïgt a?

¹⁵ Tajigla ndï j'el j'an: Ngedøngangg la in ngéronel, na ngéðamajal in ngémajkurr, ndï nán Luwah oon na teen kï lapia kari.

¹⁶ Kamla îgïn þoolïn Bïraþe ye, elïn na ta kudt na Bïraþe nel mbin oon dø. Ndangïn maktub gakamdøt, ndan nõat kïta îgïn þoolïn Bïraþe na gaan dø tøat.

¹⁷ A în lom, kel Bïraþe Ngekoosïg, a în lom ndøt'n m'a m'ðago nyamajg lom kïkøsïdøm. M'a m'øjd kamkë tit'n de a øjïn kamkë ngonïn kï ngeðakïlaþer kadïn.

¹⁸ Kamla a i tel ørrïn mbina de kïdenesew kï de kïmajal, de kï ngeðaþer kad Luwah kï de kï ngeðaþer kada al.

Ndø lo Bïraþe ndï ðe

¹⁹ Kïtø oon, ndø ndï ðe tïnga bil tit pur be. Ngédøngang tube kï ngéðamajg tube a i tit mu be. Ndø ndï ðe õd mugj kel Bïraþe Ngekoosïg. A nya ngïra kag ke døji kag al.

²⁰ Na kï tøsï, în ngéþool tøm ye, kad kïdenesew a þa kï yoot girr bøgïnt. A i teen, a i þai kïdïtalg titïn ngan mangg a teen lo kuldt be.

²¹ A i þan dø deg kï majal kïta a i în tit buhorr be girr danjasït dø ndøt'n in m'a m'ða nya 'nten, kel Bïraþe Ngekoosïg.

²² I gan kamsï dø mberkïndat lo þer lom Moij in m'ndambera dø mbal Horebt kïta Israelg tube mberkïndag kï takïgang.

²³ Oon m'a m'la Eli, ngekelta kï tamt, m'a m'la kïrosït kete nõ ndøt kï bo kïkootþool lo Bïraþe in ndï ðe

²⁴ A i tel kï ngarkam bøw kï ro ngandgt kï ngarkam ngan'g kï ro bøwdgt na þeta m'ðe m'nda døning kï ndøl.