Hoita kɨmaj lo Jeju Krist'n Luk ndang 7 - BIBLE MBAÏ 1980

Jeju yoot ngon ngekïla lo Roma mad

¹ Lon Jeju eltag lon tube tïga kï mbi degt ye, and kam þebot kï Kapernawm.

² Ngon ngekïla lo bïradø ngéðøøg i nõ, mõi ðaa ngãi ad to ta koit, na ngea tara ngãi.

³ Lon bïradø ngéðøøg oo hoi Jeju ye, la kïbo madg lo Juipg roat, kad ndïjena kad kï ðe yoot ngon ngekïla lon.

⁴ În tø lon ðen ro Jejut ye, ndïjena kï rotîd, anan: Asï kad i ða nya 'nten ada.

⁵ Kïtø i de kï tar girrdeg loj, î kïþe kï døn la ða kuj kawna loj adj ye.

⁶ Taa ne, Jeju aw sed, na lon nãi nderrbe kad teen þe ye, bïradø ngéðøøg la namïng ro Jejut kad elïna anan: Bïraþe, ot nda roi dïlalot, kïta m'asï kad and kuju lom al,

⁷ kïta 'nten la m'oon kad m'asï ðe roit al ho ye; na îla elta koon a ne, ngonïm a aj.

⁸ Kïtø mî'n, mî girr tøgt lo kïbog lom ye, m'ndï kï ngéðøøg jimt; îla m'el kïmad m'an: În ndïn aw a ne, aw, în i ðan i ðe, a ne ðe; îla m'an þer lom i ða nya 'nten a ne ða.

⁹ Lon Jeju oo dø ta 'nten ye, nela dum, mbel kï ro koosïgt'n hã a ndulon goa, eld an: M'ndï m'elsï ke ku Israelgt kaa ne, m'ngah kadkam kïbo kï titbe al.

¹⁰ Deg'n bïradø ngéðøøg lad ye, lon telïn kïþe ngahn þer'n roa toa kï lapia.

Jeju ad basa mad þai lo koit

¹¹ Loti got Jeju aw þe madt'n tøa i Nãi. Ngéndoog loa kï deg koosïg awïn sia nat.

¹² Lon tee ta tabit't kï kand kam þet ye, oon deg unïn de mad kï koi'n hã i kïðabe ji kont, kõa tø i ngengawkoi. Deg ngãibe ko kam þet awïn sia nat.

¹³ Lon Bïraþe ooa ye, ta õ kama ngãibe kï tøa ad el an: Ot nõn.

¹⁴ Aw nderrbe, ud gat kun nin. Ngétoa duban; Jeju el an: Basa, m'eli i þai dõ.

¹⁵ Ngekoi þai ndï dõ, mba girr kelta, Jeju ada kõa.

¹⁶ Þool ða deg tube ad øsïn gon Luwah, anan: Ngekelta kï ta Luwaht mad kïbo i denjt. Elïn tø anan: Luwah ðe aj deg lon.

¹⁷ Kah nyag'n hã Jeju ða ye gang go døning Jude kïtaagbe, kï þeg tube kï gugïn døa.

Jã ngeða baptem la ngéndoog lon kad ndïjen ta Jeju

¹⁸ Ngéndoog lo Jã aw ørrïna hoi nyag 'nten tube. Jã ad kunïn ngéndoog lon joo kïront,

¹⁹ lad ro Bïraþe an: Îla î ngeðe yo? Ke kï ndï kï ngoo de mad kïðang a?

²⁰ Lon deg'n non ðen ro Jejut ye, anan: Jã kï ngeða baptem la laj roit kad kï ndïjei, ke î Jeju la î ngeðe yo, ke kï ndï ngoo de mad kïðang a?

²¹ Kaglot'n non Jeju yoot deg ngãibe dø mõigt lod kï yo kï tod, ørr ndil kïmajalg kam degt kø, na ad mundøg ngãibe ngahn koo lo.

²² Jeju tur deg lo Jã an: Aw elïn Jã ta nyag'n oon, kï nyag'n oon dø; mundog ngahn koo lo, mootg a þan ning, ngébanjg arïn, mbog oon dø ta, ndoolïn ngékoig ndï elïn hoita kïmaj ngéndog.

²³ Ngeronel la i de'n ndï oron kadïm kamïn al ye.

²⁴ Lon ngombangkïlag lo Jã þain ye, Jeju mba girr kelta deg koosïg dø Jãt an: Awïn kam dilambot kïta koo ði a? Ke kadnya kï nel ða yee a?

²⁵ Na awïn kïta koo ði a? Ke awïn kïta koo de kï ngelakub kïmaj a? Oon îgïn ndï lan kubg kï majmaj, na ndï oon maj rod titbe ndïn kujgt lo ngarg.

²⁶ Na awïn kïta koo ði a? Awïn kïta koo ngekelta kï ta Luwaht a? Ã m'ndï m'elsï, oon de'n tøi ngékelta kï ta Luwaht ngãibe.

²⁷ Kïtø Jã i de'n ndangïn ta dan ne døa kam maktubt an: Oon m'ndï m'la ngombangkïla lom kete nõit.

²⁸ M'ndï m'elsï, ku degt'n dekïdëg oojïnd ye, de mad kïbo tøi Jã goto, na în hã i kï du tøi kam kõþe lo Luwah i kïbo tøia.

²⁹ Deg tube, kï ngétirrdønyag oon dø ta lo Jã, îgïn non la telïn rod go tat kïdenesew kï tee ta Luwaht ad ndï ðan baptem kïgo baptemt lo Jã ye.

³⁰ Na Parisïg kï ngéndoodeg mberkïnda lo Moij ye, mbetïn takøj lo Luwah, ad ndigïn kad Jã ðad baptem al.

³¹ Ke ði m'a m'dan deg kï kaglot'n ðan a? Taan na kï ðia?

³² Tit'n kï ngan kï dug kï ndïn suku ndï kunïn namdg anan: Kï kun tøwnal j'adsï, na i ndõmïn al, kï tøi pa nõ, na i nõn al.

³³ Kïtø Jã ngeða baptem deg ðe, na øg ron nyasa, kï nya kãi, na elïn anan: I þood de.

³⁴ Ngon de ðe, na sa ho ãi ho, na anan: Oon i dekï ngesanyaboot, ngekãi kasïnduu boot, i nam ngétaa lambo kï ngéðamajalg.

³⁵ Na deg tube'n taan terr lo Luwah, adïna kamd kad i terr kï jeje.

Jeju aw kam kujt lo Parisï mad'n tøa i Simõ

³⁶ De mad ku Parisïgt nde Jeju kï sa sen nya. Jeju and kuju lo Parisï'n non, ndï ta nyasat.

³⁷ Oon kaya dekïdë mad ndï kam þet'n non. Lon ger kad Jeju ndï kam kujt lo Parisï'n non ye, ðe kï kú albatïr kï yib kï kootmbî i kamt,

³⁸ ðan gid Jejut ko njat ða nõ, mba girr nyom njaa kï man kumïn. Kamla børr kï bisï døn; ndï il njaa, wur kï yib kï kootmbî'n non.

³⁹ Lon Parisï'n nde Jeju kï sa sen nya oo nya 'nten ye, elta kamïnt an: Îla de'n ndïn i ngekelta kï ta Luwaht a ne, ni a ger dekïdë'n ndïn, în ndï øda nõ, kad i dekïdë kï nyaðaa i kïmajal tø.

⁴⁰ Kamla Jeju el an: Simõ m'aw kï ta mad la kï m'eli. Simõ el an: El.

⁴¹ Jeju el an: De mad kï ngekadgïrra ad gïrra deg joo, de kïdasa baa nar þumi, kïkõjoo, maj kad baa nar dømi.

⁴² Lon oon nya'n a ban ne al ye, ngegïrra nya kï dødt tujoo. Ku degt kï joo'n non ye, de'n tara ngãi i nõ a?

⁴³ Simõ tura an: m'gah dømt m'an i în hã nyan gïrra ngãi adïna nõ. Jeju el an: I gangta dene.

⁴⁴ Kamla mbel kï ro dekïdët, el Simõ an: Oo dekïdë'n ndïn? Lon m'and kuju loi, na adïm man kï tugo njam al, na î taa nyom njam kï man non, na børr kï bisï døn.

⁴⁵ Î taa ne, i ðam lapia njuta al, na dekïdë tã døkàd kandïm kam kujt loi mbã tajigla nya ta nju njam al.

⁴⁶ Î i wur døm kï yib al, na dekïdë'n ndïn wur njam kï yib kï kootmbî.

⁴⁷ Kïtø 'nten m'ndï m'elïn m'an dekïdë'n ndïn tarïm ngãi, na kïta tar kï tarïm ngãi la i gerïn ne Luwah nyàgo majalg loa kï ngãi kø. Na de'n majalg loa kï tëbe în kï nyàgo kø tar loa i tëbe ho.

⁴⁸ Jeju el dekïdë an majalg loi în kï nyàgo kø.

⁴⁹ Deg'n ndïn sia ta nyasat ye, mbã girr kelta kamdt anan: De'n ndïn'n ndï nyàgo majalg lo deg kø ye i nõ a?

⁵⁰ Na Jeju el dekïdë an: kadkam loi aji, aw kï lapia.