Hoita kɨmaj lo Jeju Krist'n Luk ndang 24 - BIBLE MBAÏ 1980

Jeju þai lo koit

¹ Dekïdëg'n non unïn nyag kï kootmbî'n ðan go, awïn ne døþadt kïsî ritit ndøt kï dasabang lo ndøg kïtanãimïta.

² Oon ndubirïn mbal ta døþadt kø woi kete nõdt.

³ Andïnt na ngahn dãro Bïraþe al.

⁴ Ðan nõ, kamd ða dad ta paa dø nyat 'nten þaitø ye, oon deg joo ðan kadt kï kubg kï ndulo ngeîngeî.

⁵ Þool tøl dekïdëg søkïrr ad lan død kïber. Deg'n non elïnd anan: Kïtøði i ða i sahn ne ngekumkajir ku ngékoigt a?

⁶ Goto nëbe, na þai lo koit. I gan kamsï døtat'n elsï lon ndïn døning Galilet þaitø. El an:

⁷ Kari na a lan Ngon de ji ngéðamajalgt, a gana kagdosït, na ndøt kïkõmïta a þai lo koit.

⁸ Dekïdëg gan kamd dø tagt lo Jeju.

⁹ Þain døþadt tel ðen þe, ørrïn hoi nyag 'nten ngéndoog kïkïlah gidaikïða kï ndegag tube tø.

¹⁰ Dekïdëg'n elïn ngombangkïlag tag'n non ye, i Mari Madelen kï Jãn, kï Mari kõ Jak kï ndeg dekïdë madg'n în sed nat.

¹¹ Na ngombangkïlag oon tit ta'n non i ta kïpãbe, taan ta lo dekïdëg al.

¹² Na Pierr þai, la ørr kï ngød aw døþadt, ud gat oo kub duba tã to kïðabe. Kamla þai aw þe lon, ta yaa dø nyat'n ða nya.

Jeju ndød ngéndoog lon joo dø ðob kaw þet kï Emawst

¹³ Ndøt'n non deg joo ku ngéndoogt lo Jeju ndï awïn ngõþet mad kï tøa i Emaws ðoba wo kï þebo Jerusalem asï kïlometïr kïlah gidaikïða.

¹⁴ A dan na ta, dø nyagt tube'n ða nya.

¹⁵ Lon a dan na ta, na a ndïjen na ta þaitø ye, Jeju kï døn ðe rodt aw sed nat.

¹⁶ Na tøg mad ut kumd ad gerïn takîa Jeju al.

¹⁷ Jeju eld an: Ta ði a elïn na, a i lan nat i ndï aw ne a? Duban, ða ndïngan ndo.

¹⁸ Kïkïða'n tøa i Kleopasï tura an: I kïkïðaibe la î mbah kam Jerusalemt la î ger nyag'n ðan nya kamt kam ndøgt'n non al yo?

¹⁹ Jeju eld an: Nya ðig a? Elïna anan: Nyag kï dø Jeju kï Najaret'n i Ngekelta kï ta Luwaht, kï ngétøg kam kïlat nõ Luwaht kï nõ degt tube tø.

²⁰ Ngéjamosïkadkari kïbog kï mbaiþeg loj lana kad gangïn ta koi døat, gana kagdosït tø.

²¹ Na maði kï nda kamj døat j'an îla a badø Israel ye. Na kanj nyag'n non tube, þone la i ndø kïkõmïta go nyagt 'nten'n ðan nya.

²² Dø ît 'nten tø dekïdë madg ku degt loj elïn ad yaj, awïn døþadt kï sî ritit.

²³ Na lon ngahn dãroa al ye, tel ðe anan: N'oon malaikag, anan aw kï døn dõ.

²⁴ Kïmadg ku îgtïn ndïn nat sed tø ye, awïn døþadt, ngahn tit'n dekïdëg elïn ne, na în kïþeg oon Jeju kï kumd al.

²⁵ Kamla Jeju eld an: În þood deg ngékamkøidirïr dø kadkam nyagt tube'n ngékelta kï ta Luwaht elïn.

²⁶ Kari na Krist a dai yon kï nyag kï kõ 'nten, kamla a ndï kam køsïgont tø ale?

²⁷ Ørrd girr nyag kï ndangïn dan ne døa kam maktubt lo Luwah tube mba girra dø maktubgt lo Moij ðen kïdø tat lo ngékelta kï ta Luwaht tube.

²⁸ Nãi nderrbe kad teen ngon þet'n ndï awïnt, na Jeju ða tit ndï aw kï kete þaitø.

²⁹ Na deg kï joo'n non ðe elïna anan: I ndï sej, kïta lo kï søl i nderrbe, kàd ndï aw kïta kud tø. Ad Jeju and kam kujt kad kï'n ndï nat sed.

³⁰ Lon ndï sed nat ta nyasat ye, un bïnã ða mersi Luwah hø tet, ad'd.

³¹ Kamla kumd tee ad gerïn takîa Jeju, na nyimir takumdt.

³² Elïn na anan: Lon a elj ta dø ðobt, a ørrj'n girr ta kï kam maktubt lo Luwah ye, takela i tit horr kï õ kamjt ale?

³³ Tajigtbe þai awïn þebo Jerusalemt gog, ngahn kïkïlah gidaikïða'n non, kï îgïn în sed nat, kawïn na kï nat lo kïðabe.

³⁴ Ndï anan Bïraþe þai lo koit, tee høi kï ro Simõt.

³⁵ Deg kï joo'n non ørrïn hoi nyag'n ðan nya dø ðobt, kï tit'n ad'd gerïn ne takîa Jeju lo tet bïnãt.

Jeju tee høi kï ro ngéndoogt lon

³⁶ Ndï elïn tag 'nten þaitø a ne, Bïraþe kï døn ða dandt eld an: Lapia kï ndï døsït.

³⁷ Þool tøld søkïrr ad ndild tee saw oon a anan i ndil la n'ndï n'oon ye.

³⁸ Na Jeju eld an: Kïtøði kamsï gangïn ngalang a? Kïtøði tø tagah kïtitbe ndï þain kamsït a?

³⁹ Oon jim kï njam, i mî kï døm, ødmïn oon; kïta ndil a kï dã kï kïngag al tit'n i ndï oon ne m'ndïn.

⁴⁰ Lon elta 'nten ye dad jin kï njan.

⁴¹ Na lon ndï adïn kamd al þaitø kïta ronel, ta yad tø ye, eld an: I ndïn kï nyasa mad nëbe e?

⁴² Adïna gind kanj kï su kï mbar tej.

⁴³ Jeju un sa nõdt.

⁴⁴ Kamla eld an: 'Nten la i ta lom'n m'elsï lon mîn sesï nat þaitø ye. Kari na a tølïn ta nyag tube'n ndangïn dan ne døm kam Mberkïndat lo Moij kï kam tat lo ngékelta kï ta Luwaht kï kam pagt tø.

⁴⁵ Kamla tee hangald kïtakad gerïn ne girr ta kï kam Maktubt lo Luwah ye.

⁴⁶ Eld an: Titbe la ndangïn ne kam Maktubt lo Luwah ye, kari na Krist a dai yon na ndøt kïkõmïta a ne a þai ku ngékoit.

⁴⁷ Kari na a lan mber ta kï ro girrdegt kïdangdang tube kam tøat kad tørrïn ndid dø majalgt lod; a mbã girra Jerusalemt.

⁴⁸ În la în ngémanaj dø nyagt 'nten ye.

⁴⁹ Oon tø. M'ndï m'la kï nya'n Bøwm unïn køn adsï kïdøsït, na în i ndïn bá kam þebot, mbã kad tøg kï ko dõ dørãt ðe døsït.

Jeju tel aw dørãt gog

⁵⁰ Kamla aw sed kïtïga mbã kïkad þet kï Betani, nu la øi jin kïdõ njang'n død ye.

⁵¹ Lon ða njang død þaitø ye, Jeju nyad, unïn na kï kam dørãt dõ.

⁵² Øsïn død ber nõat, kamla tel awïn þebo Jerusalemt gog kï ronel kï ngãi.

⁵³ Ndïn kam kuj ndub Luwaht kïndøgndøg ndï ndubïn Luwah.