Hoita kɨmaj lo Jeju Krist'n Luk ndang 23 - BIBLE MBAÏ 1980

Jeju ða nõ Pilat't

¹ Koosïg lod tube þai, ørrïn Jeju an sia nõ Pilat.

² Mban girr kun døa, anan: Kï ndød de'n ðan ða sïla deg loj kï taanðøø ngekõþeg, eld kad ban lambo Sejarr al, ða el an: Nî kï døn n'î Krist kï ngar tø.

³ Pilat ndïje Jeju an: Î ngar lo juipg a? Jeju tura an: Î el titbe.

⁴ Pilat el ngéjamosïkadkari kïbog kï deg koosïg an: M'ngah ta mad dø det'n ðan al.

⁵ Na deg koosïg høn kï døt kï tøg anan: Ndï sila deg kï nyandoo loa kam døning Judet kïtaagbe, mbagirra ko Galilet mbã ðen nëbe.

⁶ Na lon Pilat oo dø ta 'nten ye, ndïje ke i de kï døning Galilet a?

⁷ Lon ger kad Jeju i ko þekõt lo Herod ye, laa kï ro Herodt gog kïta Herod kïdøn tø ndï þebo Jerusalemt ndøgt'n non.

Jeju ða nõ Herodt

⁸ Lon Herod oo Jeju ye, ða ronel ngãi. Kïtø kaglo ngãibe ndig kï n'ooa kïta nyag ngãibe în oo døat; nda kamïnt kad kï n'oo Jeju ða nya mad kï ya.

⁹ Herod ndïje tag ngãibe na Jeju tur al.

¹⁰ Na ngéjamosïkadkari kïbog kï ngéndoo Maktubg ða unïn dø Jeju kï rotïngad.

¹¹ Herod kï ngéðøøg lon telïna nya kï pãbet, gon døat na lana kub kïmaj ngãi. Na tel laa kï ro Pilat't gog.

¹² Kam ndøt'n non Herod kï Pilat telïn ne namna, kïta maði, ndoor i kïnadt.

Gangïn ta koi dø Jejut

¹³ Pilat kun ngéjamosï kadkarig kï mbaiþeg kï deg kïnat.

¹⁴ Eld an: I ðen kï de'n ðan romt tit de kï ngesïla deg kad taanðøø, na oon maj, m'nder girra nõsït, na m'ngah ta mad døat al tø.

¹⁵ Herod kaa ngah ta mad døat al, tel lasïa kï gog rojt. Oon maj de'n ðan ða nya mad kï asï koi al.

¹⁶ Kïtø 'nten m'a m'ad ndana kï ndeh n'a m'ørra.

¹⁷ Kïtø ndø ða nah Pakï kïðen, kari na a ørrïn de dangãi kïða.

¹⁸ Na deg tube unïn ndid kon ne anan: I tølïn de'n ðan, na ørr Barabas adj.

¹⁹ Barabas i de'n lana dangãit, kïta lon deg ndun ðøø kam þet ndoorïn ne romag ye, tøl de.

²⁰ Pilat ndig kï n'ørr Jeju, kïta 'nten tel eld ta gog þaitø.

²¹ Deg kon kï tøgd kïtai anan: I gaa kagdosït. I gaa kagdosït.

²² Pilat eld ta kïkõmïta, an: Kïtøði? Ði kïmajal de'n ðan ða a? M'ngah ta mad kï asï koi døat al; m'a m'ad ndana kï ndeh, na m'a m'ørra.

²³ Na øsïna tõtõ kï ndid kïbo, ndïjena kï gana kagdosït, dumïn dø Pilat kï ndid kïbo'n kon ne.

²⁴ Pilat gangta kï ðan nya'n køna.

²⁵ De'n lana dangãit kïta ðøø kï ndu kï tøl de, ad i de'n ndïjena ye ørra na la Jeju jidt kad ðan sia kïgo ndigt lod.

Gan Jeju kagdosït

²⁶ Lon ndï awïn kï Jeju ye, ndødïn de mad kï døning Sirent, tøa i Simõ, þai ndøøt ndï ðe kam þet, høna lan kagdoosï døat kad to ndulon go Jeju.

²⁷ Bakad deg koosïg a ndulon goa kï dekïdëg tø, îgïn a tïgan kad'd a udïn wi kï tøa.

²⁸ Jeju mbel kï rodt an: Ngan kïdëg kï Jerusalem, ot nõmïn, na i non rosï kï ngansïg.

²⁹ Kïtø oon maj, ndøg a ðen nõ în a elïnt anan: Ngeronel la i kujdekïdë ye, ngéronel la în dekïdëg'n oojïn nja kïða al, kï îgïn lan mba ta ngont ad il al tø.

³⁰ Kamla a mbã girr kel mbalbog kï son kï dødt. Kï doorlog utïn død.

³¹ Kïtø îla ðan nyag 'nten lon kag i mbool þaitø a ne, ði a ða nya lon kag în kï tut a?

³² Ørrïn ngéðamajal madg joo tø, kad kï'n tølïnd nat kï Jeju.

³³ Lon ðen lot'n a kunïna ka dø ye, nu la gana kagdosït nat kï ngéðamajal kï joo'n non, kïkïða ko kõat kï mad ða ko gelat.

³⁴ Jeju el an: Bøw i nyàgo majal lod kø; kïta gerïn nya'n ða ðan al. Deg kegïn kubg loa yan yuk døt.

³⁵ Deg lan'na nat ða oon, na mbaiþeg lo juipg telïn Jeju nya got anan: Aj deg madg, îla i Krist kï mbed lo Luwah a ne, kï aj ron.

³⁶ Ngeðøøg tø ða gon døat, awïn roat nderrbe ða lan kasïnduu kïmasï kï døat,

³⁷ anan: Îla î Ngar lo juipg a ne, aj roi.

³⁸ Maktub mad kï ndang i døat dõ titbe. În ðan i Ngar lo juipg.

³⁹ Kïkïða ku ngeðamajalgt'n non îgïn gand dõ ye, elta kïmal an: I Krist ale? Aj roi kï jî tu.

⁴⁰ Na kïmad un tan ndánga'n an: Mbã Luwah kaa i þoola ale?

⁴¹ El tø an: Na rota kï døjt i goðobat kïta kï ða kï taa bajij în asï ta nyaðaj; na de'n ðan ða nya mad kïgo ðobatal al.

⁴² El Jeju an: Bïraþe, i ga kami dømt lon i ðe kï kõþe loi.

⁴³ Jeju ela an: Rota la m'ndï m'elï ye: Þola a i ndï sem kam Paradisït.

Jeju oi kagdosït

⁴⁴ Nãi nderrbe kad kàd ðadenþet, til ut døning kïtaagbe mbã kàd norjin.

⁴⁵ Til ut kum kàd, ad lo duw døningt kïtaagbe; kubganglo kam kuj ndub Luwaht til dene joo.

⁴⁶ Jeju ko kï ndin kïbobe an: Bøwm m'ndï m'la ndilïm kam jiit. Lon elta 'nten ye, ad ndilïn tee.

⁴⁷ Lon bïradø ngéðøøg oo nya'n ða nya ye, øsïgon Luwah an: Rota de'n ðan i de kïdenesew.

⁴⁸ Koosïdeg tube'n kawïn na kï nat kad kï n'oon nyag'n non ye, lon oon nyag'n ðan nya ye, tel gan gud.

⁴⁹ Nam Jejug tube kï dekïdëg'n ndulon goa ko døning Galilet tø ye, ðan sãi ða oon nyag'n non.

Duwïn Jeju bulombalt

⁵⁰ De mad ndï nõ tøa i Jojep i kïkïða ku ngékoogotat lo Juipg, i de kïmaj, i de kïdenesew tø,

⁵¹ þe loa i Arimate kam døningt lo juipg. De'n non la køn ta køjt lo ngekoogota kï nyaðad al, ndï ngoo kõþe lo Luwah keðengë.

⁵² Jojep aw ro Pilat't køa dãro Jeju.

⁵³ Ðïsï sia kagdosït kï ber. Duloa kï kub nîn; laa kam þet'n urr kam mbalt, i þe kï lan det nja kïða al.

⁵⁴ I ndø ðago nyag, kïta ndø taakò i nderrbe.

⁵⁵ Dekïdëg'n ðen ko Galilet nat kï Jeju ye, ndulon go Jojep, oon þe nîn ke titbãi lan Jeju tit a?

⁵⁶ Kamla telïn kïþe ðan go nyakïkootg kï yib kï kootmbî. Taan koo ndø taakòt kïgo Mberkïndat.