Hoita kɨmaj lo Jeju Krist'n Luk ndang 20 - BIBLE MBAÏ 1980

Kïbog lo juipg ndïjen Jeju ta dø tøgat

¹ Ndø mad kam ndøgt'n non, lon Jeju ndï ndoo deg kam kuj ndub Luwaht, na ndï la mber hoita kïmaj ye, ngéjamosïkadkari kïbog, kï ngéndang maktubg sed kïbog lo juipg þain kï døat.

² Elïna anan: Elj. Kï tøg kï ða i ndï ðan nyag'n non a? Ke i nõ adi tøg 'nten a?

³ Jeju turd an: Mî tø m'a m'ndïjesï ta mad.

⁴ Baptem lo Jã ye, i ko kï dõ dørãt e? Ke i kokïro degt a?

⁵ Na øjïn na ta kudt be anan: Îla kï j'an i ko kï dõ dørãt a ne, a el an: Kïtøði adïna ne kamsï al a?

⁶ Na îla kï j'an i kokïro degt a ne; deg tube a tïlajïn kï mbal; kïta deg gerïn þet Jã i ngekelta kï ta Luwaht.

⁷ Taa ne turïn Jeju anan: Kï ger ko lo'n teet al.

⁸ Na Jeju eld an: Mî tø m'a m'elsï kï tøg kï ði m'ndï m'ðan nyag'n non al.

Terrta dø ndøø nduut kï deg'n ðan kïlat

⁹ Kamla mbagirr kel terrta 'nten deg, an: De mad hø ndøø nduu, la ji deg madgt kï ndøøn, na aw mbah døningt mad ad kaga tøi.

¹⁰ Lon dø nah ja kand nduu asï woi ye, la þer mad ro ngéndøøgt'n non kad ta gaj nyandøø lon. Na ngéndøøg ndan þer'n non mbukï mbukï kamla tel lana kïgog jia kari.

¹¹ Tel la þer mad kï rodt gog, î tø a kï ndana mbukï mbukï lan rosøl døat, na lana kï gog jia kari.

¹² Tel la þer kï ngekõmïta, î tø a kï adïna doo, na tuþana.

¹³ Bïraþe kï ngendøø el an: Kam m'ða ði? M'am m'la ngonïm kï ngetar lom; maja lon oona a ne, a þoolïn ndila.

¹⁴ Na lon ngéndøøg oon ngon'n non ndï ðe kï dødt ye, øjïn na ta kïnadt anan: În ðan la i ngekõnduba ye, ad kï tølïna kïtakad nyanduba loa tel loj.

¹⁵ Taa ne, ørrïna kï tïga gid ndøøt tølïna. Bïraþe kï ngendøø ye, ði a ða sed a?

¹⁶ A ðe nuj ngéndøøg'n non kø, na la ndøø nduu ji degt kïðang. Lon deg oon dø ta 'nten ye anan: Be al.

¹⁷ Na Jeju nøld mbet't an: Girr ta 'nten kï ndang kam maktubt lo Luwah i ði a? Mbal'n ngéðakuj mbetïna, nõ la tel bïradø kuj kïdõ ye.

¹⁸ Dekïðen'n a so dõ mbalt'n non a ne, a tet ðelðel, na dekïðen'n mbal'n non a so døat a ne, a rigja ad tel tit bungurbe.

Deg madg ndïjen Jeju ta dø ba lambot

¹⁹ Ngéndang maktubg kï ngéjamosïkadkari kïbog gerïn þet Jeju el terrta 'nten dan død; kïta 'nten sahn kï'n høna, na þoolïn deg.

²⁰ Ndan kumd go Jeju tø, na lan ngéndalo îgïn ðan rod tit deg kïdenesew be, kad kï'n þana kï gum ta kï taat kad kï'n lana ji ngekõþet'n aw kï tøg ho õþe dø døningt ho.

²¹ Deg'n non ndïjena anan: Ngendooj kï ger i ndï elta kï dene, i ndï ndoo deg goðobat tø, i ndï ørr de dene al, na i ndï ndoo deg ðob lo Luwah kïgo rotat.

²² I goðobat rojt kad j'ad lambo Sejarr a? Ke i goðobat al.

²³ Jeju ger ndo kïþa lod þet, ad eld an:

²⁴ Admïn gursï kïða m'oo, ndil dø de, kï ta kïndang døt 'nten ye, i lo nõ a? Elïna anan: I lo Sejarr.

²⁵ Kamla Jeju eld an: Nya'n i lo Sejarr taa adïn Sejarr, na nya'n i lo Luwah a ne, adïn Luwah.

²⁶ Deg'n ða oon dø ta loa ye, de kï asï høa kï ta mad goto, ta kïtur loa yad ngãi, ad ndïn ngod mbo.

Sadukig ndïjen Jeju ta dø þai ngékoigt

²⁷ Kïmadg ku Sadukigt ðen ro Jejut. Îgïn non majïn ta þai ngékoig ndïjena anan:

²⁸ Ngendoodeg, Moij ndang ta 'nten kam Maktubt adj, an: Îla ngonkõ de mad oi, na nya nën kïkanj ngon a ne, kï ngonkõa taa nëa, ndan koh ngonkõ.

²⁹ Tag maði ngankõnag tanãimïta în nõ; kïdasa taa dekïdë, na oi kanj ngon.

³⁰ Kï ngekõ joo taa dekïdë'n non tø, na oi kanj ngon.

³¹ Kï ngekõmïta tø taa, titbe tø la tube tanãimïta taan dekïdë'n non, na oin kïkanj ngan'g.

³² Godt gog dekïdë ðe oi ho.

³³ Ndø þai ngékoit ye, a i në nõ kudt a? Kïtø în tanãimïta la taana nëdt ye.

³⁴ Jeju eld an: Deg kï kaglot'n ðan ndï taan na.

³⁵ Na îgïn oond ad asïn ta þai ku ngékoigt tee koht kï nu ye, a taan na al.

³⁶ Asïn koi gog al tø kïta a asïn na kï malaikag. În ngan Luwah tø tit kan în ne deg kï ngeþai lo koit.

³⁷ Na ta dø þai deg lo koit ye, Moij øj ta 'nten kam Maktubt ad deg oon maj, døtat lo dungarr kï horr i kamt lon kunïn Bïraþe, Luwah lo Abraham, kï Luwah lo Isaak, kï Luwah lo Jakob tø.

³⁸ Luwah i Luwah lo ngékoig al, na i Luwah lo ngékumkajirg kïta deg tube ndïn kï kumkajir nõ Luwaht.

³⁹ Kïmadg ku ngéndoo deg maktubt turïn anan: Ngendoo deg el maj.

⁴⁰ Kïtø 'nten iren kamd kad ndïjena ta dø nyat mad gog al ta.

Jeju ndïje deg ta dø ngon Dabidt

⁴¹ Jeju eld an: Titbãi deg ndï anan Krist i ngon Dabid a?

⁴² Dabid kïdøn el kam maktub pagt an: Bïraþe el Bïraþe lom an: I ndï ko jikømt,

⁴³ mbã kad m'tel madngétaig komber nda njait.

⁴⁴ Jeju el an: Dabid kuna Bïraþe. Ye titbãi i ngona a?

Jeju el deg kad oon go rod maj dø ngéndang Maktubt

⁴⁵ Lon deg tube ndï oon dø ta loa þaitø ye, Jeju el ngéndoog lon an:

⁴⁶ Oon go rosï maj kï ngéndoo maktubg, ngéla kubjig kïngal, kï ngendïg kad deg ðand lapia kam sukïgt tø, în ngesah lo ndï kïdasa kam kuj kawnat lo juipg kï lo ndï de kïbog lo mburr namt,

⁴⁷ în ngétaa nyag lo ngéngawkoig, în ngékelta ngãi, kad deg oond kad nîn ngékelta kï Luwah, na i ndokum. Îgïn non, takïgang kï Luwah a gang dødt a i kïtootþool ngãi kï tøi.