Hoita kɨmaj lo Jeju Krist'n Luk ndang 10 - BIBLE MBAÏ 1980

Jeju la ngéndoog lon døtanãimïta kïta la mber ta kõþe lo Luwah

¹ Go nyagt 'nten Bïraþe mbed ngéndoo madg døtanãimïta lad joo joo nont kete, kï awïn þet kïðen, kï lo kïðen'n hã î kïþe kï døn mba kawt.

² Eld an: Nyako kï tet i ngãibe, na ngejaa în tëbe. Kïtø 'nten, i køn Bïraþe kï ngenyako kïrotîsï kad la ngéja nyako kam ndøøt lon.

³ Awïn, oon, m'lasï tit nganbatg be kï ku bisïkologt.

⁴ Ot kunïn ngong nar, ke þøl, ke saa nja, ot ðan lapia de dø ðobt.

⁵ Ke kuj kïðen a i andïnt a ne, a i ðan lapia ngékïkam kujt kete kamtã.

⁶ Na îla de mad kï ngendïg lapia ndït nõ a ne, lapia losï a ndï kï døat; îla goto a ne, a tel kïrosït gog.

⁷ I ndïn kam kujt'n non, i san ho, ãin nyag'n adsïn ho, kïta ngekïla asï ta nyabaji. Ot þain kujt mad kaw kujt mad kïðang.

⁸ Ke þebo kïðen hã andïnt, na høsïn kï rodt a ne, i san nya'n ndan nõsït.

⁹ I yootïn ngérotog kï kam þet'n non, elïnd anan: Kõþe lo Luwah i nderrbe rosït.

¹⁰ Na þebo kïðen a andïnt, na høsïn kïrodt al a ne, i teen kï dø ðobagt anan;

¹¹ ke bu þe losï'n hø njaj ye kaa, j'a kï nda kï døsït, na i gerïn maj kõþe lo Luwah ðe nderrbe rosït.

¹² M'ndï m'elsï ndø kï nut, takïgang kï dø þebot kï Sodom a i soot tøi kï dø þet'n non.

Jeju ndáng deg kï kam þebogt'n oon døta lon, na mbet tørrïn ndid

¹³ Jeju el an: Beto loi i þebo Korasë. Beto loi î þebo Besaida. Kïtø neni ðan kïlag kï yaya kam þebo Tirt kï þebo Sidõ tit'n m'ðan kusït a ne, neni maði nu a lan ngisï kub, a øin buhorr kï dødt, høn ne ndo, na tørrïn ndid.

¹⁴ Ndø gangtat, takïgang kïdø þebo Tirt kï þebo Sidõ a i soot tøi kï døsït.

¹⁵ Na î þebo Kapernawm, oo an Luwah a uni kï dõ ad i tee dørãt e? Be al, Bïraþe a øsï lai kam lot kï koo.

¹⁶ Jeju el ngéndoog lon tø an: De'n ndï oo døta losï a ne, ndï oo døta lom ho, de'n ndï mbetïm a ne, ndï mbet ngelam tø ho.

¹⁷ Kamla ngéndoog kï døtanãimïtag'n non telïn kï ronel, anan: Bïraþe, mbã ndilg kïmajal kaa ne, telïn rod gotat loj lon j'elta kam tøit.

¹⁸ Jeju turd an: M'oo sitan so ko dõ dørãt tit telndii be.

¹⁹ Oon m'adsï tøg kad i þan dø liig kï gïnag, m'adsï tøg dø madngétasïgt tube; nya mad kï a tosï yoot be goto bat.

²⁰ Na kïta 'nten, ot ðan ronel kïta ndilg'n în girr tøgt losï, na i ðan ronel kïtatøsï'n i kïndang maktubt kam dørãt dõ.

Jeju ða ronel

²¹ Kaglot'n non Jeju ða ronel kam Ndil kïkunjðangt, el an: M'ðai mersi, oo Bøw Bïraþe kï nge dørã kï døning, tit kan hã i yadø nyag'n non koro ngéterrgt kï ngégoosïg, na i tee dø ad ngan kïdug oon; m'ðai mersi oo Bøwm kïta titbe la nelin dum ye.

²² Bøwm la nyag tube jimt, na de kï ger ke nõ i Bøw goto, na Ngon kïðabe tã; kï dekïðen Ngon ndig tee ada tã.

²³ Kamla Jeju mbel kï ro ngéndoogt lon, eld ta tadang an: Ngéronel la ndï oon nyag'n i ndï oon ye, kum'n ndï oo nyag'n ndï oon i ngeronel.

²⁴ Kïtø m'ndï m'elsï; ngékelta kï ta Luwaht, kï ngarg ngãibe ndigïn kï n'oon nyag'n i ndï oon dø nõ, na oon al.

²⁵ De mad kï ngendoo Mberkïnda lo Moij þai dõ, ða sah kï'n høa kï ta, el an: Ngendoodeg, ka m'ða ði kad'm ngahn kumkajir kï mbãkïnõt a?

²⁶ Jeju tura an: Ði ndangïn kam mberkïndat a? Ði i ndï da tit a?

²⁷ De'n non tur an: A i tar Bïraþe Luwah loi kï ngarkami tube, kï roi tube, kï tøgi tube, kï tagahi tube; a i tar madþei tit roi be.

²⁸ Jeju ela an: I tur goðobat: I ða nya 'nten, na a i ndï kï døi dõ.

²⁹ Na ngendoo mberkïnda ndig kï n'ørr ta dønt ye, el Jeju an: Nõ i madþem a?

³⁰ Jeju tur an: De mad þai þebo Jerusalemt ðisï ndï aw þebo Jerikot, la so kam ji ngékumðobt ad ngîn kubg roat, na tïndana mbukï mbukï adïna dog, na ãi awïn nyana de kï koit.

³¹ Ngejamosï kadkari mad un ðob'n non. Lon ooa ye, gang kïtiga tøi.

³² Titbe, Lebia mad lon tee lot'n non ye, ooa, gang kï tïga tøi ho.

³³ Na de mad kï Samarit, ndï aw mbah, tee lot'n tot, lon ooa ye, ta õ kama,

³⁴ ad ðe roat ur yib kï man nduu ta dogt ndomïn, kamla una, ndaa dø nyakult lon, aw sia kuj mbahgt mad ndï oo goa.

³⁵ Loti got tee kï nar asï l'arjã joo ad kïþe ngekuj, an: Oo goa, nya'n hã i tî kø tøi dø nar'n m'adi a ne, lon m'a m'tel m'ðe ye, m'a m'bai.

³⁶ Ku degt kï mïta'n non ye, nõ ooa i madþe de'n so kam ji ngékumðobgt a?

³⁷ Ngendoo mberkïnda tur an: De'n oo kumtondo loa la i madþea ye. Jeju ela an: Î tø aw, i ða titbe.

Jeju aw kuju lo Mart kï Mari

³⁸ Lon Jeju kï ngéndoog lon ndï awïn ye, and ngon þet mad, na dekïdë mad tøa i Mart høa kï þe lon.

³⁹ Ngon kõ Mart kïdë ndï nõ, tøa i Mari; ndï ber nja Bïraþet, ndï oo dø nyandoo loa.

⁴⁰ Na koo go nyag kïdangdang kam kujt ad dø Mart tel wãri; ad ðe roat an: Bïraþe i oo 'nten i nya mad al kad ngonkom nyam kï ta kïlat kïkïðambe e? Kïtø 'nten ela ad ða sem kïla.

⁴¹ Bïraþe tura an: Mart i ndï i sool ho, i ndï ad roi kõ kïta nyag ngãibe kari kïndang.

⁴² Na nya'n ndaa toot i kïðabedo. Mari køt gaj kïmaj'n de asï taa jiat al bat.