Lebitik 8 - BIBLE MBAÏ 1980

Kur yib ngéjanyamosï

¹ Bïraþe el Moij an:

² Un Aarõ kï ngana kï kub kï yib kurrdøt kï bøw mang kadkari kutdø majal kï bal batg joo kï keh kï ðoosï kï bïnã kï løi kïkanj berrkasï,

³ na i kun nge kawna tube kïnat tabit kujkub ndødnat.

⁴ Moij tø ða tit'n Bïraþe elan, na ngékawna kawïn na tabit kujkub ndødnat.

⁵ Kamla Moij el ngékawna an: Oon 'nten la i nya'n Bïraþe nda mbera kad ðan.

⁶ Moij ad Aarõ kï ngana ndøtïn kï ront na ndogd man.

⁷ La kub ro Aarõt, dø þoa kï kïlla døþo, na la kubji kïngal roat, nda epod døat na dø roat kï kïlla døþo lo epod'n la roat.

⁸ La kub kutdø gu roat na nda Urim kï Tumim kam kub kutdø gut.

⁹ Nda jøg døat kamla nda bar nar ør nõat nõ jøgt kïjaþat tit'n Bïraþe nda'n mbera Moij.

¹⁰ Gog got Moij un yib kurrdøt tud dø londït kïjaþat kï nyag tube kïkamt kad teldïn kïjaþat't.

¹¹ Tud dø dïngïrt nja tanãimïta, tud dø dïngïrt kï nya ðakïlaag tube nat kï bai kï njaa kïta teldïn kïjaþat.

¹² Mbel yib kurrdøt dø Aarõt wuran kïta tela kïjaþat.

¹³ Moij ad ngan Aarõ ndøtïn kï ront, la kub rodt, døø þod'd kï kubdøþo na nda jøg dødt tit'n Bïraþe nda'n mbera Moij.

Kadkari kutdø majal kï kadkari kïlahorr kïta ngejanyamosï

¹⁴ Moij ad ðen kï bøw mang kadkari kutdø majal na Aarõ kï nganïn ndan jid dø bøw mang kadkari kutdø majalt.

¹⁵ Moij jakøa, un mosa la ngon jin mosït ødïn gàj dïngïr tube, arïn dïngïr kamla ü ndeg mosï girr dïngïrt telan kïjaþat kïta kutdø majal.

¹⁶ Moij øi mboola kï ut dø tia kï wura kïbo kï munjo duna kïjoo nat kï mboold, la horro dø dïngïrt.

¹⁷ Na la bøw mang'n non horro, ngïraa kï dãa kï kîa tube, gid gongt tit'n Bïraþe nda'n mbera Moij.

¹⁸ Kamla Moij ðe kï bal bat kadkari kïlahorr ad Aarõ kï ngana ndan jid dø bal bat't.

¹⁹ Moij jakøa na tud mosa dø dïngïrt gugïn dø.

²⁰ Lon gangïn dã bal bat dïtïmdïtïm ye, Moij la døa kï ndegag kï mboola horro.

²¹ Lon tugon tia kï njaa, Moij la bal bat horro dø dïngïrt kïtaagbe. I kadkari kïlahorrt, i sé kïkootmbî kï nel Bïraþe, i kadkari'n horr õa tit'n Bïraþe ndan mbera Moij.

Kadkari nda ngejanyamosï køtkokïða

²² Kamla ðe kï bal bat kïkõjoo, bal bat ndah de køtkokïða, na Aarõ kï nganïn ndan jid dø bal bat't.

²³ Moij jakø bal bat'n non, un mosa ød të øsïn girr mbi Aarõ kokõ kï dø kïbo jia kokõ kï dø kïbo njaa kokõ.

²⁴ Ad ngan Aarõ ndøtïn kï ront, ød mosï të øsïn girr mbid kokõ kï da kïbo jid kokõ, kï dø kïbo njad kokõ na tud ndeg mosï dø dïngïrt gugïn dø.

²⁵ Kamla un mboola kï þonga kï mboola kï ut dø tia tube kï wura kïbo kï munjo duna kïjoo nat kï mboold kï binga kokõ.

²⁶ Na un bïnã kï løi kïkanj berrkasï kïða kï woina kïkanj berrkasï kï løi kï yib kïða kï bïnã kï ða yib døt kïða. Øi nyag'n non kam keh ngom bïnãt kï løi kïkanj berrkasï, ndad nat kïðabe kï mboola kï binga kokõ.

²⁷ La nyag'n non tube ji Aarõt kï ngana kad bind kadkari kï bi nõ Bïraþet.

²⁸ Kamla Moij taa jidt, ü horro dø dïngïr dø kadkari kïlahorrt. I kadkari ndah de køtkokïða, i kadkari kïlahorrt, i sé kïkootmbî kï nel Bïraþe.

²⁹ Moij un gu bal bat ndah de køtkokïða, bi nõ Bïraþet. I gaj lo Moij tit'n Bïraþe nda'n mbera Moij.

Ndø nda ngéjanyamosï køtkokïða

³⁰ Kamla Moij ød yib kurrdøt kï mosï kïdø dïngïrt, tud dø Aarõt kï kubg loa kï dø ngan Aarõt kï ku bug lod. Titbe la telïn Aarõ kï kubg loa kïjaþat kï ngana kï kubg lod nat sia.

³¹ Moij el Aarõ kï ngana an: I ndirrïn dã'n non tabit kujkub ndødnat, na i sana kï bïnã kïkam keht kï ndah køtkokïða tit'n m'ndasïn mbera m'an: Aarõ kï nganïn la a san ye.

³² Na ndeg dã kï bïnã kïnãi ye, a i ün horro ad õ kø.

³³ Kam ndøt kïtanãimïta a i teen tïga tabit kujkub ndødnat al, mbã ndø ndasï køtkokïða asï kamtã, kïta ndø kïtanãimïta i ndø ndasï køtkokïða.

³⁴ Nya'n i ðan þone i nya'n Bïraþe nda mbera kad ðan kïta kutïn dø majal losï.

³⁵ A i ndïn tabit kujkub ndødnat ndø ho kada ho, mbã ndø tanãimïta, a i ngomïn go mberkïnda lo Bïraþe kïtakad i oin al. Titbe la ndamïn ne mbera ye.

³⁶ Aarõ kï nganïn ðan nyag tube'n Bïraþe nda mbera Moij.