Lebitik 27 - BIBLE MBAÏ 1980

Ta dø yokïndat

¹ Bïraþe el Moij an:

² El Israelag an: Îla de mad un køn kï yokïnda dø det ad Bïraþe a ne, a ad kïgo gat'tn i a øj.

³ Gat'n i a øj kïta de kïdïngã kï ða þal døjoo mbã þal døkïbojidet a ne, a i nar arjã dømi kïgo nart kïkam lot kïjaþat.

⁴ Îla i dekïdë a ne, gata'n a i øj a i nar arjã dømïta.

⁵ Kïtø ngon kïdïngã kï ða þal mi mbã þal døjoo a ne, a i øj nar arjã døjoo na kïta ngon kïden taa ne, a i nar kïlah.

⁶ Kïtø ngon kïdïngã'n ða nah kïða mbã þal mi a ne, a i øj nar arjã mi na kïta ngon kïden, taa ne, a i nar arjã mïta.

⁷ Kïtø dekïdïngã kï ða þal døkïbojidet ke tøi a ne, a i øj nar arjã kïlah gidaimi, na kïta dekïdë taa ne, a i nar arjã kïlah.

⁸ Îla de'n un køn kï yokïnda nõ i ngendo na asï ba gat'n i øj al a ne, a aw sia nõ ngejanyamosït na ngejanyamosï a øj gata kïgo tøgt lo ngekunkø kï yokïnda.

⁹ Îla i ta lo dã'n deg adïn kadkarit Bïraþe a ne, dã kïðen'n de a ad a i kïjaþat kïta Bïraþe.

¹⁰ De a mbel gida al, a hø kïmaj ørrïn got kïmajal al, a hø kïmajal ørrïn got kïmaj al tø. Îlawn dã mad mbelïn kï kïmad a ne, în tujoo a în nya kïjaþat kïta Bïraþe.

¹¹ Îla i dã kïyerr'n de asï la kadkarit kad Bïraþe al a ne, de'n non a ðe kï dã'n non ro ngejanyamosït,

¹² na ngejanyamosï a øj gata kïgo majat ke kïgo majatal, gat'n ngejanya mosï øj la a i gata ye.

¹³ Îla de'n non ndïg kï n'badø dã'n non a ne, a la gaj kïða ku kïmit dø narat.

¹⁴ Îla de mad nda kuj lon tadang ad Bïraþe a ne, ngejanyamosï a øj gata kïgo maj kujt'n non ke kïgo majat al, gata'n ngejanyamosï øj nõ la a i gata ye.

¹⁵ Na îla de'n gang kuj lon tadang nõ ndig badøa gog a ne, a la nar gaj kïða ku kïmit do narat na kuj a i loa gog.

¹⁶ Îla de mad gang nusï ndøø lon'n õ nduba tadang ad Bïraþe a ne, a i øj gata kïgo kum nyakot'n deg a du bïnt, a i nar arjã dømi kïta homer nyako ørj kïða.

¹⁷ Îla gang nusï ndøø lon tadang ad Bïraþe kam þal ronelt a ne, gat'n i øj a to lo tont,

¹⁸ na îla i go þal ronelt la gang'n nusï ndøø lon tadang ad Bïraþe a ne, ngejanyamosï a øj gata kïgo ndeg þalt kïnãi mbã þal ronelt, na a i ørr nusï nar'n i øj nõ ada.

¹⁹ Îla de'n gang nusï ndøø lon ta dang ad Bïraþe ndig badøa a ne, a la nar gaj kïða ku kïmit do narat'n i øj na ndøø a i loa.

²⁰ Na îla ndig badø nusï ndøøn non al, ke ndugoa kø kï de mad, a asï badøa gog al ta.

²¹ Lon tee kam þal ronelt ye ngendøø a tî nya ndøøn non na a i kïjaþat kïta Bïraþe tit nya kïndah køtkokïða, a tel nyakagþe lo ngejanyamosï.

²² Îla de mad gang ndøø lon kï ndugo tadang ad Bïraþe, na ndøøn non i nyakagþe loa'n õ nduba al a ne,

²³ ngejanyamosï a øj gata mbã þal ronel, na de'n non a ad nara Bïraþe ndøt'n non, i nya kïjaþat kïta Bïraþe.

²⁴ Kam þal ronelt ndøø a tel kï ji ngendugoat gog, ad i ji det'n i nyakagþe loa maði kïgo kõndubat.

²⁵ Gatg tube'n a øj a în kïgo nar arjã kïkam lot kïjaþat. Sikel kïða asï guera døjoo.

Nyag lo Bïraþe

²⁶ De mad a asï nda ngonderr nyakul lon køtkokïða kïta Bïraþe al, ke ngonderr mang ke bat, kïta i lo Bïraþe kete,

²⁷ Îla i dã kïyerr a ne, a ban døa kïgo gat'tn i øj na a la nar gaj kïða ku kïmit døt, na îla ban døa al a ne, a ðawïna kø kïgo gat'tn i øj.

²⁸ Nya kïðen'n de a ørr kam nyagt lon nda tadang kïta Bïraþe, ke i de, ke dã, ke ndøø kam nyakagþét lon, asï ndugo kø ke badøa gog al. Nya kïðen'n de nda tadang kïta Bïraþe a ne, i kïjaþat kïtaitøi kïta Bïraþe,

²⁹ Dekïðen'n takïgang i døat kad tølïna kø, de asï badøa goto, de'n non a tølïna kø.

³⁰ Gaj kïða ku kïkïlaht lo kand nya kï døningt, ke kand kagg tube i lo Bïraþe, i nya kïjaþat kïta Bïraþe.

³¹ Îla de mad ndig badø nya lon kam gaj kïða ku kïkïlaht a ne, a la gaj kïða ku kïmit dø narat,

³² Dã kïbo ke dã kïdu tube, dã kïkõkïlah kïðen'n tøi girr kagtøsït kï ji ngekulnyat'n kïjaþat kïta Bïraþe,

³³ De a nøl dã'n non kad ooa ke i dã kïmaj, ke kï majal al, de a mbel gida al tø. Îla mbelïna kï dã mad kïðang a ne, în tujoo a în kïjaþat kïta Bïraþe. De a badød al.

³⁴ Îgïn ten la în mberkïndag în Bïraþe ad Moij kïta Israelag dø mbalbo Sinalt ye.