Lebitik 26 - BIBLE MBAÏ 1980

Majkurr dø telrogotat

¹ A i ðan yog kïta rosï al. A udïn þakumtanya kïtasï ke kï pel kïta rosï al, a i ndan mbal mad kïtasï døningt losï kad øsïn døsï ber nõat al, kïta mî Bïraþe Luwah losï.

² A i ngomïn go ndø taakòg lom, a i þoolïn lo kïjaþat lom. Mî Bïraþe.

Majkurr lo Luwah

³ Îla i ndian kïgo mberkïndagt lom, îla i ngomïn go komandmãg lom, na i hø ðan got a ne,

⁴ m'a m'adsï man ndii døkagat, døning a tee kï kandïn, kagg kïkam ndøøgt a teen kï kand'd.

⁵ Nda nyako a to þe losï mbã tee kaglo ja kand nduut, na ja kand nduu a to mbã kaglo duw nyakot. A san nya ndenïn na a i ndïn kï lapia kam døningt losï.

⁶ M'a m'ad lapia i kam døningt losï, nya mad kï ndasï þoolt a goto, m'a m'ad dãg kïmajal goton døningt losï na nyakat a tøi døningt losï al.

⁷ A i tuþan nyambøj, na a son ta nyakat't nõsït.

⁸ Deg mi kusït a tuþan deg þu, na deg þu kusït a tuþan deg dub kïlah, na madngétasï a son ta nyakat't nõsït.

⁹ M'a m'nda kumm gosït, m'a m'ad maj urrsï, m'a m'ad i bïlan kïdøtdøt, m'a m'ad kunkø lom to kïðubagt nat sesï.

¹⁰ A i san køk nyako kï maði, a ørrïn køkï nyakø kø, na a i ndan kïkij gotat.

¹¹ M'a m'nda londïm kusït, na m'a m'øsï nya kïyerr romt kø.

¹² M'a m'ndia kusït, m'a mî Luwah losï, a în deg lom ho.

¹³ Mî Bïraþe Luwah losï in tee sesï kam døning Ejipt't kø kad i ðan þer lod al. M'teet jug hand køsït kø na m'ad i ndian kï døsï kï ða kïðing,

Ndøl kïta telrogotatal

¹⁴ Na îla oon dø ta lom al, i hø ðan go komandïmentg 'nten tube al,

¹⁵ îla i kïdin mberkïndag lom, îla tag lom în nya kïyerr rosït mbã i ðan kïgo mberkïndagt lom tube al a ne, kunkø lom la i gangïn ye.

¹⁶ Mî tø m'a m'ða sesï titbe. M'a m'ad nya kïtootþool ðe døsït, mõi kesï mosï kï døga kï ngetuj kum de, kï ad ro de nyam. I duwïn nya kï ndang pãbe, na madngetasïg a san,

¹⁷ M'a m'teltakumm m'ndoorsïn, a ndasïn kïnõ madngétasïgt, ngékøsïsï a õnþe døsït, a ãin na kïkanj kad de mad tuþa gosï.

¹⁸ Îla go nyagt 'nten i oon dø ta lom al þaitø a ne, m'a m'nda m'øjsï nja tanãimïta døt þaitø kïtø majal kï ða losï.

¹⁹ M'a m'teet tøg buro kïga losï, m'a m'ad dørã losï tel tit hand be kï døning losï tit'n ningakasï be.

²⁰ Tøgsï a tïga kïndang, døning losï a tee kï kandïn al, kagg kï døningt a teen kï kand'd al tø.

²¹ Îla i tamïn ðøø na i mbetn kø dø ta lom a ne, m'a m'ndasï kï yokoosï nja tanãimïta kïtø majal kï ða losï.

²² M'a m'la kï dãg kï mut kïmajal dansït kad høn ngansïg, kï tujïn nyakulg losï. A telsïn kad în tëbe, na de a ndia dø ðobgt losï al.

²³ Îla ndakøjg 'nten ðan sesï kad i telïn kï romt al, na i tamïn ðøø a ne,

²⁴ mî tø m'a m'taasï ðøø, na m'a m'nda m'øjsï nja tanãimïta døt þaitø kïtø majal kï ða losï.

²⁵ M'a m'ad nyakat ðe døsït kad nda ngïra dø kunkøt lom na îla i kawïn na kïnat kam þebogt losï a ne, m'a m'la yokoosï kusït, na a lasïn ji madngétasïgt.

²⁶ Lon m'ad nyasa losï goto, dekïdëg kïlah a ðan nyasa lo ndirr nyat kïðabe adsïn nyasa losï kïgo nyambøj nyat, a i san na a ndenïn al.

²⁷ Îla m'ða titbe na oon dø ta lom al, ad i tamïn ðøø a ne,

²⁸ m'a m'tasï ðøø kï wong kïtingabil, na mî kï døm m'a m'nda m'øjsï nja tanãimïta døt þaitø kïtø majal kï ða losï.

²⁹ A i san dã ngansïg kïdïngã, a i san dã ngansïg kïdë.

³⁰ M'a m'nuj log losï kïdõ, m'a m'tø dïngïr kadkari kïkootmbî losï, m'a m'ü ninsï dø nin yogt losï, na m'a m'øsï nya kïyerr romt kø.

³¹ M'a m'ad þebog losï telïn gotþe, m'a m'nuj log kïjaþat losï, na m'a m'taa sé nõkag kïkootmbî losï al.

³² M'a m'nuj døning nõ kø kad ya nyambøj biwîgïn ndï ðan lo hølondï tit.

³³ M'a tïnda m'tîsï ku girrdegt kïdangdang, m'a m'ørr nyakat m'tuþan gosï. Døning losï a nuj, na þebog losï a telïn gootþe.

³⁴ Kamla døning a ða ronel dø þal taakògt lon kam ndøgt tube'n î goton ne, na i ndïn ne døningt lo madngétasïg ye, døning losï a ngah taakò, na a ða ronel dø þal taakògt lon.

³⁵ Ndøg tube'n a døning a î gotlo, a ngah taakò'n ngah kam þal taakògt losï lon i ndïnt al.

³⁶ Ta lo ndegsï kïnãi kï død dõ ye, m'a m'ad þool ðoosï kamd kam døningt lo madngétadg na kah nel kï la mbikámt koon a ðad ad ãin na, a ãin na tit'n de a ãin an nõ nyakat't, a son kïkanj kad de tuþa god.

³⁷ A tøsïn na tïlan tit kïnõ nyakat't kïkanj kad de tuþa god na a i asïn duba ðà nõ madngétasïgt al.

³⁸ A i nujïn ku girrdegt kïdangdang na døning lo nyambøj a sasï mak.

³⁹ Ndegsï kï nãi, rod a nyem kïta ðagootal lod, kam døningt lo madngétadg rod a nyem kïta ðagootal lo bøwdg tø.

Luwah a gah dø kunkøt lon

⁴⁰ Kamla a tøn tad kïta ðagootal lod kï ðagootal lo bøwdg kï tøidøtag tube'n tøin dø romt, kï taðøø'n tamïn ðøø,

⁴¹ mbã mî tø m'taad ðøø, na m'aw sed kam døningt lo madngétadg. Na îla ngarkamd kï ngejagaj al søldøn na ndigïn takïgang dø ðagootalt lod,

⁴² m'a m'gah dø kunkøt lom kï Jakob, kï kunkø lom kï Isaak, kï kunkø lom kï Abraham, na m'a m'ga kamm dø døningt.

⁴³ A nyan døning ad ngah þal taakòg lon, lon'n gotlo na deg gotont. A ndigïn takïgang dø ðagootalt lod kïta kete kidïn tagkïgang lom, na mberkïndag lom în nya kïyerr kï rodt.

⁴⁴ Be kaa lon în kam døningt lo madngétadg ye, m'a m'lad kø al, m'a m'ood nya kïyerrt kad m'nujd kø kad mgang kunkø lom sed al, kïta mî Bïraþe Luwah lod.

⁴⁵ Kïtatød la m'a m'ga'n kamm dø kunkøt'n m'un kï kadg'n m'tee sed kam døning Ejipt't kïtïga takum girrdegt kad mî Luwah lod. Mî Bïraþe.

⁴⁶ Îgïn non la în mberkïndag kï tagkïgang kï ndikung'n Bïraþe ndad mbïnant kï Israelag dø mbalbo Sinait kïtakul Moij.