Lebitik 25 - BIBLE MBAÏ 1980

Þal taakò kï ronel.

¹ Bïraþe elta kï Moij dø mbalbo Sinait an:

² El Israelag an: Lon a andïn kam døningt'n m'ndï m'adsï ye, a i nyan døning ad ngah taakò kïta Bïraþe.

³ A i duw nya kam ndøøt loi þal kïbojidet, kam þalt kïkïbojidet a i ja døji dînduu loi, na i kaw kanda,

⁴ na þal kïkõtanãimïta a i þal taakò, i kaglo taakò kïta døning, i þal taakò kïta Bïraþe. A i duw nya kam ndøøt loi al, a i ja døji dînduu loi al tø,

⁵ Kumnya'n so na þa kïdøn kam ndøøt loi, a i ja kïta roi al, dînduu'n i ja døjia al, a i ja kanda kïta roi al tø. A i þal taakò kïta døning.

⁶ Kand nya kï tee døningt kam þal taakòt, a i nyasa losï, î kï þer loi kïdïngã kï kïdë, kï ngeðakïla loi kï mbah'n hølondï roit,

⁷ nyakul loi kï dãg kïkam døningt loi. Kand nya'n non tube a în nyasa.

Ta dø þal nya dõt

⁸ A i tïda þal taakò tanãimïta, ad i þal tanãimïta nja tanãimïta, na kaglo þal taakò kïtanãimïta tube a tee þal døsøø gidaijikïða kïtasï.

⁹ Ndø kïkïlah lo nah kïkõtanãimïta ye, a i ad kunïn towmand kïtag ngãi, ndø badøt a i la ad kunïn towmand kam døningt losï kïtaagbe.

¹⁰ A i ngomïn go þal kïkõdømi kad i kïjaþat rosït, a lan mber taa nya dõ kï ro ngéndï døningt tube. A i þal ronel, ad i kun towmand, dekïðen a tel kïkam nyakagþet lon, dekïðen a tel kï ro noojïngt gog,

¹¹ Þal kïkõdømi a i þal ronel kïtasï. A i duwïn nya mad kam ndøøt al, a i jan nya mad'n and kïdøn kamt al ke kawïn kand dînduu'n i jan døjia al.

¹² Kïtø i þal ronel, a oona tit nya kïjaþat. A i san kandnya kïkam ndøøt losï,

¹³ Kam þal ronelt'n non dekïðen kusït a tel kïkam nyakagþet lon gog.

¹⁴ Îla i ðaw nya loi mad kø ro madþeit, ke i ndugo nya mad ro madþeit, ot kad i goolïn na.

¹⁵ A i ndugo nya ji madþeit kïgo kør balg go þal ronelt, na a i ndugo jiat kïgo kør þal teet nyat kïnãi.

¹⁶ Îla þal i ngãi a ne, a la gata døt, îla þal i ngãi al a ne, gata a i ngãi al ho, kïta a i ndugo sia kïgo kør þal teet nyat kï nãi.

¹⁷ Ot kad de mad ðagootal kï madþen, na i þool Luwah loi kïta mî, Bïraþe Luwah losï.

¹⁸ A i hø ðan go mberkïndagt lom, a i ngomïn go tagkïgang lom kad i ndïn kï lapia kam døningt.

¹⁹ Døning a tee kï kandïn, a i sa ndenïn, na a i ndïnt kï lapia,

²⁰ na îla i elïn anan: Ði j'a kï sa kam þalt kïkõtanãimïta îla kï duw nyako al, kï ja nyako al tø a?

²¹ M'a m'adsï majkurr lom kam þalt kïkõkïbojidet na døning a tee kï kand kï asï þal mïta.

²² Þal kïkõjijoo a i duwïn nyako, na a san køkï nyako kïkete mbã þal kïkõjikïða, mbã i jan nyako kïkij, a i san køka þaitø.

Ta dø badø nyakagþet

²³ A i ðawïn døning kø mbãkïnõt al, kïta døning i lom, kïta în mbahg kï ngéhølondï kam døningt lom.

²⁴ Kam døningt kïtaagbe'n a i taan nyakagþet, a i nyan ðob kad badø døning.

²⁵ Îla ngonkõi so ndot ad ðaw ndugo gaj nyakagþe lon kø ngonkõa kï nderrbe a ðe badø nya'n ngonkõn ndugo kø nõ.

²⁶ Îla de'n non, de loa kï kad badø goto na î kïþe kïdøn ngah nya a ne, a ban dø.

²⁷ Ad tïda þalg'n ðawïn nya lon kø, a tel ad nar þal kïnãi nõ de'n ndugo sia na a tel kïkam nyakagþét lon gog,

²⁸ Na îla ngah nya kï asï taan døning lon gog al a ne, nya'n ðaw kø nõ a to ji ngendugoat mbã þal ronel. Kam þal ronelt nõ ngeðawa a telta nyakagþe lon gog na ngendugo sia a tee kamt kø.

²⁹ Îla de mad ðaw kuj ndïn kam þebot'n aw kï ndogbørr gugdø, a asï badø kuj'n ðan kam þalt kïkïða kan tøga asï a badøa.

³⁰ Nãi la badøa kam þalt 'nten al a ne, kuj kïkam þebot'n aw kï ndogbørr gug dø nõ, a i lo ngendugoa kïnõt kï ngakaa tu, a taan jiat kam þal ronelt al ta.

³¹ Na kujg kïkam ngan þegt'n awïn kï ndog børr al ye, a tïdand nat kï ndøøg kï døningt'n non, de a þa dø kujg'n ðan na a taan gog kam þal ronelt,

³² Na þebogt lo Lebiag kï kujg lod kï kam þebogt, Lebiag asïn kad ban dø kï kaglo kïðen.

³³ De'n ndugo kuj kï Lebia mad a tee kam kujt kø kam þal ronelt kï kam þebot'n kuj'n non i tit, kïta kujg kïkam þebogt lo Lebiag în nyakagþe lod ku Israelagt,

³⁴ na Lebiag a ndugon døning lokulnyag kï gug dø þebog lod al kïta i nyakagþe lod mbãkïnõt.

Ta dø badø degt

³⁵ Îla ndø so dø ngonkõit ad nya goto jiat a ne, a i ða sia, a ndï roit ke i mbah ke ngetoi kï njan dõ,

³⁶ Ot taa man nya mad ke nya ngah døt jiat, i þool Luwah loi, na ngonkõi a ndï nat sei.

³⁷ Ot kad tïna nar jiit kï mana døt, ot kad tïna nyasa jiit kï mana døt.

³⁸ Mî Bïraþe Luwah losï ngetee sesï kam døning Ejipt't kïtïga, m'adsï døning Kanaa kïtakad mî Luwah losï.

³⁹ Îla ndo so dø ngonkõit kï ndï nderrbe sei, na ðe ðaw ron roit a ne, ot kada ða kïla tit þer be.

⁴⁰ A ða kïla þe loi tit ngeðakïlanar ke tit ngetøi kï njan dõ be. A ða kïla sei mbã þal ronel.

⁴¹ Kamla a tee be loi kø nat kï nganïn, na a tel kï ro noojïngt, a tel kï kam nyakagþet lo bøwïng.

⁴² Kïtø în þerg lom'n m'tee sed kø døning Ejipt't. A ðawïnd kø tit þerg be al bat.

⁴³ A i ða ngetøg døat al, na a i þool Luwah loi.

⁴⁴ Ta kïdø þergt losï kïdïngã kï kïdë, a i ndugond ro girrdegt'n ndïn gugïn døsï.

⁴⁵ A i ndugon ngan mbahg'n høn londï þe losï kï ngandg'n oojïnd kam døningt losï, a în nyakagþe losï.

⁴⁶ A i nyand kad în nyanduba lo ngansïg kïgosït tit nyakagþe be. A i ngomïnd tit þerg mbãkïnõt. Na ta lo ngan kõsï Israelag, ot kad de mad ða ngetøg dø ngonkõnt.

⁴⁷ Îla mbah mad, ke de mad kï ngetøi kï njan dõ tel ngemaj, na ngonkõi ndï kadat nderrbe so ndot, na ðaw ron kø kï mbah'n non'n ndï roit, ke de mad kï þe lo mbah'n non,

⁴⁸ i goðobat kad ban dø Israela'n non'n ðaw ron kø. Ngonkõa mad a badøa,

⁴⁹ ke ngonkõ bøwa ke kõa ke ngonkoojd, ke nooja kïjeje asï badøa, ke î kïþe kïdøn ngah nya a ne, a badø ron.

⁵⁰ A tïda køra nat kï ngendugoa, a mba girra dø þalt'n ðawïn ron ro det nõ mbã þal ronel, na gat ndugoa a i kïgo kør þalgt kï nãi. A tïda køra kïgo narbaji ngeðakïlat.

⁵¹ Îla þal nãi ngãi þaitø a ne, a tel ada nar gog kïgo kør nar badøt'n ndugoan,

⁵² îla þalg nãi ngãi al mbã þal ronel a ne, a tïda na a ba kïgo kør nar badøt.

⁵³ A ndï þe lo ngeen tit ngeðakïla nar kï þal kï þal, na î tø a ðaa kïlo ngetøgt takumit al.

⁵⁴ Îla ngah lo badøn kïgo ðobg 'nten al a ne, a tee kø þal ronel nat kï nganïn.

Bïraþe i Luwah

⁵⁵ Kïtø kï romt la Israelag în þerg ye, în þerg lom'n m'tee sed kam døning Ejipt't kïtïga. Mî Bïraþe Luwah losï.