Lebitik 24 - BIBLE MBAÏ 1980

Yib kï bïnã kïndanõt

¹ Bïraþe el Moij an:

² I ndamber Israelag kad ðen kï yib kand kag bir kïkïrre kïjanjoi kïta lambag kïtakad horr unj kïndøgndøg.

³ Aarõ a ðago lambag'n non nõ ku buganglo lo najkïma kam kujkub ndødnat kïtakad unjïn lokïsøle mbã kïsî kïndøgndøg. I mberkïnda kï tokïnõ kïta ngakasï.

⁴ Aarõ a ðago horr lambag kïdø kag lamba nar ør kïjanjoi kïtakad unjïn kïndøgndøg nõ Bïraþet.

Bïnã kï la kadkarit kad Luwaht

⁵ A i un nduj kïtaletlet kïta ða woina asï kïlah gidaijoo. Woina kïðen a i epa nduj gaj jo ku kïkïlaht.

⁶ A i ndad njør joo, njøra kïðen i oina kïbojidet, do table nar ør kïjanjoi nõ Bïraþet.

⁷ Njøra kïðen a i nda nõn, kag kïjanjoi kïkootmbî tit kïtakad i nat kï bïnã kad i nyagakamdøt, i kadkari'n horr õn, a nõ Bïraþet.

⁸ Ndø taakò kïðen Aarõ a nda bïnã nõ Bïraþet kïndøgndøg, i kunkø kï tokïnõt kad Israelag a ngomïn go.

⁹ Binã'n non a în lo Aarõ kï ngana, a san kam lot mad kïja þat kïta i nya kïja þat kïtaitøi kïtad ku kadkarigt'n horr õd nõ Bïraþet. I mberkïnda kï tokïnõ.

Ngekeltakïmal dø to Luwaht a tølïna kø

¹⁰ Dekïdïngã mad'n kõ i Israela, na bøwa i Ejiptia tee nat kï Israelag, gak'na kï Israela mad kam londït.

¹¹ Ngonkooj dekïdë Israela'n non eltakïmal dø tø Bïraþet ndølan. Ørrïna awïn sia ro Moijt. De'n non, tø kõa i Selomit, ngon Dibri kïdë, ko girr Dant.

¹² Lana dangãit mbã kad oon nya'n Bïraþe a eld kad ðan.

¹³ Bïraþe el Moij an:

¹⁴ I tee kï ngekeltakïmal kïtïga gid londït ad deg tube'n oon dø ndan jid døat na ngékawnatube a tïlana kï mbal tølïna.

¹⁵ El Israelag an: Dekïðen'n ndøl Luwah lon a ne, a to majal lon dønt.

¹⁶ De'n eltakïmal dø tø Bïraþet a ne, a tølïna kø. Ngekawna tube a tïlana kï mbal, ke i mbah ke i ngon ngeþe lon eltakïmal dø tø Bïraþet a ne, a tølïna kø,

¹⁷ De'n tøl de a ne, a tølïna kø,

¹⁸ De'n tøl nyakul a ne, a ad nya ørrïn goota, kumkajir goot kumkajirt,

¹⁹ De'n ad dø madþen a ne, a ðan sia tit'n ðan kï madþen ye be,

²⁰ teet kïnga de goot kïnga det kï teet, kum de goot kum det kï tøø, ngang de goot ngang det kïteet, de'n ða majal kï madþen a ne, a ða sia majal ho,

²¹ De'n tøl nyakul a ne, a ad nyakul kïðang ørrïn goota, na de'n tøl de a ne, a tølïna ho,

²² Mberkïnda losï a i kïðabe kïta mbah, ke ngon ngeþe kïta mî Bïraþe Luwah losï.

²³ Moij elta kï Israelag ad teen kï de kï ngekeltakïmal gid londït, na tïlana kï mbal. Titbe la Israelag ðan ne kïgo tat'n Bïraþe nda mbera Moij.