Lebitik 21 - BIBLE MBAÏ 1980

Mberkïndag kïta ngejanyamosï

¹ Bïraþe el Moij an: El ngan Aarõ ngéjanyamosï an: Ot kad ngejanyamosï yerr kï ron kïtakul nin deg lon

² na noojag kï nderrbe tã. Ad i kõa, ke bøwa, ke ngona kïdïngã, ke kïdë, ke ngonkõa,

³ ke kõnana kï taa ngaw al, în ndï roat kïta taa ngaw al.

⁴ A yerr kï ron kïta de kïðang al kïta i ngekørrnõ deg lon. A yerr kï ron al.

⁵ Ngéjanyamosï a ngïsen død al, a jan ta mbaitad tomtom al, a jan ndïja rodt al tø.

⁶ A în kïjaþat kïta Luwah lod, a yerrïn kï tø Luwah lod al, kïta îla în ngela kadkarig kï lahorrt kad Bïraþe, nyasa lo Luwah lod. A în kïjaþat.

⁷ A taan kaya dekïdë nëdt al, ke dekïdë kïyerrïn sia, ke dekïdë kï ngawa tuþaa kø, kïta ngejanyamosï i kïjaþat kïta Luwah loa.

⁸ A i oo ngejanyamosï tit de kïjaþat kïta îla ad nyasa Luwah loi, a i kïjaþat kïtatøi kïta mî kï kunjðang, mî Bïraþe ngendasï tadang.

⁹ Îla ngon ngejanyamosï kïdë nuj ron kï kaya kï ða a ne, bøwa tø nuj, na a lan ngon kïdë horro.

Mberkïnda kïta bïra ngejanyamosï kadkari

¹⁰ Bïra ngejanyamosï ku ngankõngt'n wurïna kï yib kurdøt, in ndahna køtkokïða kad la kub kïjaþat a ul bisïdøn al, a til kub lon al tø.

¹¹ A aw dø nint mad al, ke nin bøwa ke kõa, na þeta tel kïyerr.

¹² Kaglo kïla loa a tee kam lot kïjaþat kïtïga al, a yerr kï lo kïjaþat lo Luwah lon al kïta yib kurdøt lo Luwah loa i jøg køsïgon døat. Mî Bïraþe.

¹³ A taa dekïdë kïmand kï ger dekïdïngã kete al.

¹⁴ A taa dekïdë kï ngengawkoi al, ke kï tuþa kø, ke kï tuj, ke kaya dekïdë, na a taa dekïdë kïmand kï ger ngaw kete al ku degt lon,

¹⁵ kïtakad nuj kohn ku degt lon al kïta mî Bïraþe la m'ndaa køtkokïða ye.

Nyag kï a øg de ða kïla janyamosï

¹⁶ Bïraþe el Moij an:

¹⁷ El Aarõ an: Dekïðen ku ngakait'n nya mad ðaa a aw la kadkari nyasa ad Luwah lon al, ngakat kï ngaka.

¹⁸ Dekïðen nya mad ðaa, a ndøt nderrbe al, ad i mundo ke de kï moot, ke kï takuma tuj, ke ngon roa mad majal.

¹⁹ Ke de'n njaa ke jia teet.

²⁰ Ke de'n gida gokï, ke de kïgoj, ke kørkuma þa, ke ngøkï saa ke ngorwoi, ke kørrndoma tø.

²¹ Dekïðen kï girrkooj Aarõ ngejanyamosï'n nya mad ðaa a ndøt nderrbe kïta la kadkari kïlahorrt kad Bïraþe al kïta nya'n ðaa. A ndøt nderrbe kïta la nyasa lo Luwah lon al.

²² A asï sanya lo Luwah, ad i nyag kïjaþat kïtaitøi kï nyag kïjaþat,

²³ na a aw nderrbe kad kubganglot al, a aw kad dïngïrt al tø kïta nya mad ðaa. A yerr kï log lom kïjaþat al kïta mî Bïraþe la mî ngendad tadang.

²⁴ Titbe la Moij elïn Aarõ kï ngana kï Israelag tube ye.