Lebitik 20 - BIBLE MBAÏ 1980

Tagkïgang kïdangdang

¹ Bïraþe el Moij an:

² El Israelag an: Dekïðen ku Israelagt ke ku mbahg'tn høn londï kï Israelagt'n na la ngonïn ad yo Molok a ne, a tølïna kø. Deg kï døningt'n non a tïlana kï mbal tølïna.

³ M'a m'turtakumm m'ndoorïn de'n non, na m'a m'ørra kø ku degt lom kïta adïn ngonïn yo Molok, yerr kï lo lom kïjaþat, na kid tøm kï kunjðang.

⁴ Îla deg kï døningt'n non utïn kumd dø kïlaða det'n non, in la ngonïn ad yo Molok na tølïna al a ne,

⁵ mî m'a m'turtakumm m'ndoorïn de'n non kï ngékïþe loa, m'a m'ørrd kø ku degt lod, de'n non kï deg tube'n ndulon goa, na ðan kaya kï yo Molok.

⁶ Îla de mad tel ron go ngéndõteegt ke mboolig kad ða sed kaya a ne, m'a m'turtakumm m'ndoorïn de'n non m'a m'ørra kø ku degt loa.

⁷ Kïtø 'nten i jan rosï þat kad în kï kunjðang kïtam. Mî Bïraþe Luwah losï.

Mberkïnda kï øj dø sah ngaw, kï ða dekïdë, kï yerr kï ro

⁸ A i ngomïn go mberkïndag lom, a i hø ðan got. Mî Bïraþe Luwah m'køtsï, m'ndasï køtkokïða.

⁹ Dekïðen'n ndøl bøwïn ke kõn a ne, kari na kad tølïna kø kïta ndøl bøwïn kï kõn. Ta mosa i døat.

¹⁰ De'n ða në madþen a ne, dekïdïngã kï dekïdë'n ðan majal kïna ye, a tølïnd kø.

¹¹ De'n þi kï në bøwïn a ne, ørr kub girr bøwïnt. Dekïdïngã kï dekïdë'n non a tølïnd kø.

Ta mosïd i dødt.

¹² Îla de mad þi kï ne ngonïn a ne, în tujoo a tølïnd kø. Ðan nya kï rosøl, ta mosïd i dødt,

¹³ Îla dekïdïngã þi kï dekïdïngã tit'n a bi'n kï dekïdë a ne, în tujoo ðan nya kïyerr. A tølïnd kø, ta mosïd i dødt.

¹⁴ Îla dekïdïngã mad taa dekïdë, na taa kõa tø a ne, i majal kïngãi. A land horr, î ho, în ho, kïtakad nyaða kï titbe goto kusït.

¹⁵ Îla de mad bi kï dã a ne, a tølïna kø, a tølïn dã'n non ho.

¹⁶ Îla dekïdë mad aw ro dãt kad to sia a ne, a i tøl dekïdë'n non nat kï dã tu: A tølïnd kø, ta mosïd i dødt.

¹⁷ Îla dekïdïngã mad taa kõnanïn, ad i ngon bøwa kïdë, ke ngonkõa kïdë, ad dekïdïngã oo ro dekïdë kï kari, na dekïdë oo roa kï kari a ne, i nya kï rosøl. A tølïnd kø takum ngan degt lod. Ørr nya girr kõnanïnt. A î kï ta dønt.

¹⁸ Îla dekïdïngã þi kï dekïdë lon mosï ndï ãi roat, na ørr nya girrat a ne, dekïdïngã ørr nya girr mosat, dekïdë tø ørr nya girr mosïnt, în tujoo a tølïnd kø ku degt lod.

¹⁹ A i ørr nya girr kõit kïdu al, ke bëri. Lon i ða titbe a ne, i tit ørr nyaroit be. A ton ðagootal lod.

²⁰ Îla de mad þi kï në ngonkõ bøwïn ke kõn a ne, ørr nya girr ngonkõ bøwïnt ke kõn, A ton ðagootal lod, a oin kïkanj kooj ngon.

²¹ Îla de mad taa në ngonkõn a ne, i nya kïyerr. Ørr nya girr ngonkõnt, a oojïn ngon al,

²² A i ngomïn go mberkïndag lom kï tagkïgang lom tube, na i hø ðan got kïtakad døning'n m'ndï m'aw sesï kamt kad i ndïnt tõmsï kø al.

²³ Ot ndulon go nyabelþeg lo girrdeg'n m'tuþad kø nõsït kïta nyag 'nten tube deg'n non ðan ad în ne nya kïyerr takummt ye.

²⁴ M'elsï m'an: Îla a taan døning lod nyakagþet losï, i døning in mbà kï tej nünt, Mî Bïraþe Luwah losï kï ngekøtsï ndasï tadang kï girrdeg'n ðan.

²⁵ Kïtø 'nten i ørrïn ðobnin dã kïkar kï dã kï karal kï yel kïkar kï yel kï kar al nat, na þeta i telïn kïyerr kïta dãg kï yelg kï nyag kïkørkødber îgïn m'elsï m'tø wakïsï kad ørrïn nind, na oond tit nyag kïyerr.

²⁶ A în kïjaþat kïtatøm kïta mî kï kunjðang. Mî Bïraþe na m'ørrsï m'ndasï tadang kï girrdeg kïtakad în lom.

²⁷ Dekïdïngã ke dekïdë kïðen kusït'n kø kïdø ngendønteegt ke mboolig a ne, a tølïna kø. A tïland kï mbal tølïnd. Ta mosïd i dødt.