Lebitik 2 - BIBLE MBAÏ 1980

Kadkari nduj

¹ Lon de mad ðe kï kadkari kand nya kï døningt kï'n ad Bïraþe a ne, kadkari loa a i nduj kïtoletlet, a ü yib døt, a ü nõkag kï kootmbî døt,

² a awïn ro ngan Aarõt ngejanyamosï. Ngejanyamosï a øi nduj kïtaletlet'n yib i døt nõ ðoosï jin nat kï nõkag kï kootmbî tube, na a ü horro tit gaj nyagakamdøt dø dingïrt. I kadkari kïlahorrt, i sé kïkootmbî kï nel Bïraþe.

³ Ndeg kadkari nduj kïnãi a i lo Aarõ kï nganag, a i nya kïjaþat kïmaj tøi ku kadkarigt kïlahorr nõ Bïraþet.

⁴ Îla i ad kadkari nduj kï tinga kam purt a ne, a i woina kï ða kï nduj kïtaletlet kï løi kï yib kïkanj berrkasï, ke bïnã kïkanj berrkasï kï ða yib døt.

⁵ Îla kadkari loi i kadkari nduj kï tinga dø horrt a ne, a i nduj kïtaletlet kï løi kï yib kïkanj berrkasï.

⁶ A i teeta nusïnusï na ü yib døt, i kadkari nduj.

⁷ Îla kadkari loi i kadkari nduj kï la kam gajot a ne, a i kï ða kï nduj kïtaletlet kï løi kï yib.

⁸ A i ðe kï kadkari nduj kï ða kï nyag 'nten ad Bïraþe, a ad ngejanyamosï, î tø a ndah dø dingïrt.

⁹ Ngejanyamosï a øi gaj nyagakamdøt kam kadkari ndujt, a ü horro dø dïngïrt. I kadkari kï lahorrt, i sé kïkootmbî kï nel Bïraþe.

¹⁰ Ndeg kadkari nduj kïnãi a i lo Aarõ kï ngana, a i nya kïjaþat kïmajtøi ku kadkarigt kïlahorr nõ Bïraþet.

¹¹ Kadkari nduj kïðen'n a adïn Bïraþe a i kï ða kï berrkasï al, kïta a i lan horr nya mad kï ða kï berrkasï ke tej ku kadkarigt kïlahorr nõ Bïraþet al.

Kadkari nyako kïdasa

¹² A asïn lad tit kadkari kand kïdasa na a i land kadkari sé kïkootmbî dø dingïrt al.

¹³ Kadkari nduj kïðen a i la kat tit. Ot kad kat nal kadkari ndujg loi, kat i nyakøj kunkø lo Luwah loi, kadkarig loi tube a i la kat tit.

¹⁴ Îla i ad Bïraþe kadkari nduj kam kand nyakot kïdasa a ne, a ad kadkari nduj kam kand nyakot loi kïdasa, a i dø nyako kïkij kï tinga dø horrt kï kïkøsï mbukïmbukï.

¹⁵ A i mbel yib døt, a ü nõkag kï kootmbî døt, i kadkari nduj.

¹⁶ Ngejanyamosï a la horr gaj nyagakamdøt kam nyakot kïkøsï mbukïbukï kï yib nat kï nõkag kï kootmbî tube. I kadkari kïlahorr nõ Bïraþet.