Lebitik 19 - BIBLE MBAÏ 1980

Mberkïndag kïdangdang

¹ Bïraþe el Moij an:

² El ngékawna lo Israel tube an: I jan rosï þat dø mjalt kïta mî Bïraþe Luwah losï mî kï kunjðang,

³ Kï dekïðen kusït þool ndil kõn kï bøwïn, na kï ngomgo ndø taakò lom. Mî Bïraþe Luwah losï.

⁴ Ot telïn rosï go yogt, ot pelïn þakumta luwah kïta rosï. Mî Bïraþe Luwah losï.

⁵ Îla i lan kadkari kï kad kamsøllom adïn Bïraþe a ne, a i lan kïgo kï kad Bïraþe ngah'n ronel kamt tã.

⁶ A san dãa ndø la kadkari'n non kï loti to, ndega kï nãi mbã ndø kïkõmïta a ne, a lan horro,

⁷ Îla de mad sa ndøt kïkõmïta a ne, i nya kïyerr Bïraþe a taa kadkari loa al,

⁸ Dekïðen'n sa a ne, a i kï ta kïbo dønt, kïta yerr kï nya kïjaþat lo Bïraþe. A Tølïna kø ku degt loa.

⁹ Lon a i tetïn nyako kam døningt losï a ne, ot tetïn mbã teen ne døngoi ndøøt. A i þur gotnya kïnãi kam ndøøt al.

¹⁰ Ot ja kand nduu ndøøt loi tube, a i øi kanda kï tuso ber al. A i nya ad ngéndog kï mbahg.

¹¹ A i þoogïn al. Ot kelïn na takïbal. Ot goolïn na kusït.

¹² Ot ndan yo kïngom kam tømt. Lon i ða titbe i yerr kï to Luwah loi. Mî la mî Bïraþe.

¹³ Ot da kum madþei ndo, ot taa nya loa kïlo ngetøgt, ot ngom nyabaji ngeðakïla mbã loti døt.

¹⁴ Ot ndøl ngembitøø, ot la nya mad nõ mundot kada so, na a i þool Luwah loi. Mî la mî Bïraþe.

¹⁵ Ot ðan nya kïgoðobatal. Ot ða kï ngendo ke de kïbo kam takïgangt, na a i gangta lo madþei goðobat.

¹⁶ Ot kel mina ku degt loi. Ot manaj kï ndoor madþei kad ün mosa kø. Mî la mî Bïraþe ye.

¹⁷ Ot køsï ta ngonkõi kam ngarkamit. A i ndang madþei, na þeta majal loa nãi døit.

¹⁸ Ot nda ngïra døit, ot hø ta kïmajal kamit dø ngan degt loi. I tar madþei tit roi be. Mî Bïraþe.

¹⁹ A i ngomïn go mberkïndag lom. Ot kad dãg joo kïdangdang i dangdang talïn na. Ot bur kumnya kïdangdang nat, dub kam ndøøt loi. Ot la kub kï jon kï kïlla kub lë kï kïlla kub bî bat roit.

²⁰ Îla de mad þi kï dekïdë kïþer'n de mad hø døa, na ad nya mad al þaitø, i de ta nyan al tø, a nderïn girr ta lod na a tølïnd al kïta dekïdë'n non i ber.

²¹ Dekïdïngã a ðe kï kadkari tøidøta lon ro Bïraþet tabit kujkub ndødnat, ad i bal bat kadkari tøidøta.

²² Ngejanyamosï a la þal bat'n non utïn dø majal loa nõ Bïraþet ad i kadkari tøidøta loa kïta majal'n ðà nõ na a nyan go majal loa kø.

²³ Lon i andïn kam døningt'n non na i høn kag kïðen kï tee kï kand kïta sa a ne, a i oona tit nya kïmaj kï asï sa al be. Mbã þal mïta a i õa tit nya kïmaj kï asï sa al, a san al bat.

²⁴ Kam þalt kïkõsøø ye, kand kagg'n non tube a în kïndah køtkokïða, i kadkari køsïgon kïta Bïraþe.

²⁵ Na þal kïkõmi a ne, a i san kand'd. A i ðan titbe kïtakad teen kï kand'd kïdøtdøt kïtasï: Mî la mî Bïraþe Luwah losï ye.

²⁶ A i san dã kï mosa al, a i ndõ tee al, a i ndõn ndil al tø.

²⁷ A i jan bisïdøsï kïdøgojo al, a i ja mbaitai tomtom al tø.

²⁸ A i jan dãrosï kïta ngekoi al, a i jan ndïja rosït al. Mî Bïraþe.

²⁹ Ot tel ngoni kïden kïyerrt kïta kayakïða na þeta ne døning ðoosï kï kayakïða kï nyaða kïyerr.

³⁰ A i ngomïn go ndøtakøg lom, i þoolïn lo kïjaþat lom. Mî Bïraþe.

³¹ Ot telïn rosï go ngeko kïdø ndil ngékoigt ke ngendõteeg. Ot kawïn rodt, na þeta i telïn kïyerr nat sed. Mî, la mî Bïraþe Luwah losï ye.

³² A i þai dõ nõ degt în bisïdød ndà, a i øsïn gon ngahtøg, a i þool Luwah loi. Mî Bïraþe.

³³ Îla mbah mad ðe hølondï døningt losï a ne, ot dan kuma ndo.

³⁴ Mbah'n hølondï kusït ye, a i oona tit ngon ngeþé be, a i tara tit roi be kïta maði în mbahg kam døning Ejipt't. Mî la mî Bïraþe Luwah losï ye.

³⁵ Ot ðan majal kam takïgangt ke kam mbøj ngal nyat, ke køj køi nya, ke da kør nya.

³⁶ A în kï nyakøjnya kïdenesew kï mbalg loa kïdenesew kï epa kïdenesew kï litðe kïdenesew. Mî la mî Bïraþe Luwah losï'n tee sesï kï tïga kam døning Ejipt't ye.

³⁷ A i ngomïn go mberkïndag lom tube kï tagkïgang lom tube kad i hø ðan got. Mî la mî Bïraþe ye.