Lebitik 18 - BIBLE MBAÏ 1980

Mberkïnda kïdangdang dø kayat

¹ Bïraþe el Moij an:

² El Israelag an: Mî Bïraþe Luwah losï.

³ A i ðan tit'n deg kï døning Ejipt't, lot'n i ndïnt kete nõ, ðan ne al. A i ðan tit'n deg kï døning Kanaat? Lot'n m'ndï m'aw sesï tit, ðan ne al tø. A i ndulon go nyabelþeg lod al.

⁴ A i høn ðago mberkïndagt lom, a i ngomïn go tag lom, a i telïn rosï got, Mî Bïraþe Luwah losï.

⁵ A i ngomïn go tagkïgang kï mberkïndag lom. De'n hø ðago nyat 'nten a ne, a ndï kï døn dõ kïtakuld. Mî Bïraþe.

⁶ Ot kad de mad kusït aw ro noojïnt mad kad ørr nya girrat. Mî Bïraþe.

⁷ A ørr nya girr bøwit al, ke nya kï girr kõit kïta i kõi, a ørr nya girrat al.

⁸ A ørr nya girr në bøwit al. I ro bøwi kï to kari.

⁹ A ørr nya girr kõnanit al, ke i ngonkooj bøwi, ke ngonkooj kõi, ke ooja þe ke ooja dø þet.

¹⁰ A ørr nya girr ngonkait kïdë al, ke i ngonkooj ngoni kï dïngã, ke kïdë kïta i roi kï to kari.

¹¹ A ørr nya girr ngon kïdët'n në bøwi ooja al kïta bøwi ooja, i kõnani.

¹² A ørr nya girr bërit al kï to i kõi.

¹³ A ørr nya girr kõit kïdu al kïta i ngonkõ kõi.

¹⁴ A ørr nya girr ngon bøwit kïdïngã al, ad a i aw ro nëat al kïta i në ngonkõi.

¹⁵ A ørr nya girr mumit kïdët al kïta i në ngoni. A ørr nya girrat al.

¹⁶ A ørr nya girr në ngonkõit al kïta i ro ngonkõi kï to kari.

¹⁷ A ørr nya girr dekïdët kamla ørr nya girr ngonat kïde al. A i taa ngonkooj ngona kïdïngã al ke ngonkooj ngona kïdë kad i ørr nya girrat. În noojg kï nderrbe, I kaya kï ða.

¹⁸ A i taa ngonkõ nëi al, na þeta i nda ni kudt îla i ørr nya girrat lon nëi ndïn kï døa dõ þaitø.

¹⁹ Ot kaw ro dekïdët kad i ørr nya girrat lon mosï ndï ãin roat

²⁰ Ot þi kï në madþei kad i yerr roi sia.

²¹ Ot la ngoni kadkari kïlahorrt ad yo Molok, ot yerr kï tø Luwah loi. Mî la mî Bïraþe loi ye.

²² Ot þi kï dekïdïngã tit'n a þin ne kï dekïdë ye be. I nyaða kïyerr,

²³ Ot þi kï dã kad i yerr roi sia, kïta dekïðen a aw ro dãt kad ða sia majal ye, i nyaða kï rosøl kïbobe.

²⁴ Ot kad i yerrïn kï rosï kïta nyag kï titbe. Kïtø nyag'n non la girrdeg'n non telïn ne kïyerr ad m'tuþadïn kø nõsït ye,

²⁵ døning tel kïyerr ad m'ndï m'gangta dø ðagootalt loa na døning ndï tõm ngendït kø.

²⁶ Na a i ngomïn go tagkïgang lom kï mberkïndag lom, a i ðan nya mad kïyerr al, ke ngon ngeþe ke mbah'n hølondï kusït.

²⁷ Kïtø deg kï ngendï døningt'n ðan kete nõsït ðan nyag kïyerr'n non tube, adïn døning tel kïyerr.

²⁸ Oon go rosï maj kad i kïbobe kï døning'n ðan al, na þeta tõmsï kø tit'n tõmïn girrdeg'n ndïnt kete nõsït ye be.

²⁹ Dekïðen'n ða kïkïða ku nyagt'n non, îgïn ðan nyag kï titbe a tølïnd kø tube ku degt lod.

³⁰ Kïtø 'nten i ngomïn go mberkïndag lom kad i ðan nya mad kïða ku nyagt kïyerr'n non al îgïn ngendït kete nõsït ðan. A i kïbobe rosï sed al bat. Mî la mî Bïraþe Luwah losï ye.