Lebitik 17 - BIBLE MBAÏ 1980

Mberkïnda kï øj dø tøl dãg

¹ Bïraþe el Moij an:

² El Aarõ kï ngana kï Israelag tube an: Oon, nya'n Bïraþe nda mbera laten:

³ Îla de mad ku ngékïþet lo Israel jakø mang, ke bat, ke binya kam gongt ke gid gongt

⁴ na ðen ta kujkub ndødnat kad laa kadkari ad Bïraþe nõ londït lo Bïraþe al a ne, ta mosï a i dø det'n non kïta ü mosï kø. A tølïna kø ku degt loa.

⁵ A ðan titbe kïtakad Israelag jan kø kadkarig kam mut al, na kï ðen ne ro ngejanyamosït tabit kujkub ndødnat kad jan kød kadkarit kï kad kamsøllom nõ Bïraþet.

⁶ Ngejanyamosï a tud mosï dø dïngïrt lo Bïraþe kï tabit kujkub ndødnat, a la mboola horro kad i sé kïkootmbî kï nel Bïraþe.

⁷ Titbe a lan kadkarig lod adïn ndilg kïyerr'n ndï ðan sed kaya gog al ta. 'Nten la a i mberkïnda kï tokïnõt kïtad kï ngakat kï ngaka.

⁸ A eld tø an: Îla de mad ku ngékïþet lo Israel, ke ku mbahg'tn høn londï kudt la kadkari kïlahorrt ke kadkari mad kïðang,

⁹ na ðen tabit kujkub ndødnat kad laa kadkari ad Bïraþe al a ne, a tølïna kø ku degt loa.

Mberkïnda kï øg dø sa mosï dã

¹⁰ Îla de mad kï þe lo Israel ke mbah mad kï hølondï kudt sa mosï dã a ne, m'a m'øsï ta de'n non, na m'a m'ørra kø ku degt loa.

¹¹ Kumkajir lo dãro i kam mosït, na m'adsï mosï 'nten dø dïngïrt kad i nyakutdø kïta rosï kïta kumkajir kï kamt.

¹² Kïtø 'nten la m'elïn Israelag m'an: Kï de mad kusït sa mosï al, ke mbah mad'n hølondï kusït kaa ne, a sa al ho.

¹³ Îla de mad ku Israelagt ke ku mbahg'tn høn londï kudt aw ndõ hø dã, ke yel'n deg a san, a ü mosa kø ningt øi bu kïdøt,

¹⁴ kïta nyandah kïðen kumkajir loa i mosa. Kïtø 'nten m'el Israelag m'an: A i san mosï dã mad al, kïta kumkajir lo nyandah kïðen i mosa, dekïðen'n saa a ne, a tølïna kø.

¹⁵ Dekïðen'n sa dã kïkoi, ke dã kï dã mad høa, ke i ngon ngeþe ke mbah'n hølondï kusït, a tugo kub lon, a ndog man, a i kïyerr mbã lokïsøle kamla a i kïkar ye.

¹⁶ Îla tugo kub lon al, ndog man al tø a ne, a to ðagootal lon dønt.