Lebitik 15 - BIBLE MBAÏ 1980

Nya kï ad dekïdïngã tel kïyerr

¹ Bïraþe el Moij kï Aarõ an:

² El Israelag an: Lon dekïdïngã mad aw kï mõi'n ad þi tee roat a ne, þi'n non i nya kïyerr.

³ 'Nten i mberkïndah dø yerrt loa kïta þi'n tee roat, ke þi ndï tee roat þaitø, ke þi nya ta tee kaa ne, i kïyerr.

⁴ Tïra kïðen'n ngemõi'n non to døt, ke nya kïðen'n ndïdøt a ne, a i kïyerr.

⁵ De'n ød tïra loa a ne, a tugo kub lon a ndog man, na a i kïyerr mbã lokïsøle.

⁶ Dekïðen'n ndï dø nyat mad kï ngemõi'n non ndït a ne, a tugo kub lon, a ndog man, a i kïyerr mbã lokïsøle

⁷ De'n ød dãro de kïyerr'n non a tugo kub lon, a ndog man, a i kïyerr mbã lokïsøle.

⁸ Îla ngemõi'n non tiw hortan dø det kïkar a ne, de kïkar'n non to a tel kïyerr, a tugo kub lon, a ndog man, a i kïyerr mbã lokïsøle.

⁹ Sirg kïðen'n ngemõi'n non ndïdøt a ne, a i kïyerr.

¹⁰ Dekïðen'n ød nya mad'n i girr ngemõit'n non a ne, a i kïyerr mbã lokïsøle. De'n un nya kï titbe tø a tugo kub lon, a ndog man, a i kïyerr mbã lokïsøle.

¹¹ Dekïðen'n ngemõi'n non øda, na tugo jin kete al a tugo kub lon, a ndog man, a i kïyerr mbã lokïsøle.

¹² Joning kïðen'n ngemõi'n non ød a ne, a tøn kø, kag kïðen kï tøsï nyaðakïlat a tugon kï man.

¹³ Lon ngemõi'n non yoot ad þi nya ta tee roat a ne, a tïda ndøn asï tanãimïta kïta kar ron, a tugo kub lon, a ndog ron kam mant kï þa, na a i kïkar.

¹⁴ Ndø kïkõjijoo a ne, a øi derngøt joo ke ngan derkul joo a awïn nõ Bïraþet tabit kujkub ndødnat ad ngejanyamosï.

¹⁵ Ngejanyamosï a la kïkïða kadkari kutdø majal na kïmad kadkari kïlahorrt. Ngejanyamosï a ða titbe kad utïn dø majal loa nõ Bïraþet kïta þi kï tee roat.

¹⁶ Îla man ro dekïndïngã tee a ne, a ndog ron kïtaagbe kam mant, na a i kïyerr mbã lokïsøle.

¹⁷ A tugo kub kïðen kï ndar kïðen'n man ro de'n non ãi kï tit, na a i kïyerr mbã lokïsøle.

¹⁸ Îla dekïdë to kï dekïdïngã kï titbe a ne, în tujoo a ndogïn man, a în kïyerr mbã lokïsøle.

Nya kï ad dekïdë tel kïyerr

¹⁹ Dekïdë'n mosï ðaa ad ãi roat a ne, a i kïyerr mbã ndø tanãimïta. Dekïðen'n øda a ne, a i kïyerr mbã lokïsøle.

²⁰ Nya kïðen'n to døt kaglot'n mosï ndï ãi roat a ne, a i kïyerr, nya kïðen'n ndïdøt a i kïyerr tø.

²¹ Dekïðen'n ød tïra tøa a ne, a tugo kub lon, a i kïyerr mbã lokïsøle.

²² Dekïðen'n ød nya kï ði'n ndïdøt a tugo kub lon, a ndog man, a i kïyerr mbã lokïsøle,

²³ ke tïra tøa, ke nya'n ndïdøt, lon ød nya'n non a ne, a i kïyerr mbã lokïsøle.

²⁴ Îla dekïdïngã to sia na mosï dekïdë'n non øda a ne, a i kïyerr ndø tanãimïta na tïra'n tot, a i kïyerr ho.

²⁵ Îla mosï ða dekïdë mad ndø ngãi, na i kaglo'n mosï a ãin roat al, ke tøi kaglo loa a ne, a i kïyerr. Kaglo tube'n mosï ðaan a ne, a i kïyerr tit kaglo kïyerr loa tube mosï ðaan.

²⁶ Tïra kïðen'n to døt ndøg tube'n mosï ðaan a i tit tïra toa kï kaglot'n mosï ãin roat be, na nya kïðen'n ndïdøt a i kïyerr tit kaglo'n mosï ãi roat ye be tø.

²⁷ Dekïðen'n ød nyag 'nten a i kïyerr, a tugo kub lon, a ndog man na a i kïyerr mbã lokïsøle.

²⁸ Lon yoot dø mõit woi ye, a tïda ndøn asï tanãimïta, gog got a i kïkar.

²⁹ Ndø kïkõjijoo a hø derngøt joo, ke ngan derkul joo, a ðen ro ngejanyamosït tabit kujkub ndødnat.

³⁰ Ngejanyamosï a la kïkïða kadkari kutdø majal na kïmad kadkari kïlahorrt. Ngejanyamosï a ða titbe kïta kutïn dø majal loa nõ Bïraþet kïta mosï ðaa ye, tela kïyerr.

³¹ Titbe a arïn ne Israelag dø nyagt kïyerr lod, na þeta oin kam yerrt lod lon kïbobe kï kujkub londï lom în i dandt.

³² 'Nten la i mberkïnda kïta de'n þi tee roat ke man roa tee ad tela kïyerrt,

³³ kïta dekïdë'n mosï ðaa. Ad i kïta dekïdïngã ke dekïdë'n nya mad tee roat, kïta dekïdïngã'n to kï dekïdë'n i kïyerr.