Lebitik 12 - BIBLE MBAÏ 1980

Ðob kar ro lo ngekoojngon

¹ Bïraþe el Moij an:

² El Israelag an: Lon dekïdë ndan ngon na ooj kïdïngã a ne, dekïdë'n non a i kïyerr mbã ndø tanãimïta. A i kïyerr tit'n în kïyerr ndøt'n mosï ðaan ye be.

³ Ndø kïkõjijoo a ne, a jan gaj ngon'n non.

⁴ Dekïdë'n non a ar ron dø mosïnt asï ndø dømïta gidaimïta, a ød nya mad kïkar al, a and kam lot kïjaþat al tø mbã ndø kar roa tïga kamtã.

⁵ Îla ooj ngon kïdë a ne, a i kïyerr asï ndø kïlah gidaisøø tit'n în kïyerr ndøt'n mosï ðaan, na a ar ron dø mosïnt asï ndø døkïbojidet gidaikïbojidet.

⁶ Lon ndø kar roa tïga woi kïta ngon kïdïngã ke kïdë a ne, a ðe kï ngon bat kï bal kïða kïta kadkari kïlahorrt kï ngon derkul ke derngøt kïta kadkari kutdø majal.

⁷ Ngejanyamosï a jakød nõ Bïraþet kad utïn dø majal loa na a tel kïkarnyang dø mosat kï ãi. 'Nten la i mberkïnda kïta dekïdë'n ooj ngon kïdïngã ke kïdë ye.

⁸ Îla asï kad ngah ngon bat al a ne, a ðe kï derngøt joo ke ngan derkul joo, kïkïða kadkari kïlahorrt, na kïmad i kadkari kutdø majal. Ngejanyamosï a jakød kïta kutïn dø majal loa na a i kï karnyang.