Lebitik 10 - BIBLE MBAÏ 1980

Nadab kï Abihu oin

¹ Nadab kï Abihu ngan Aarõ, dekïðen ün gajo, øi yalhorr tit ü nõkag kïkootmbî døt, na ndah horr kï bî dang'n non nõ Bïraþet, na i nya'n Bïraþe ndad mbera al.

² Kamla horr tee ko nõ Bïraþet õd, ad oin nõ Bïraþet.

³ Moij el Aarõ an: 'Nten la i nya'n Bïraþe eltaa lon el an: M'a mî kï kunjðang kï ro degt'n ndøtïn kï romt, na m'a mî kï køsïgon takum degt tube. Aarõ ndï tan mbo.

⁴ Moij kun Misael kï Elsapan, ngan Ujiel ngonkõ bøw Aarõ, eld an: I ndøtïn kï ne øin nin ngankõsïg'n ton kam lot kïjaþat awïn ne gid gongt.

⁵ În tø ndøtïn, na øin nind kam kubgt lod kï gid gongt tit'n Moij elïn.

⁶ Moij el Aarõ kï ngana Eleajar kï Itamar an: Ot ngïsen bisïdøsï, ot tilïn kub losï, na þeta oin, ke Bïraþe þawong kï ngékawnatube'n non kïta îgïn Bïraþe ad horr õd.

⁷ Ot teen tïga tabit kujkub ndødnat, na þeta oin kïta yib kurrdøt lo Bïraþe i døsït. Ðan kïgo tat lo Moij.

Mberkïndag kïta ngejanyamosï

⁸ Bïraþe el Aarõ an:

⁹ Î kï ngani nat, ot kãin kasïnduu, ke kasï kï wong, lon i ndï andïn ne kam kujkub ndødnat, na þeta oin. 'Nten a i mberkïnda kï tokïnõt ku ngakasït

¹⁰ kïtakad i ørrïn nin nyag kïjaþat kï nyag kïjaþat al, nyag kïyerr kï nyag kïkar nat,

¹¹ kad i ndoon Israelag mberkïndag tube'n Bïraþe ad'd kïtakul Moij.

Gaj lo ngejanyamosï kam kadkarit

¹² Moij el Aarõ kï Eleajar kï Itamar, ngan Aarõ kïjoo'n nãin kï død dõ, an: Øin ndeg nya kïnãi kam kadkarigt kïlahorr nõ Bïraþet, i san kïkanj berrkasï kad dïngïrt kïta i nya kïjaþat kïtaitøi.

¹³ A i san kam lot mad kïjaþat kïta i gaj loi kï gaj lo ngani kam kadkarigt kïlahorr nõ Bïraþet, kïta nya 'nten la i nya'n ndam mbera ye.

¹⁴ A i san gu dã kï bi kï bing dã kï kun kïdõ kam lot mad kïjanjoi, î kï ngani kïdïngã kï kïdë nat sei, kïta adsïn kad i gaj loi kï gaj lo ngani kam kadkarigt kï kad kamsøllom lo Israelag.

¹⁵ A ðen kï bing dã kï kun kïdøn kï gu dã kï bi nat kï mboola'n i kïta la horro nõ Bïraþet. A i gaj loi kï ngani kïtakul mberkïnda kï tokïnõt tit'n Bïraþe nda'n mbera.

¹⁶ Moij sah bal binya kadkari kutdø majal na oo, horr õa oi. Kamla Moij þawong kï Eleajar kï Itamar ngan Aarõ kï nãin kï død dõ, an:

¹⁷ Kïtøði i san kadkari kutdø majal kam lot kïjaþat al a? I nya kïjaþat kïtaitøi'n Bïraþe adsï kïtakad i unïn ðagootal lo ngékawna kad i lan kadkari kutdø majal kïtøði nõ Bïraþet.

¹⁸ Oo, ðen kï mosï dã kam lot kïjaþat al. Sumba kad san kam lot kïjaþat tit'n m'ndan mbera.

¹⁹ Aarõ el Moij an: Oo, lan kadkari kutdø majal lod kï kadkari lod kïlahorrt nõ Bïraþet þone, na kïgo nyat kï tee dømt, îla m'sa kadkari kutdø majal a ne, a maj takum Bïraþet a?

²⁰ Lon Moij oo dø ta 'nten ye kama sokïber.