Jonas 4 - BIBLE MBAÏ 1980

Jonas ða kamkil dø kookumtondot lo Luwah

¹ Nya'n non nel Jonas al ngãibe, ad þawong,

² Elta kï Bïraþe, an: Bïraþe 'nten i ta lom ale? Lon m'ndïn kam døningt lom þaitø. Kïtø 'nten la m'ðan kïdønt kad m'ãi m'aw Tarsis kete kïta m'ger i Luwah kï ngekookumtondo, kï ngekõkam, i ngendï badø wongt ngekamkë kïngãi kï ngenya ta ða nya kï tø.

³ Kïtø 'nten tajigla Bïraþe, m'køi kï i adïm m'oi kø kïta koim i soot tøi ndim kï døm dõ.

⁴ Na Bïraþe ela an: Wong'n i ða titbe ye, maj a?

⁵ Kamla Jonas tee kam þebot kïtïga, ndï ber gid þet ko loþakàdt, Nõbe la ða kujkám, ndï ndil at mbã kï n'oo ke ði a ða þebo'n non a.

⁶ Bïraþe Luwah ad kesï þa, ada tøg dõ dø Jonast kïtakad ndila ut dø Jonas kad ða sia dø daiyot loa. Jonas ða ronel ngãi kïta kesï'n non.

⁷ Loti, lon bijalo þai wo ye, Luwah ad kur mad øsï kesï'n non ad ndulo mbaw.

⁸ Lon kad þa ye, Luwah ad nel kï tïngabil la ko loþakàdt, na kàd øsï dandø Jonas ngãi ad kuma il. Jonas kø Luwah kad kï n'oi, el an: Koim i soot tøi ndim kï døm dõ.

⁹ Na Luwah el Jonas an: Wong'n i ða titbe kïta kesï ye, maj a? Jonas tur an: M'ða maj la m'ða wong, mbã kad m'ndïnga koi ye.

¹⁰ Bïraþe el an: Ookumtondo lo kesï'n ør kïtatøa al, ada þa, na tøg al tø. Þa, na tøg kam ndøt kïkïða, na nuj kam ndøt kïkïða tø.

¹¹ Mî tø, maj kad m'ookumtondo lo þe kïbo ngãi'n non ale? Kam þebot'n non deg tøin dub þu kï dub døjoo îgïn gerïn ji kõd kï ji geld al kï nyakulg ngãibe tø.