Jonas 3 - BIBLE MBAÏ 1980

Deg kï þebo Ninib nyan ta ðob lod kïmajal

¹ Kamla ta lo Bïraþe ðe ro Jonast nja kïkõjoo, an:

² I þai aw Ninib, þe kïbo ngãi'n non, i la mber ta'n m'eli.

³ Jonas þai aw Ninib tit'n Bïraþe elan. Ninib i þe kïbo ngãi, nda dan þea gang asï ndia ndø mïta.

⁴ Jonas mba girrr kand kam þebot, ndia ndø kïða, ndï la mber ta an: Nãi ndø døsøø a ne, þebo Ninib a nuj.

⁵ Deg kï Ninib adïn kamd Luwah, lan mber køg ro nyasa, lan kub høndo rodt, mba girrra dø kïbogt mbã kï dø kïdugt.

⁶ Lon ta tee ro ngart kï Ninib ye, þai dø pong kõþet lon, ørr kub mbaiþe lon kø, la kub høndø gootat, ndï kam buhorrt.

⁷ Ngar ndamber, na ad lan mber'n non kam Ninibt: 'Nten i ta kï tee kokïro ngart kï mbaiþeg lon, Ot kadïn de, ke dã, ke mang, ke bat ødïn nya mad tadt. Ot kad san nya. Ot kad ãin man.

⁸ Na kï adïn deg kï dãg tu lan kub høndo rodt. Kï kon kï ndid kïbobe kï dø Luwaht. Ã, kï dekïðen nya ðob lon kïmajal kø kï nyaðaa kï lo ngetøgt.

⁹ Nõ asï ger ke maja Luwah a nya ta, a nyàgo wong lon kïtalsøkïrr kïtakad kï nujïn al?

¹⁰ Lon Luwah oo nya'n deg ðan nõ, kï nya kï dekïðen nya ta ðob lon kïmajal kø ye, Luwah nya ta køjta ða sed nya kï to.