Jonas 2 - BIBLE MBAÏ 1980

Jonas elta kï Luwah kam þølþoo kanjt, ad Luwah ug ørra

¹ Bïraþe ad kanj kïbo ðe ur Jonas yalïm, na Jonas to kam þølþoo kanjt ndø mïta kïkàd mïta,

² Kamla Jonas elta kï Bïraþe Luwah, lon ton kam þølþoo kanjt,

³ an: M'ko kïdø Bïraþet dan kamkølt lom, na oo dø kø lom; m'ko kam lot kï koo, na oo dø ndim,

⁴ Kïtø i lam kam þul bahbot ngawden bahbot, man tiw døm purum, tøg nü man'g loi tube kï øsïmïn pïkapïka utïn døm.

⁵ Kamla m'el m'an: Mî kï la kø sãi takumit, na m'a m'oo kuj loi kïjaþat gog þaitø.

⁶ Man ut døm, þul man tib døm purum, mug kï bah þindïn kï dømt

⁷ m'ðisï mbã kï girrr mbalbogt, døning ut tan dømt mbãkïnõt, na adïm m'þai kokam hoolþe koit kï døm dõ, Bïraþe Luwah lom,

⁸ Lon rom kïkeme oi yelel ye, m'gah dø Bïraþet, ta'n m'el sei tee aw roit mbã kam kujt loi kïjaþat.

⁹ Ngéhø go yog kïpãbe nyan go Ngekøjd kamkë

¹⁰ Na mî, m'a m'la kadkarig kïjakø m'adi nat ndï ndub; m'a m'ba nya'n m'un køm kï m'adi nõ nat kï yokïnda, kaj a ðe kokïro Bïraþet.

¹¹ Na Bïraþe elta kïkanj ad tøm Jonas kø døningt kïtut.