Joel 2 - BIBLE MBAÏ 1980

Ndø lo Bïraþe ndï ðe

¹ I kunïn tøwmand kam Siõt, unïn ndisï kïdõ i kon ne dø mbalbot lom kïjaþat. Ad ngéndï døningt tube ndadïn kïta ndø lo Bïraþe ndï ðe, i nderrbe.

² I ndø til kï lo kïdiw kïrir, i ndø kilndii kï til kïdiw kïrir. I tit lo kï to pitpit tit bijalo kï ndï tî kïdø mbalbogt, titbe tø girrde mad kï bïla ngãi kï tita goto maði, kï ðe goat kaa ne goto mbã ngakat kï ngaka.

³ Nõat i horr kï õ nya mugj, goat i ndõ horr kï õ giling giling. Kete nõat døning i tit ndøø Eden na goat i dïlalo kï nya gotot. Rota, nya mad kï tee ãi jiat goto.

⁴ Ood a tit sïndag be, ãin ngød tit sïnda ðøøg,

⁵ kahd i tit kah pusïðøøg kï tøin tasom mbalbogt, kahd i tit ndõ horr kï ngekõ gind mu, tit þut ngéðøøg kï ngétøg în ða ðan rod kïta ðøø.

⁶ Nõdt tø kïngasa ga deg takumd þa kïmïllam nda

⁷ ãin ngød tit gõðøøg na alïn ndogbørr tit ngéðøøg, dekïðen ndia kï ðob lon kï sumba sew kanj tø ðob,

⁸ de kï mbire namïn goto, dekïðen ndia kï ðobt lon ke ndan rod ta nyakat't kaa, gangïn na al.

⁹ Ãin dø þebot, alïn ngød dø ndogbørrt andïn kam kujgt na udïn buro kujgt tit ngéþoogg be.

¹⁰ Døning yee nõdt, dørã ndad, kàd kï nah duwïn til, kïmëg unjïn al.

¹¹ Bïraþe ad oon dø ndin nõ þut ngéðøøgt lon kïta koosïg loa în ngãibe, na de'n ða nya kïgo tat lo Luwah, i de kïngang. Kïtø ndø lo Bïraþe i kïbobe, i kïtootþool tø, nõ asï ða loðant ndøt'n non a?

Luwah Kun deg kï tørrïn ndid

¹² Ke titbe kaa ne, Bïraþe el an: tajigla i telïn kïromt kï ngarkamsï tube, øgïn rosï nyasa, i nõn kï man kumsï, i høn ndo,

¹³ i kubg losï hã maj kad i tilïn al na i ngarkamsï la maj kad i mbelïn ye. I telïn kï ro Bïraþe Luwaht losï kïta i ngekookumtondo kï ngekõkam, i ngendï badø wongt, i ngekamkë kïngãi na nyàgo køjta ða majal kï øj.

¹⁴ Nõ ger a? Maja a tel nyàgo køjtaða lon, na nya majkurr gont kï kadkari nduj kï kadkari nyakãi kïta Bïraþe

¹⁵ I kunïn tøw kam Siõt, i ndan mber kogro nyasa, i kunïn ngékawna kïnat,

¹⁶ i kawïn deg kïnat i ndand køtko kïða, i kawïn kïbog, i kawïn ngan'g kï ngan'g ngékïlmbà. Ad ngetaa dekïdëkij tee kam kujt lon kïtïga kï dekïdë, ngetaa ngaw kij tee kam lot lon.

¹⁷ Kï ngejanyamosï ngékïlaþerg lo Bïraþe nõn mbïna dïngïrt kï natlo, anan: I nya deg loi, ah Bïraþe, ot kad nyanduba loi tel nyakid na þeta telïn nya godøt koro girrdegt. Kïtøði a elïn ku degt anan: Luwah lod i ðah a?

Kaj ut go tørrndi

¹⁸ Kamla Bïraþe a ða jàng kïta døning lon na a oo kumtondo lo deg lon.

¹⁹ Bïraþe turta el deg lon an: Oon, m'a m'la kï nyako kï man nduu kïkij kï yib m'adsï, a i ndanïn na m'a m'ad i telïn nya kid ku degt gog al ta.

²⁰ M'a m'ørr madngétasïg kï ðen ko þodo jigel ko sãi m'a m'tuþad kï døningt kï todïla kï tut kurum. Þut kï nõat m'a m'laa kam bahbot kï ko lo þakàdt, Þut kï goat m'a laa kam bahbot kï gida kam bahbot kïlokudkadt, nduma kïkoota kïgã a þai tî kï log kïta ða nyag kïbobo.

²¹ Døning, ot þool, i ða ronel kï kamnda kïta Bïraþe ða nyag kïbobo.

²² Dãg kïmut, ot þoolïn kïta mu kïmbool ndï þa kam dïlalot, kag ndï teen kï kand'dg, kag mbaiþood kï dînduu ndï teen kï kand'd kï to mbuj.

²³ În deg kï Siõ i ðan ronel kï kamnda kam Bïraþe Luwaht losï kïta a adsï man ndii kaglot kï sumba loa a adsï man ndii kïdasa kï kïdøi þalt tit kï maði.

²⁴ Døgarg a ðoosïn kï nyako gem, laþanduug a ðoosïn kï man nduu kïkij kï yib.

²⁵ M'a m'tel m'basï gog þalg'n tawg kï ngan kïbetg, kïbetg kï dïbirg kï kïdaag san nya ndøøg losï, în koosï ngéðøøg lom'n m'lad dansït.

²⁶ A i san nya ngãi, ad tøl þood, a i ndubïn tø Bïraþe Luwah losï'n ða nyag kïyaya kïtasï na ro deg lom a søld gog al bat.

²⁷ A i gerïn ta kad mî dan Israelt, mî Bïraþe Luwah losï, Luwah kïðang goto, na deg lom rod a søld gog al bat.