Joel 1 - BIBLE MBAÏ 1980

Kïbetg tujïn døning

¹ Ta'n Bïraþe el Joel, ngon Petuel.

² Oon dø ta 'nten în bïgag, i nelïn mbisï în ngendï døning Israelt tube. Nya kïtitbe ða nya kam ndøgt losï ke kam ndøgt lo bøwsïg a?

³ Ørrïn hoia ngansïg, kï ngansïg tø ørrïn hoia ngandg na ngandg a ørrïn hoia ngaka kï a ðen.

⁴ Nya'n tawg nyan ye, kïbetg san, nya'n kïbetg nyan ye, dïbirg san, nya'n dïbirg nyan ye, kïdaag san.

⁵ I ndoolïn, in ngékasïða, i nõn, in tube, ngekãi kasïnduu udïn wi kïta kasïnduu kïkij'n a ørrïn tasït kø nõ.

⁶ Kïtø girrdeg mad þai ndoor døning lom, i girrdeg kï ngétøg kï de asï da kørd al, ngangd tit ngang tubo na sile ngangad tit lo kõ tubo.

⁷ Tujïn dînduug, na ørrïn ngø kag mbaiþoodg lom, ørrïn ngøød tube na land ber ad dø jidg ndàn ngung.

⁸ I høn ndo, i nõn tit ngomand'n lan kub høndo kïta ngawïn kï oi.

⁹ De kï ðe kadkari nduj kï kadkari nyakãi, kuju lo Bïraþe goto. Kïta 'nten ngéjanyamosï kï ngékïlaþer lo Bïraþe høn ndo.

¹⁰ Tujïn ndøøg, døning ðoosï kï ndo kï hø kïta nujïn nyako, man nduu ii na yib tïga.

¹¹ I ðan rosøl, în ngéndøøg, i udïn wi, în ngékoogo ndøø nduug kïta nyako gem kï nyako ørj kïta nyako kï kam ndøøt nuj kø.

¹² Dî nduu tut, mbaiþood ndulo, kag grenadie, kag tumur kï kag kïmasi, kagg tube kï kam ndøøt tutïn, ronel goto ro degt.

Køgro nyasa kï kelta kï Luwah

¹³ I lan kub høndo, i nõn, în ngéjanyamosï, udïn wi, în ngéðakïlaþer lo dïngïr kadkari, i ðen, i høn lo to ndø ne kï kub høndo rosït, în ngéða kïlaþerg lo Luwah lom, kïta adïn kadkari nduj kï kadkari nyakãi, kuju lo Luwah losï al,

¹⁴ I ndan mber køgro nyasa, i kunïn ngékawna kïnat i kawïn kïbog kïnat kï deg tube'n ndïn kam þet kï kam kujt lo Bïraþe Luwah losï, i kon kïdø Bïraþet.

¹⁵ Yi ndø'n non, a i ndø kïtootþool kïta i ndø lo Bïraþe ndï ðe tit yokoosï kï ngenuj deg kïgo køjt'n Luwah kï Ngetøg øjïn kamïnt.

¹⁶ Unïn nyasa takumjt kø ale? Ronel kï kamndà goton kam kujt lo Luwah loj ale?

¹⁷ Konya ndum girr ningt, damg în kïtuj, kuj ngom nyako tetïn kïta nyako tut.

¹⁸ Oon, dãg ndï tõn ðusïðusï, þut mangg tø oon lo kï awïnt al kïta nyasa lod goto, ã, þut batg tø ngahn nyasa al,

¹⁹ A Bïraþe, m'ko kï døit kïta horr õ lokulnyag kï kam ndøøt na ndõ horr õ kagg kï kam mut,

²⁰ Dãg kïmut tø ndï kon kïdøit kïta man tube ii ndã, na horr õ lokulnyag kï kam ndøøt.