Jeremi 7 - BIBLE MBAÏ 1980

Juda ða yo, ad yerr kï ron

¹ Ta'n tee kokïro Bïraþet, ðe ro Jeremit, an:

² I ða tabit't lo kuj lo Bïraþe, lot'n non i la mber ta 'nten an: Oon dø ta lo Bïraþe în deg kï Juda tube, în ngékand tabitg'n ðan kïta køsï dø ber nõ Bïraþet.

³ Titbe kel Bïraþe Ngekoosïg, Luwah lo Israel. I oon go ðobg losï kï kïlaðasï kamla m'a m'nyàsï kad i ndï kam lot'n ðan.

⁴ Ot þan kul tag kïngom kï kan: Kuj kïjaþat lo Bïraþe, kuj kïjaþat lo Bïraþe, kuj kïjaþat lo Bïraþe.

⁵ Îla i gangïn ta denesew ku det kï madþen,

⁶ îla i ðan ngetøg dø mbaht, ke ngonhal, ke nge ngawkoi al, îla ün mosï kïkanj ta lot'n ðan al, îla i awïn ro yogt kï mbah al in tee kï majal døsït a ne,

⁷ m'a m'adsï ndï kam lot'n ðan kam døningt kï m'ad bøwsïg maði nu mbãkïnõt.

⁸ Na oon i ndï þan kul tag kïngom kïkari pãbe.

⁹ Ði kï be? I þoogïn i tølïn deg, i ðan kaya i lan horr nya kïkootmbî adïn Baal, i awïn go yogt kï i gerïnd kete al.

¹⁰ Gog got i ðen, ðan nomt kam kujt'n ðan in kunïn tøm døt, elïn anan: Aj ji woi. Na I ho ðan nyag kïyerr.

¹¹ Kuj'n ðan in kunïn tøm døt ye tel bulo to ngekumðob ta kumsït a? Mî kïbe kïdøm m'oo nya 'nten. Titbe la i takel Bïraþe ye.

¹² Awïn lot lom kïjaþat, Silo, in tøm ndï kot maði nu, oon nya'n m'ða sia kïta ðagootal lo deg lom Israel.

¹³ Na tajigla, tit kan i ðan kïlag 'nten tube. Titbe la i takel Bïraþe ye. Tit'n m'elsïn ta kïdøtdøt kanj nya ta, na oon dø al m'kunsï na i turïn ta al.

¹⁴ Kïtø 'nten m'a m'ða kï kuj'n ðan in kunïn tøm døt, în i þan kula, kï lo'n m'adsï kï bøwsïg tit'n m'ðan kï Silo ye be.

¹⁵ M'a m'lasï kø takummt tit'n m'lan ngankõsïg kø, ad i koh Epraim kïtaagbe.

¹⁶ Na î Jeremi taa, ot kø kïta deg'n ðan, ot kun ndii kïdõ køn, ke kelta sem kïtad, ot kø kïkanj nya ta kïtad kïta m'a m'oo dø kø loi al.

¹⁷ I oo nya'n ðan kam þebogt kï Juda kï dø ðobgt kï Jerusalem ale?

¹⁸ Ngan'g øin kir, bøwdg ðan horr, dekïdëg løin nduj, ðan ne woina kad ngar kïdë kïdørãt kad n'ün kadkari nyakãi n'adïn yog kïmbah kïtakad kï n'søkïmïn ne.

¹⁹ I mî la ndï søkïmïn yo oo? Titbe la i takel Bïraþe ye. În kïdød ten kï girr rosøl lod kïkøsïdød ale?

²⁰ Kïtø 'nten titbe kel Bïraþe Luwah: Oo, wong lom, wong lom kïtïngabil a ðe dø lot'n ðan, dø det kï dø nyakult kï kag kïkam ndøøt kï kandnya kïdøningt, a õ tit horr be na a oi al bat.

Mbetïn koo dø ta lo Luwah

²¹ Titbe kel Bïraþe Ngekoosïg, Luwah lo Israel: I lan kadkari losï kï lahorrt kï kïjakø døt, i san dã.

²² Lon m'ad bøwsïg teen ne døning Ejipt't kïtïga ye, m'eld ta ke m'ndad mber dø kadkari kïlahorrt ke kadkari kïjakø al.

²³ 'Nten la i mber'n m'ndad: Oon dø ndim a ne, m'a mî Luwah losï a în deg lom ho. I ndian kam ðobgt lom tube în m'ndasï mbera kïtakad maj urrsï.

²⁴ Na oon dø al, nelïn mbid al tø, telïn rod go ndimt al, na taan takøj kïmajal kï ngarkamdt kïkongkong, awïn kïkete al, na telïn gog gog.

²⁵ Lon bøwsïg teen døning Ejipt't mbã þone, ndø tube m'la kï þerg lom ngekelta kï tamt kïrosït,

²⁶ na îng taa ne, oon dø ta lom al, nelïn mbid oon ne al tø, na ngïran god, ðan majal tøi kïlo bøwdg þaitø.

²⁷ Îla i eld tag 'nten tube kaa a oon dø ta loi al, ke i kund kaa a turin ta al.

²⁸ Kamia i eld an: Oo girrdeg'n oo dø ndita lo Bïraþe Luwah loa al, ndig ta takøj al ta kïrota goto roat, tee taat al.

²⁹ I ngïse døi, i laa kø sãi i nõ høndo dø doorlogt kï ton dïla kïta Bïraþe mbet ngaka'n ðan, ngésøkï wong loa kïtalsøkïr.

Ndøg kïmajal ngãi a ðen

³⁰ Kïtø ngan Juda ðan nya kïmajal takummt kel Bïraþe. Udïn nyag kïyerr kam kujt lom, in kunïn tøm døt telïna kïyerrt.

³¹ Ðan dïngïr mad'n tø a i Topet kam hoollot lo ngan Hînom kïtakad lan ngandg kïdïngã kï kïdë horrt, nya'n m'nda mbera al, na m'ga kamm døt al tø.

³² Kïtø 'nten oon, ndøg ndï ðen nõ. Titbe la i takel Bïraþe ye. Lon a kunïn tøa Topet ke Hoollo lo ngan Hînom gog al ta, na a elïn anan: I Hoollo tøl deg. A duwïn ngékoig kam Topet kïta lo dub nin kïðang goto.

³³ Nin deg'n non a tel nyasa yelg kïdõ kï dãg kï døningt, na de mad in a tuþad kø goto.

³⁴ M'a m'ad kud wi kïronel kï kamndà goto kam þebogt, kï Juda kï dø ðobg kï Jerusalem, ndi pa lo ngetaa dekïdë kij, kï pa lo ngetaangaw kij a goto kïta døning a tel gotlo.