Jeremi 6 - BIBLE MBAÏ 1980

Jerusalem a so dan kamkølt

¹ În deg kï Benjamin, i tee ãin kø kam Jerusalemt, i kunïn tow kam þet kï Tekoa, i ðan nyakøj dø þet kï Bet Kerem kïdõ kïta nujkø a ðe kojigel, i nujkø kïbobe.

² M'a m'nuj ngomdand kïmaj, þebo Siõ kï to kumndà kø.

³ Deg þain awïn kï roat Tit ngékulnyag kï þut nyakulg lod, a ndan kujkubg lod gugïn døa, þut kïðen a sanya kam lot lon.

⁴ I ðan go rosï kïta ðøø sia, I þain, dan kada kaa, ad j'awïn. Þe to loj, kad ða ud na ndil nya kïlokïsøle tee ngal.

⁵ Ad kï bai, j'awïn køndø ne kad kï nuj kuj kõþeg loa.

⁶ Kïtø titbe kel Bïraþe Ngekoosïg: I gan kagg, i þan lo kïdõ ndoorïn þebo Jerusalem, oo, i þebo'n sumba kad nda øja, nyaða kïlo ngetøgt koon la ðoosï kama ye.

⁷ Tit'n buloman ndï þa kï man, titbe tø la nyaða kïgootal loa teen ye. Oon dø kah nyaða kïlo ngetøgt kï nujkø kamat, mõi kï dó în nomt kïndøgbdog.

⁸ Ah Jerusalem, i taa takøj na þeta a ne, m'ørr rom roit ko, m'teli gootþe, døning kï de gotot.

⁹ Titbe kel Bïraþe Ngekoosïg: A burïn ndeg Israel kïnãi tit'n deg a burïn ne kand nduu. I tel nda jii døat gog to, tit'n ngeja kand nduu tel jin, nda doil ndut ye be.

¹⁰ Nõ m'a m'ela ta a? Nõ m'a m'una ngemanajt kad oon do a? Oon, mbid ut, asïn ko dø al, ta lo Bïraþe tel nyakïd rodt, ngahn ronel tit al.

¹¹ Mî taa, wong lo Bïraþe kïtalsøkïr ðoosï kamm, m'asï ndïdøt al. M'üa dø ngont kïdø ðobt kï kïdø kawnat lo basag, kïta a høn dingãm kï dekïdë, bïgag kï de'n ndøa i ngãi.

¹² A taan kujg lod kï ndøøg lod kï nëdg adïn deg madg lon m'a m'la jim kïdø ngendï døningt'n ðan. Titbe la i takel Bïraþe ye.

¹³ Kïtø 'nten la m'mba girra dø de kïdødut mbã kïdø kïbot, tube în ngeðakumnda, mba girra dø ngekelta kïta Luwaht mbã kïdø ngejanyamosït tube, în ngégool deg.

¹⁴ Døn dó lo deg lom ad ta dó ho sîsî, elïn anan: Lapia lapia. Na lapia goto.

¹⁵ A în kï rosøl kïta nyaða kïyerr, rod søld al bat, unïn kumd kïdõ kari. Kïtø 'nten a son nat kï deg'n son, a tøsï tïland lon m'nda m'øjd. Titbe la i takel Bïraþe ye.

¹⁶ Titbe kel Bïraþe: I dïba i ða dà dø ðobt, oon lo, i ndïjen ðobg kïmaði oon, ke ðob kï ðah i kïmaj a? I ndiant na a i ngahn ne taakò kïta rosï. Na turïn anan: Jî j'a kï ndiat al.

¹⁷ M'nda ngéngomlo rosït m'an: I nelïn mbisï dø ndi towt. Na i turïn anan: J'a kï nel mbij al.

¹⁸ Kïtø 'nten oon dø, în girrdeg kïdangdang. În ngékawna lo girrdeg kad i gerïn ne nya'n a ðad.

¹⁹ Deg kï døningt, oon dø. M'a m'ðe kï nyakïto dø degt'n ðan, i kand tagahd kïta nelïn mbid dø tagt lom al mbetïn mberkïnda lom.

²⁰ M'a m'gee nya kïkootmbî kï ðe ko Seba kï kadnya kïnel kïdøningt kïsãi a? Kadkari losï kïlahorrt ye, m'gee al kadkari losï kïjakø nelïm al tø.

²¹ Kïtø 'nten titbe kel Bïraþe: Oo, m'a m'la mbal gagigt nõ degt'n ðan, bøwg kï ngan'g nat tube a gan njad døt madþe kï nam a nujïn.

²² Titbe kel Bïraþe: Oo, girrdeg mad þai ko døning kïjigel, ndï ðe girrdeg kïbo ndï þai ko sãi døngoi døningt.

²³ Høn gã kïrã kï ninga jidt, ngeða takõ kïkanj kookumtondo ndid ko tit bahbo be, ndïn dø sïndagt. Dekïðen kudt ða ron woi kad ðøø sesï, în ngendï Siõ.

²⁴ J'oo høid, jij oi yelel kamkøl ðaj, daiyo tit kïlo dekïdë kï ngetõkooj be.

²⁵ Ot teen kam ndøøgt, ot kawïn dø ðobgt kïta kiyaðøø lo madngeta i nõ tuj kïbobe gug dø lo gej,

²⁶ Deg lom kï þebot, i dõ þosi kï kub høndo, i ndubïrïn rosï kam buhorrt i høndo ða høn ne ndo lo ngon kïdïngã kïkal kïðabe, i nõn non kïkatbang, kïta, ngetujnya ndï ðe, a hurj ruk.

²⁷ M'ndai ku degt lom kad i nánd, kad i gerd kï nan ðobg lod.

²⁸ În, tube, în ngétaaðøø, ngélata ko degt, în ningakasï kï hand tube, în nya kïndum.

²⁹ Ndub ndï øsï ngãi na horr õ nar plomb ko, ndï arïna kari kïndang, majal loa ørr al.

³⁰ Kunïn deg'n non nar arjã kïmajal kïta Bïraþe mbetd.