Jeremi 5 - BIBLE MBAÏ 1980

Girr takïgang kïdø Jerusalemt

¹ I ãin ngød kïdø ðobg kï Jerusalem, i nølïn, oon kad i gerïn. I sahn kam natlogt kad i ngahn de, de mad kï hø ða nya kïdenesew, de kïro. Kamla m'a m'nyàgo majal lo Jerusalem kø.

² Ke neni elïn anan: Bïraþe ndï kï døa dõ, kaa ne ndan yo takïbal kari.

³ Ah Bïraþe, kumi oo nyag kïrota al e? I ndad na rod tod al, i tøø kohd na mbetïn ndakøj, takumd ngang tøi mbal, mbetïn tel kïroit.

⁴ M'el m'an: Rota, deg'n ðan în ngéndog, ðan nya kïlo þoodt kïta gerïn ðob lo Bïraþe al, ke mberkïnda lo Luwah lod.

⁵ M'a m'aw ro kïbogt m'a m'eld kïta gerïn ðob lo Bïraþe þet kï mberkïnda lo Luwah lod to, na deg'n non tetïn jug, gangïn kïla døø.

⁶ Kïtø 'nten la tubo kïkam kút hød biskolo kïmut nujd, kag ndia gug dø þe lod, dekïðen in tee tïga a ne, tubo a høa, ria nat, kïta tøin dø ta ngãibe, ðagootal lod bïla kïdøtdøt.

⁷ Titbãi m'a m'nyàn go majal loi kø a? Nganig tin nyàmïn kø, ndan yo kï takul nya kï i Luwah al. M'uld kï nyasa kïmaj na ðan kaya kawïn na koosïg kam kujt lo kaya dekïdë.

⁸ Titin'na kï sïndag kï ulïnd maj, ndian kï log papa, nëbe kï nube, kïðen kudt la ndil, sahn në madþen.

⁹ Nya kï titbe m'a m'øj kuma ale Titbe la i takel Bïraþe ye. Girrdeg kï titbe, m'a m'nda ngïra døat ale?

¹⁰ I alïn dø ndogbørrt loa, i nujïnd, na ot nujïm kïtaagbe. I gangïn døji nduu'n i lo Bïraþe al kø.

¹¹ Kïtø ngékïþe lo Israel kï ngékïþe lo Juda ðan sem nya kïlo ndokumt, Titbe la i takel Bïraþe ye.

¹² Majin ta ger Bïraþe, elïn anan: Luwah goto. Nyakïto a ødj al j'a j'oo nyakat ke bo al.

¹³ Ngekelta kïta Luwaht tit'n kï nel ta kïjeje goto kamdt; titbe a ðan ne sed ho ye.

¹⁴ Kïtø 'nten Bïraþe Luwah Ngekoosïg elïn ta. Tit'n i elïn ta 'nten oo, m'ndig kad ta lom kï tee tait i horr na deg'n ðan în kïr kad horr õd.

¹⁵ Oon, m'ndï m'ðe kï girrdeg kïsãi kï døsït În ngekïbe lo Israel, Titbe la i takel Bïraþe ye. I girrdeg kïngang i girrdeg kï ndï maði nu, girrdeg'n i ger ta þe loa al, oo dø ta loa al tø.

¹⁶ Þøl kïrãg loa i døþad kï ða tag, tube în gõðøøg.

¹⁷ A san nyako loi kï nyasa loi, a san ngani kïdïngãg kï kïdëg, a san batg loi kï mangg loi, a san kand nduu loi kï kand kag mbaiþood loi. Þebog loi kïngang îgïn i þakuld ye, a nujd kï kiyaðøø.

¹⁸ Na ndøt'n non kaa, m'a m'nujsï kïtaagbe al. Titbe la i takel Bïraþe ye.

¹⁹ Lon deg loi a elïn anan, Kïtøði Bïraþe Luwah loj ðan sej nyag kï titbe a? Kamla a turd an: Tit'n i nyàmïn ne kø na i ðan þer adïn yog kam døningt losï ye, titbe tø a i ðan ne þer lo mbahg kam døningt kï i losï al.

²⁰ I elta 'nten ad ngékïþe lo Jakob oon dø, i la mbera kam Judat an:

²¹ Oon dø ta 'nten maj în þood deg kïkanj terr, în kï kumsï na oon ne lo al în kï mbisï na oon ne dø ta al.

²² I þoolmïn ale? Takel Bïraþe. Rosï ndad kïnomt ale? Mî kï ngenda ngarr kad i ðobnin bahbo i ðobnin kïtokïnõt kad tøi dø al hula øsï pïkapïka na tøga asï al, ko huhu na tøi al.

²³ Na deg'n ðan în ngédøngang, taan takøj al în ngételrogotat al, În ngétaaðøø na kaw lo kï kamsï gee.

²⁴ Elïn kamdt anan: Ad kï þoolïn Bïraþe Luwah loj. Elïn titbe al. I ngekad ndii kïdasa lon þart mban girrïn mbã ndii kï kïdøboit, lon þal ndøt ad kaglo tet nyako ðe ad kaglog ton lotodt.

²⁵ Ðagootal losï la øgsï majkurr, majal losï to la øgsï nyamajg ye.

²⁶ Kïtø ngahn deg kïmajal ku degt lom umïn lo tit ngehøyel be, yan gum høn ne deg.

²⁷ Tit'n kuj yel ðoosï kï yelg, kujg lod ðoosïn kï ndokum titbe telïn ngétøg kï ngenyangah.

²⁸ Ulïn rod, bon mbulmbul, rod ndulo, ðan majal kïtai, gangïn ta lo ngan halg kad maj urrd al gangïn ta lo ngendog al tø.

²⁹ Nya kï titbe, m'a m'øj kuma al e? Takel Bïraþe. Girrdeg kï titbe, m'a m'nda ngïra do at ale?

³⁰ Nya kïmajal ngãi kï kïyerr ndï ða nya kam døningt 'nten

³¹ Ngekelta kïta Luwaht elïn ta kï ngom, ngejanyamosï õnþe kïgo takøjt lod na deg lom gen nya kï titbe. Døboia a ne, a i ðan ði a?